Բաժիններ

Լրացուցիչ

Ընտրել լեզուն

Ո՞րն է Մխիթարյանի լավագույն խաղային դիրքը

«Մանչեսթեր Յունայթեդի» վերջին ձեռքբերումը՝ Հենրիխ Մխիթարյանը, իր մարզական կարիերայի ընթացքում հանդես է եկել բազմաթիվ դիրքերում և թիմի գլխավոր մարզիչ Ժոզե Մոուրինյոյին մի շարք տարբերակներ կառաջարկի՝ գրում է ակումբի պաշտոնական կայքը:

Երկրպագուները պետք է անհամբերությամբ սպասեն ու տեսնեն, թե Ժոզե Մոուրինյոյի կարծիքով՝ ո՛ր դիրքն է Մխիթարյանի համար ամենաարդյունավետը «Մանչեսթեր Յունայթեդի» կազմում: «Բորուսիայի» կազմում անցկացրած վերջին երեք մրցաշրջաններն ապացուցում են, որ Մխիթարյանն իր ամենաարդյունավետ խաղը ցուցադրում է փլեյմեյքերի դիրքում: Վերջին շրջանում նա պարբերաբար խաղացել է եզրերում՝ գրանցելով տպավորիչ ցուցանիշներ:

24 հանդիպում անցկացնելով աջ եզրում՝ Մխիթարյանը դարձել է 10 գոլի ու 17 գոլային փոխանցման հեղինակ: Մյուս թևում անցկացնելով 21 խաղ՝ նա դարձել է 12 գոլի ու նույնքան գոլային փոխանցման հեղինակ: Մխիթարյանը վեց հանդիպում է անցկացրել հարձակվողական կիսապաշտպանի դիրքում և միայն մեկ խաղ որպես կենտրոնական ենթահարձակվող: Այդ խաղը կայացել է հոկտեմբերին Մյունխենի «Բավարիայի» դեմ, երբ դորտմունդյան ակումբը պարտվեց 5:1 հաշվով: Այդ դիրքում հայ ֆուտբոլիստի խաղն ամբողջությամբ չցուցադրեց նրա կարողությունները: Ադնան Յանուզայը «Բորուսիա» տեղափոխվեց հենց այդ բացը լրացնելու համար:

2014/15 մրցաշրջանում Մխիթարյանն աջ եզրում ավելի շատ է խաղացել(22), քան ձախ եզրում(16), սակայն Գերմանիայում անցկացրած իր ելույթների ընթացքում նա պարբերաբար հանդես է եկել կենտրոնական հարձակվողական կիսապաշտպանի դիրքում: Դորտմունդյան ակումբում նա հանդես է եկել նաև որպես խորքային կիսապաշտպան, սակայն նրա առանձնահատկությունն ստեղծագործական կարողությունն է, հարձակվողական մտածելակերպը:

Այնուամենայնիվ, վերջին տարիների իր ելույթները նրան դարձրել են լայն կիրառելի կիսապաշտպան: «Շախտյորում» հանդես գալու տարիներին նա, կարելի է ասել, կենտրոնական ենթահարձակվող էր: Ահա հենց այդ թիմում է Մխիթարյանը ձեռք բերել իր հարձակվողական հոտառությունն ու ունակությունները:

Հավաքականի մակարդակով նրա ունիվերսալությունը դառնում է ավելի ակնբախ: Ակնհայտ է, որ Հայաստանի հավաքականի առաջատարն ու ավագը մեծ պատասխանատվություն է կրում իր ուսերին, սակայն կայուն դիրք չունի: Հավաքականի կազմում իր վերջին չորս խաղերում Մխիթարյանը հանդես է եկել տարբեր դիրքերում՝ հարձակվողական կիսապաշտպան, կենտրոնական կիսապաշտպան, ձախեզրային և աջեզրային կիսապաշտպան: Առավելապես ելույթ ունենալով կիսապաշտպանության դիրքում՝ Դանիայի հավաքականի դեմ 2013 և 2014թթ. կայացած խաղերում նա հանդես է եկել որպես կենտրոնական հարձակվող:

Մի բան, որ հստակ է, այն է, որ Մոուրինյոն Մխիթարյանին չի տեսնի որպես կենտրոնական հարձակվող, այլ ավելի շատ ենթահարձակվող, ով կարող է գործել հարձակման տարբեր թևերում նույն բարձր արդյունավետությամբ: Մխիթարյանը մշտապես պատրաստ է լինելու մարզչի հրահանգներին՝ գրոհին տեմպ տալու ու իր առանձնահատուկ հետախուզական գործողություններին դիմելու համար:


Ինչպիսի տեսք կարող է ունենալ «Մանչեսթեր Յունայթեդի» հարձակումը հաջորդ մրցաշրջանում (լուսանկարներ)

Մոուրինյո. «Պոգբան չի խաղա, քանի որ մասնակցելու է հոր թաղման արարողությանը»

Ժոզե Մոուրինյո. «Փորձում եմ պաշտպանել ֆուտբոլիստներին, ովքեր պետք է խաղան Եվրոպա լիգայի եզրափակչում»

«Մանչեսթեր Յունայթեդը» 110 մլն. ֆունտ կծախսի «Տոտենհեմից» ֆուտբոլիստներ գնելու համար

Մոուրինյո. «Մարդիկ ասում են՝ մենք կենտրոնացել ենք Եվրոպայի լիգայի վրա, բայց դա այդպես չէ»

Մահացել է Պոլ Պոգբայի հայրը

Մոուրինյո. «Ինձ համար շատ դժվար էր այս մրցաշրջանում, բայց եթե մենք հաղթենք ԵԼ-ն, հիանալի կլինի»

«Երբ ունես 250 մլն-ի տաղանդ, բայց Մխիթարյանին ու Մատային խաղացնում ես որպես եզրային պատշպաններ». Փորձագետը քննադատում է Մոուրինյոյի մարտավարությունը

Մոուրինյոն «Յունայթեդում» ցանկանում է տեսնել «Մանչեսթեր Սիթիի» առաջատարին

Մոուրինյոն ցանկանում է Մարկո Ռոյսին տեսնել «Մանչեսթեր Յունայթեդում»

Մոուրինյո. «Եվրոպայի լիգայում հաղթելն ավելի կարևոր է, քան լավագույն քառյակում հայտնվելը»

Ֆուտբոլի պատմության մեջ 3 ուժեղագույն ֆուտբոլիստներն՝ ըստ Ժոզե Մոուրինյոյի

Մոուրինյոն ավելի մեծ ազատություն կտա Մխիթարյանին՝ հրավիրելով «Մոնակոյի» կիսապաշտպանին

«Մանչեսթեր Յունայթեդը» միանգամից 3 ֆուտբոլիստ ձեռք կբերի «Ատլետիկոյից»

Ժոզե Մոուրինյո. «Թիմի առանցքային ֆուտբոլիստները կարող են չմասնակցել «Արսենալի» հետ խաղին»

Ժոզե Մոուրինյոն արգելք է դրել «Մանչեսթեր Յունայթեդի» ֆուտբոլիստների առջև