Բաժիններ

Լրացուցիչ

Ընտրել լեզուն

Վարուժան Սուքիասյանը կրկնեց Բեռնար Կազոնիի և Յան Պոուլսենի վատագույն արդյունքը

Հայաստանի ազգային հավաքականն անհաջող է մեկնարկել ֆուտբոլի աշխարհի 2018թ. առաջնության ընտրական մրցաշարում՝ պարտվելով անցկացրած 3 հանդիպումներում էլ: Միայն 3-րդ տուրում՝ լեհերի հետ մրցավեճում մեր ֆուտբոլիստներին հաջողվեց բացել գոլերի հաշիվն ընտրական մրցաշարում:

Արդարության դեմ չմեղանչելու համար պետք է նշել, որ Լեհաստանի ընտրանու հետ խաղում Հայաստանի հավաքականը կարող էր նույնիսկ հաղթել, սակայն մարզական բախտը երես էր թեքել մեր ֆուտբոլիստներից:

Ֆուտբոլի աշխարհի 2018թ. առաջնության ընտրական մրցաշարը 6-րդն է Հայաստանի հավաքականի համար: Առայժմ Վարուժան Սուքիասյանի գլխավորությամբ մեր հավաքականը կրկնում է 2006 և 2010թթ. աշխարհի առաջնությունների ընտրական մրցաշարերում Բեռնար Կազոնիի և Յան Պոուլսենի օրոք գրանցած վատագույն արդյունքը: Ընդ որում Պոուլսենի օրոք չի հաջողվել գրավել մրցակիցների դարպասը:

2006թ. աշխարհի առաջնության ընտրական մրցաշարում Բեռնար Կազոնիի գլխավորությամբ մեր ֆուտբոլիստները մեկնարկել էին Մակեդոնիայի հավաքականից հյուրընկալվելիս 0:3 հաշվով կրած պարտությամբ, ապա երկու անգամ զիջել էին ֆիններին (0:2, 1:3):

11. David Manoyan vs Jakub Blaschzikowski

2010թ. ընտրական մրցաշարը Յան Պոուլսենի գլխավորությամբ մեր հավաքականը սկսել էր թուրքերից սեփական հարկի տակ 0:2 հաշվով կրած պարտությամբ, ապա հյուրընկալվելիս անհաջողության էր մատնվել իսպանացիների (0:4)  և բելգիացիների (0:2) հետ մրցավեճում:

Նշենք, որ 2002թ. աշխարհի առաջնության ընտրական մրցաշարում Վարուժան Սուքիասյանի օրոք մեր հավաքականը մեկնարկային 3 խաղերում 1 միավոր էր վաստակել՝ առաջին խաղում հյուրընկալվելիս գոլազուրկ ոչ-ոքի խաղալով նորվեգացիների հետ: Հետագայում մեր ֆուտբոլիստները սեփական հարկի տակ 2:3 հաշվով զիջել էին ուկրաինացիներին և արտագնա խաղում պարտվել Բելառուսի ընտրանուն (1:2):

Առայժմ մեկնարկային 3 հանդիպումներում լավագույն արդյունքը Հայաստանի հավաքականը գրանցել է Վարդան Մինասյանի օրոք՝ վաստակելով 3 միավոր: Մեր ընտրանին մրցաշարը սկսել էր հյուրընկալվելիս Մալթայի հավաքականի նկատմամբ նվազագույն հաշվով տոնած հաղթանակով, այնուհետև մրցակցի հարկի տակ 0:1 հաշվով զիջել էր բուլղարացիներին, իսկ 3-րդ տուրում սեփական դաշտում պարտվել էր իտալացիներին (1:3):

14. Poland - Armenia

Ընդհանուր առմամբ ՀՀ հավաքականն աշխարհի առաջնությունների ընտրական մրցաշարերի մեկնարկային 3 տուրերում շատ անհաջող է խաղացել՝ 18 հանդիպումներից շահելով ընդամենը մեկը, 3-ն ավարտելով ոչ-ոքի, կրելով 14 պարտություն: Մեր ֆուտբոլիստներն ընդամենը 9 գոլ են խփել, սեփական դարպասը բաց են թողել 39 գնդակ:

VivaroNews.am-ը ներկայացնում է Հայաստանի հավաքականի ցուցանիշներն աշխարհի առաջնությունների ընտրական մրցաշարերի մեկնարկային 3 հանդիպումներում:

ԸՄ Խ Հ Ո Պ Գ Մ
1998 3 0 2 1 2:6 2
2002 3 0 1 2 3:5 1
2006 3 0 0 3 1:8 0
2010 3 0 0 3 0:8 0
2014 3 1 0 2 2:4 3
2018 3 0 0 3 1:8 0

Աշոտ Հայրապետյան


Արմեն Համբարձումյան. «Իմ առջև նպատակ եմ դրել ամրապնդվելու Հայաստանի հավաքականում»

Դավիթ Յուրչենկոն ու ևս 15 ֆուտբոլիստ հրավիրվել են Հայաստանի ազգային հավաքական

FAF-ը հրավիրում է միանալու ուղևորությանը և աջակցելու Հայաստանի հավաքականին Չեռնոգորիայում

ՀՖՖ-ն նվազեցրել է տոմսերի գները Հայաստանի հավաքականի առաջիկա ընկերական խաղի համար

Իրանի փոխչեմպիոն Հրայր Մկոյանը և ՀՖՖ-Դավիթ Յուրչենկո երկխոսությունը. Օրվա գլխավոր լուրերի քրոնիկոնը

Դեյան Ստանկովիչ. «Շատ տպավորված եմ Հայաստանի հավաքականի ցուցադրած խաղից»

7 տարի անց Բրազիլիայի հավաքականը գլխավորեց ՖԻՖԱ-ի դասակարգման աղյուսակը

Հովհաննես Համբարձումյանի վնասվածքը լուրջ չէ

Գևորգ Ղազարյանը բժշկական հետազոտություն է անցնում

Վլադիմիր Ֆոմիչև. «Եթե Մխիթարյանը չլիներ, ապա Ղազախստանի հավաքականը պարտավոր էր հաղթել ներկայիս Հայաստանի թիմին»

8 տարի առաջ այս օրը, Հենրիխ Մխիթարյանը խփեց իր առաջին գոլը Հայաստանի հավաքականի կազմում (տեսանյութ)

Ինչպես է ողջ Հանրապետականը բացականչում «ՀԵՆՈ» (տեսանյութ)

Սերգեյ Մալիյ. «Միայն ես եմ մեղավոր Հայաստանի հավաքականից կրած պարտության համար»

Տարոն Ոսկանյան. «Ղազախները կարմիր քարտ ստացան մեր հավաքականի ջանքերի շնորհիվ»

Արաս Օզբիլիս. «Խաղում ենք երկրպագուների համար և սիրում ենք նրանց» (տեսանյութ)

Գաել Անդոնյան. «Անցյալի սխալների փոխարեն մտածում եմ հաջողակ ապագայի մասին» (տեսանյութ)