Բաժիններ

Լրացուցիչ

Ընտրել լեզուն

«Սանտա Կոլոմա» – «Ալաշկերտ». Խաղից առաջ

Santa Coloma - Alashkert - Champions league first Qualifying round
  • Չեմպիոնների լիգա, Որակավորման 1-ին փուլ
  • Առաջին հանդիպում
  • «Սանտա Կոլոմա» – «Ալաշկերտ»
  • «Կոմունալ» մարզադաշտ, Անդորրա
  • Հունիսի 28, ժամը 22:00

Խաղից առաջ

2011թ. վերակազմավորված «Ալաշկերտը» այսօր առաջին անգամ դաշտ է դուրս գալու Չեմպիոնների լիգայի օրհներգի ազդեցիկ հնչյունների ներքո: Այսօր նրանք մեկնարկելու են մեծագույն ֆուտբոլային լիգայում, բայց ոչ մեծագույն մրցակցի դեմ, մուտք են գործելու նոր, անծանոթ միջավայր, բայց բավականին ծանոթ մրցակցի դեմ:

«Սանտա Կոլոման» լավ հայտնի է հայ ֆուտբոլասերին, ցավոք, տխուր պատմությամբ: Երկու տարի առաջ թիմը ՉԼ որակավորման առաջին փուլում պայքարից դուրս թողեց «Բանանցին»: Այն ժամանակ էլ առաջին հանդիպումը տեղի ունեցավ Անդորրայում և ավարտվեց 1-0 հաշվով՝ հօգուտ տանտերերի: Երկրորդ խաղի 3-2 հաղթական հաշիվը «Բանանցին» բավարար չեղավ:

«Ալաշկերտի» դեպքում ամեն ինչ կարող է այլ լինել: Նախ, հուսադրող են նախորդ տարի թիմի մեկնարկը Եվրոպա լիգայում, երբ Խաշմանյանի սաները կարողացան անհավանականորեն դուրս գալ երկրորդ փուլ և նույնիսկ այնտեղ արժանի պայքար մղել: Աբրահամ Խաշմանյանը ունի այն գիտելիքն ու փորձը, որ կարողանա այս փուլում խաղալ կայուն ու անսխալ ֆուտբոլ: Բացի այդ, թիմն, ի տարբերություն «Բանանցի», կարողացել է հիմնականում պահպանել չեմպիոնական կազմը, բացառությամբ հարձակվող Հեբեր Արաուխոյի: «Ալաշկերտի» ֆուտբոլիստներն ունեն ոչ միայն բավականին բարձր ֆուտբոլային որակներ, այլև միջազգային մակարդակի հանդիպումների հարուստ փորձ:

«Սանտա Կոլոման» գրեթե ամեն տարի մասնակցում է եվրոգավաթների, սակայն 14 փորձից հաջողություն է ունեցել միայն մեկ անգամ՝ «Բանանցի» հետ հայտնի դիմակայությունում: Ի դեպ, սա նաև թիմի միակ հաղթանակն է դիմակայության երկու խաղերից գոնե մեկում: Եվս 2 անգամ թիմը կարողացել է գոլազուրկ ոչ-ոքի գրանցել: Ամեն դեպքում, «Սանտա Կոլոման» 8 թիմերից բաղկացած առաջնության հաղթողն է, որը 20 խաղում վաստակել է 47 միավոր:

Թերևս, միակ բանը, որով «Սանտա Կոլոման» կարողանա մեզ զարմացնել, իր կազմում Եվրոպայի չեմպիոնի ներկայությունն է: Իսպանիայի հավաքականի նախկին ֆուտբոլիստ Խուան Կապդեվիլյան 38-ամյա տարիքում հանդես է գալիս հենց այս ակումբում: Հուսով ենք՝ դա բավական չի լինի…

Հավանական մեկնարկային կազմեր

«Ալաշկերտ»Գևորգ Կասպարով – Արարատ Առաքելյան, Վահագն Մինասյան, Գևորգ Պողոսյան –  Արթուր Ավագյան, Անդրանիկ Ոսկանյան, Արտակ Գրիգորյան, Խորեն Վերանյան, Արտակ Եդիգարյան – Արտակ Դաշյան, Միհրան Մանասյան

Խաղադրույքներ

«Սանտա Կոլոմայի» հաղթանակ – 4,75
Ոչ-ոքի – 3,32
«Ալաշկերտի» հաղթանակ – 1,70


«Ալաշկերտ» – Փյունիկ»՝ 3-3. Գոլառատ ոչ-ոքի, որը կտրուկ սրեց չեմպիոնական պայքարը

«Ալաշկերտ» – «Փյունիկ». Ուղիղ հեռարձակում (տեսանյութ)

Դանիել Ստոյկովիչը՝ «Ալաշկերտում» իր նպատակների, հայերի և սերբերի նմանությունների ու «Դոկտոր» մականվան մասին

Փոխվել է «Ալաշկերտ» – «Փյունիկ» հանդիպման անցկացման օրը

Աշոտ Բարսեղյան. «Սա չեմպիոնական խաղ էր, բայց բախտն այսօր «Ալաշկերտի» կողմն էր»

«Ալաշկերտը» հսկայական քայլ կատարեց դեպի չեմպիոնություն

Ալբերտ Սաֆարյան. «Պետք է «Ալաշկերտի» մակարդակի թիմերի դեմ ավելի խելացի ֆուտբոլ ցուցադրել»

Աբրահամ Խաշմանյան. «Հուսով եմ՝ մեր ռիսկն արդարացրեց իրեն»

«Ալաշկերտ» – «Արարատ»՝ 3-1. Արտակ Եդիգարյանի դուբլն ու առաջատարի հերթական հաղթանակը

«Ալաշկերտ» – «Արարատ». Առաջին խաղակեսից հետո

«Ալաշկերտ» – «Արարատ». Թիմերի մեկնարկային կազմերը

Ուրոշ Նենադովիչ. «Նպատակս «Ալաշկերտի» կազմում չեմպիոն դառնալն ու Չեմպիոնների լիգայի ուղեգիր նվաճելն է»

Մ-19 հավաքականը կմեկնի Կիպրոս, իսկ Թուրքիայում հիշել են Բիչախչյանի մասին. Օրվա գլխավոր լուրերի քրոնիկոնը

«Ալաշկերտը» նոր պայմանագրեր է ստորագրել 12 ֆուտբոլիստների հետ

ՀՖՖ-ն որոշել է Անդրանիկ Ոսկանյանի և Էմիլ Եղիազարյանի որակազրկման ժամկետը

Վարդան Բիչախչյան. «Գիտեինք, որ ստանդարտ իրավիճակներն «Ալաշկերտի» ուժեղ կողմերից են»