Լրացուցիչ

Ընտրել լեզուն

Ռեշֆորդին թույլ չեն տալիս օգտվել «Յունայթեդի» հիմնական հանդերձարանից

Marcus Rashford still uses dressing room of U21 team

«Մանչեսթեր Յունայթեդի» մարզչական շտաբը թույլ չի տալիս թիմի երիտասարդ ֆուտբոլիստ Մարկուս Ռեշֆորդին օգտվել Կարինգտոնի մարզաբազայում հիմնական թիմի հանդերձարանից։

18-ամյա ֆուտբոլիստը հանդերձանքը փոխում է երիտասարդական թիմի համար նախատեսված հանդերձարանում, իսկ հիմնական թիմի ֆուտբոլիստներին միանում է միայն խաղադաշտում։

«Մարկուսն, իրոք, մինչև հիմա օգտվում է երիտասարդական թիմի հանդերձարանից։ Մյուս երիտասարդ ֆուտբոլիստները նույն կերպ են վարվում։ Դա մարզչի քաղաքականությունն է։ Նա է որոշել, որ ֆուտբոլիստները օգտվելու են իրենց տարիքային խմբերի համար նախատեսված հանդերձարաններից»,- ակումբից հայտնել են The Mirror-ին։

Հիշեցնենք, որ հենց Ռեշֆորդի գոլերի շնորհիվ «Մանչեսթեր Յունայթեդը» հաղթանակ տարավ «Արսենալի» ու «Մանչեսթեր Սիթիի» նկատմամբ։