Լրացուցիչ

Ընտրել լեզուն

Շախմատ. «Պադովան» հաղթեց, «Յուգրան» առաջին պարտությունը կրեց

Levon Aronyan

Սերբիայի Նովի Սադ քաղաքում ընթացող շախմատի Եվրոպայի ակումբային գավաթի խաղարկությունում կայացան 4-րդ տուրի հանդիպումները: Նախորդ տուրում կրած պարտությունից հետո իտալական «Պադովան» խոշոր՝ 5,5:0,5 հաշվով առավելության հասավ սերբական «Ցրվենա Զվեզդայի» նկատմամբ: 2-րդ խաղատախտակի վրա Լևոն Արոնյանը հաղթեց Բոշկո Աբրամովիչին: Հաղթանակներ տարան նաև նրա թիմակիցներ Մաքսիմ-Վաշիե Լագրավը, Բորիս Գելֆանդը, Ալբերտո Դավիդը և Դանիիլ Դվիրնին: Միակ կես միավորը մրցակցին զիջեց Դանիել Վոկատուրոն:

Այս հաղթանակի շնորհիվ «Պադովան» 6 միավորով բարձրացավ 6-րդ հորիզոնական: 8-ական միավորով առաջատարներն են «Մեդնի Վսադնիկը» և «Ալկալոիդը», որոնց մեկ միավոր են զիջում «Աշդոդն» ու «Սիբիրը»:

5-րդ տուրում «Պադովան» կմրցի ռումինական «ԱԵՄ Լիխտենի» հետ, որը ևս 6 միավոր ունի: 4-րդ տուրում «ԱԵՄ Լիխտենը»  4:2 հաշվով հաղթել էր «Չեդլետոնին»:

Կանանց մրցաշարում ուշադրության կենտրոնում երկու առաջատարների՝ ռուսական «Յուգրայի» և Մոնտե Կառլոյի «Սերկլ դ’Եշակի» մրցախաղն էր: 3-րդ խաղատախտակի վրա Լիլիթ Մկրտչյանը ոչ-ոքի խաղաց ուկրաինացի Մարիա Մուզիչուկի հետ: Հաշտություն կնքեցին նաև Նատալյա Պոգոնինան ու Աննա Մուզիչուկը, Բաիրա Կովանովան և Էլմիրա Սկրիպչենկոն:

Մրցակցության ելքը վճռվեց թիմերի առաջատարների՝ Աննա Ուշենինայի և աշխարհի ներկայիս չեմպիոնուհի Հոու Յիֆանի մրցավեճում: Հաջողությունն ուղեկցեց Հոու Յիֆանին, ով հաղթանակ պարգևեց իր թիմին: Հաղթելով 2,5:1,5 հաշվով, Մոնտե Կառլոյի թիմը 8 միավորով միանձնյա գլխավորեց մրցաշարային աղյուսակը: 6-ական միավորով առաջատարին հետապնդում են «Յուգրան» և Կազանի «Լադյան»:

 5-րդ տուրում «Յուգրան» կմրցի Բաթումի ՆՈՆԱ թիմի հետ, որը ոչ-ոքի էր խաղացել «Օդլար Յուրդուի» հետ: Մոնտե Կառլոյի թիմի  մրցակիցը կլինի «Լադյան»:


Եվրոպայի առաջնություն. Էլինա Դանիելյանը 4 առաջատարներից մեկն է

Եվրոպայի առաջնություն. Էլինա Դանիելյանը կես միավոր է զիջում առաջատարին

Էլինա Դանիելյանն ու Մարիա Գևորգյանն առաջին հաղթանակները տոնեցին

ՖԻԴԵ. Հայ շախմատիստների դիրքերը նոր վարկանիշային աղյուսակում

Դանիելյանն ու Մկրտչյանը լքեցին աշխարհի առաջնությունը

Դանիելյանն ու Մկրտչյանը հաշտություն կնքեցին մրցակցուհիների հետ

Դանիելյանն ու Մկրտչյանը սկսում են մրցավեճն աշխարհի չեմպիոնուհու տիտղոսի համար

Հայտնի են հայ շախմատիստուհիների մրցակցուհիներն աշխարհի առաջնությունում

Հայաստանի 6 շախմատիստներ 100 ուժեղագույնների թվում են

Ամանորյա հարցախույզ. Լիլիթ Մկրտչյան

Էլինա Դանիելյանն ու Լիլիթ Մկրտչյանն աշխարհի առաջնության մասնակիցների ցանկում են

Լիլիթ Մկրտչյանը՝ Ռումինիայի չեմպիոնուհի

Լևոն Արոնյանը ՖԻԴԵ-ի վարկանիշային ցուցակում զիջել է դիրքերը

Լիլիթ Մկրտչյանը «Յուգրայի» կազմում արժանացավ բրոնզե մեդալի

Արոնյանն ու Մկրտչյանը կրկին հաշտություն կնքեցին մրցակիցների հետ

Արոնյանն ու Մկրտչյանը հաշտություն կնքեցին մրցակիցների հետ