Բաժիններ

Լրացուցիչ

Ընտրել լեզուն

Ո՞վ կորդեգրի Հայաստանի հավաքականը

Հայաստանի ազգային հավաքականի արդեն նախկին գլխավոր մարզիչ Վարուժան Սուքիասյանը հեռացավ: Հեռացավ այն պահին, երբ, իր խոսքով, նման բան անել չէր կարելի: ՆԱ Ռումինիայի հետ խաղից հետո նշեց, որ հավաքականին չի թողնի նման վիճակում: Բայց, ի վերջո, թողեց: Հիմա փորձենք հասկանալ, թե ով և ինչու պետք է կանգնի հավաքականի ղեկին:

ԱԲՐԱՀԱՄ ԽԱՇՄԱՆՅԱՆ

Khashmanyan     

Վարդան Մինասյանի հրաժարականից հետո հենց նա էր դիտարկվում որպես հավաքականի գլխավոր մարզչի թեկնածու: Մանավանդ, որ դրա համար կար անհրաժեշտ ժամանակահատված: Վարդան Մինասյանը հեռացավ Իտալիայի հետ ԱԱ ընտրական մրցաշարի խաղից հետո: Մինչև Եվրո 2016-ի որակավորման փուլ շատ ժամանակ կար: Կարելի էր հրավիրել ու տալ հնաավորություն:

Ինչու այո – Խաշմանյանը Հայաստանում ամենամեծ համբավ ունեցող մասնագետներից է: Նա վայելում է երկրպագուների ամենաշատ սերն ու հարգանքը: Նրա ակումբային հաջողությունները թույլ են տալիս իր հետևում ունենալ երկրպագուների ու հավաքականի ուժերին դարձյալ հավատացողների մեծ բանակ, վայելել ֆուտբոլիստների վստահությունը: Նման կարգի հաջողություններ ունեցող մարզիչը ՊԵՏՔ Է, ՈՐ շարունակի կերտել իր` բառի ուղիղ և փոխաբերական իմաստով կանաչ ճանապարհը:

Ինչու ՈՉ –  ՀՖՖ-ն երբեք Աբրահամ Խաշմանյանի հետ բարիդրացիական հարաբերությունների մեջ չի եղել: Իսկ ինչպես մենք գիտենք, ով որ ՀՖՖ-ի հետ երկխոսություն չունի, նրա գործունեությունը հայկական ֆուտբոլում կասեցվում է: Աբրահամ Խաշմանյանը երիտասարդական հավաքականում աշխատելու փորձ ունի, սակայն ՀՖՖ ղեկավարության հետ կոնֆլիկտի պատճառով հեռացավ: Բացի դրանից, նա բազմիցս հայտարարել է, որ ցանկություն չունի գլխավորել Հայաստանի ազգային հավաքականը:

ՎԱՐԴԱՆ ԲԻՉԱԽՉՅԱՆ

Bichakhchyan

Վարդան Բիչախչյանը ներքին առաջնությունում, Խաշմանյանի պես, հասել է բոլոր հաջողություններին, բայց այլ պաշտոնում նրան դեռ ոչ ոք չի տեսել: Ասել, որ նա հաջողության չի հասնի հավաքականում, միանշանակ չի կարելի: Բայց գուցե ստացվի:

Ինչու այո – Ֆուտբոլում բախտի գործոնը երբեմն ամենավճռական դերն է խաղում: Այ հենց այդ բախտից էլ չունի Հայաստանի հավաքականը, ցավոք: Վարդան Բիչախչյանը: «Շիրակի» պատմության ամենատիտղոսակիր ու սիրելի մասնագետն է: Նրա հետ են կապված Գյումրու թիմի վերջին տարիների բոլոր հաջողությունները՝ ինչպես ներքին առաջնությունում, այնպես էլ միջազգային ասպարեզում:

Ինչու ոչ – Եթե Աբրահամ Խաշմանյանը ՈՐԵՎԷ հավաքականում աշխատելու փորձ ունի, ապա Բիչախչյանը` ոչ: Ու դժվար է, շատ դժվար է, փոքրիկ առաջնության ակումբից միանգամից անցնել խիստ պատասխանատու ու, կարելի է ասել, անծանոթ աշխատանքի: Որտեղ մթնոլորտը լրիվ այլ է, գաղափարները` ևս: Աշխարհում կան բազում մասնագետներ, ովքեր խուսափում են հավաքականի հետ աշխատելուց:

ՎԱՐԴԱՆ ՄԻՆԱՍՅԱՆ

Minasyan

­

Հայաստանի նորանկախ պատմության ամենասիրելի, որոշ դեպքերում, նաև պաշտելի մարզիչը: Մասնագետ, ում օրոք Հայաստանի հավաքականը հասավ իր պատմության գագաթնակետին: Մոտ էր Եվրո 2012-ի ուղեգիր նվաճելուն, մասնագետ, ով գտավ հաղթանակի բանալին: Մարդ, ում միշտ սպասում է հայ երկրպագուն:

Ինչու այո – Երիտասարդ մարզչի հետ Հայաստանի հավաքականի ֆուտբոլիստները հիանալի հարաբերությունների մեջ են: Նրա հեռանալուց հետո բոլորի սոցցանցերի էջերը ողողվեցին նրա նկարներով ու շնորհակալական նամակներով: Նրա հեռացումից ի վեր, Հայաստանի հավաքականը կորցրեց իր տեղը ֆուտբոլային վերնախավում ու սկսվեց պարտությունների ու ձախողումների շարան: Երկրպագուները բոլոր խաղերում վանկարկում են նրա անունը` հենց Վարդան Մինասյանի հետ կապելով մեր թե նախկին, թե ապագա հաջողությունները որպես մարդու, ով ծանոթ է այս ամենի ներքին խոհանոցին: Բացի դրանից, նա վայելում է ՀՖՖ նախագահի սերն ու հարգանքը, ինչը խիստ կարևոր է:

Ինչու ոչ – Ինքը` Վարդան Մինասյանը բազմիցս ասել, է որ այլևս ցանկություն չունի գլխավոր հավաքականը` պատճառաբանելով, որ այլևս հավաքականին տալու ոչինչ չունի: Եվ իսկապես: Վերջին շրջանում նկատվում էր լճացում: Միշտ նույն խաղն ու տակտիկան, որը վաղուց կարդացված էր մրցակիցների կողմից: Հավերժ հակագրոհներ անգամ այն պահին, երբ պետք է խաղ առաջին համարով: Անգամ 9 հոգով խաղացող բուլղարիային մենք հաղթեցինք հակագրոհի միջոցով, իսկ Մալթայի պես համեստ թիմի հետ չկարողացավ թիմը գործել առաջին համարով, որովհետև բառի բուն իմաստով երբեք դա չէր արել: Պետք է գիտակցել, որ նրա շրջանը հավաքականում ավարտվել է ու բաց թողնել նրան: Գուցե 10 տարի հետո նա կվերադառնա` նոր ու թարմ մտահղացումներով:

JOKER

joker

Ալտերնատիվ տարբերակ միշտ էլ կա: Մինասյանի հեռանալուց հետո շրջանառվում էին մեծանուն արտասահմանցի մասնագետների անուններ: Բայց ընտրությունը կատարվեց հօգուտ անհայտ Բեռնար Շալանդի: Հիմա Վարուժան Սուքիասյանի հեռանալուց հետո հարց է ծագում: Նորից վստահել տեղի ներկայացուցչի՞ն, թե՞ իրավիճակը շտկելու համար հրավիրել արտասհմանյան, իսկապես որակյալ մարզչի: Այս հարցերի պատասխանը պիտի տա Ֆեդերացիան:

Եթե հաշվի առնենք, որ վերջին շրջանում շատ է քննարկվում նաև ՀՖՖ-ի նախագահի հնարավոր հրաժարականի թեման, ապա սպասվում է, որ Սուքիասյանի հրաժարականով սկսվում է փոփոխությունների հսկա շղթա, որը լույս կվառի հայկական ֆուտբոլի` գնալով ավելի խորն արտամտներ ձգող թունելի վերջում:

Ռոբերտ Գասպարյան


Աբրահամ Խաշմանյան. «Հուսով եմ՝ մեր ռիսկն արդարացրեց իրեն»

Աբրահամ Խաշմանյան. «Մեր թիմը շավ լավ խաղաց, ու հաղթանակը տրամաբանական էր»

Աբրահամ Խաշմանյան. «Մանասյանի վրիպո՞ւմը. Մեսին էլ երբեմն գոլ չի խփում 11-մետրանոց հարվածով»

Աբրահամ Խաշմանյան. «Ես այսօր ճանաչեցի իմ թիմին»

Աբրահամ Խաշմանյան. «Ոչ թե 1-2 ֆուտբոլիստ է վատ վիճակում, այլ ամբողջ թիմը»

Լավագույնների պարգևատրումը և «Ալաշկերտի» մարզչական «քաոսը». Հայկական ֆուտբոլի գլխավոր լուրերի քրոնիկոնը

Ամպրոպ՝ անամպ երկնքում. Արամ Ոսկանյանը հեռացվել է «Ալաշկերտից», նրան փոխարինել է Աբրահամ Խաշմանյանը

Չեմպիոնի ազատումը «խաշմանյանական» լծից և Մանասյանի պատմական պոկերը. «Ալաշկերտի» ելույթների ամփոփումը՝ 10 փաստերով

Կարեն Բարսեղյան. «Խաշմանյանը կվերադառնա «Ալաշկե՞րտ». ո՞վ է այդպիսի լուրեր տարածում»

Աբրահամ Խաշմանյանի հրաժարականը պահանջել է ակումբի նախագահը

Աբրահամ Խաշմանյան. «Գլոբալ փոփոխություններ են պետք մեր ակումբային ֆուտբոլում»

Աբրահամ Խաշմանյան.«Երկրորդ փուլը հայկական թիմերի համար առավելագույնն է»

Աբրահամ Խաշմանյանը երկարաձգել է պայմանագիրն «Ալաշկերտի» հետ

Աբրահամ Խաշմանյան.«Մեր մաքուր գոլը չհաշվեցին. Ընթացք ենք տալու»