Լրացուցիչ

Ընտրել լեզուն

«Փյունիկ» – «Գանձասար-Կապան». Այն ամենը, ինչ պետք է իմանալ հանդիպումից առաջ

«ՓՅՈՒՆԻԿ» – «ԳԱՆՁԱՍԱՐ  ԿԱՊԱՆ»

46 խաղ, +23=13-10, 80:37

16 ապրիլի,  ժ.16:00, Երևան, Ֆուտբոլի ակադեմիայի  մարզադաշտ

21.08.2016  «Փյունիկ» – «Գանձասար Կապան»՝  3:0 (1:0)

Ալիկ Առաքելյան (37, 90` 11մ), Էրիկ Պետրոսյան (80):

01.10.2016  «Գանձասար Կապան» – «Փյունիկ»` 1:0 (1:0)

Հայկ Իշխանյան (12):

05.11.2016  «Փյունիկ» – «Գանձասար Կապան»՝  0:0

05.03.2017  «Գանձասար Կապան» – «Փյունիկ»` 2:0 (2:0)

Կլաուդիր Մարինի (5), Գեղամ Հարությունյան (12):

Տուրի կենտրոնական հանդիպումը սպասվում է մեծ հետաքրքրությամբ, որի ելքը չափազանց կարևոր նշանակություն ունի մրցանակային տեղերի համար մղվող պայքարում: Նախորդ տուրում «Ալաշկերտից» կրած խոշոր հաշվով պարտությունից հետո «Փյունիկը» զգալիորեն հետ է մնացել առաջատար եռյակից: Եվ եթե հանկարծ այս խաղում էլ փյունիկցիները «սայթաքեն», ապա առաջնության մեդալներին տիրելու նրանց հավակնությունները զգալիորեն կնվազեն:

21-րդ տուրից առաջնության առաջատարի դերը ստանձնած «Գանձասար Կապանն» այս տուրում «Ալաշկերտի» և «Շիրակի» տարած հաղթանակներից հետո ժամանակավորապես նահանջել է 3-րդ հորիզոնական: Ուստի գանձասարցիներին այս խաղում միմիայն հաղթանակ է անհրաժեշտ կրկին 1-ին հորիզոնականը զբաղեցնելու համար:

Առաջնության գարնանային հատվածում գերազանց հանդես եկող գանձասարցիներն օրեր առաջ անհաջող հանդես եկան Հայաստանի գավաթի խաղարկության կիսաեզրափակչի առաջին խաղում՝ սեփական հարկի տակ նվազագույն հաշվով զիջելով «Շիրակին»: Դա այս տարվա պաշտոնական մրցումներում «Գանձասար Կապանի» կրած առաջին պարտությունն էր:

Գավաթային խաղում գանձասարցիների համար ևս մեկ տհաճ փաստ արձանագրվեց: Թիմի հարձակման գծի առաջատար և առաջնության լավագույն ռմբարկու Գեղամ Հարությունյանն ընթացիկ մրցաշրջանում 4-րդ դեղին քարտը ստացավ, որի պատճառով իր թիմակիցներին չի կարող օգնել «Փյունիկի» հետ կայանալիք անչափ կարևոր մրցախաղում:

104_0115

Ինչ խոսք, Գեղամ Հարությունյանի բացակայությունը լուրջ կորուստ է կապանցիների համար: Նրա բացակայության պայմաններում իրենց վճռորոշ խոսքը պետք է ասեն թիմի լեգեոնականներ Կլաուդիր Մարինին և Վալմերսիոն Գարսիան, որոնք  գարնանն աչքի են ընկնում իրենց ագրեսիվ հարձակողական գործողություններով և դարձել են 2-ական գոլի հեղինակ:

Հիշեցնենք,  որ գարնանային առաջնության մեկնարկային տուրում «Գանձասար Կապանը» «Փյունիկին» հյուրընկալել էր Ավանի ֆուտբոլի ակադեմիայի արհեստական խոտածածկով խաղադաշտում ու հաղթանակ էր տարել: Ի դեպ, այդ հանդիպումը Գրիգոր Մելիքսեթյանի հոբելյանական՝ 100-րդ խաղն էր բարձրագույն խմբում:

Հենց այդ խաղով սկսվեց գանձասարցիների հաղթարշավն առաջնության երկրորդ հատվածում: Նախորդ տուրում գանձասարցիներն առաջնությունում 6-րդ անընդմեջ հաղթանակը տոնեցին և կրկնեցին 2008թ. սահմանած թիմային ռեկորդը: Առաջիկա խաղում նրանք կարող են գերազանցել այդ ցուցանիշը:

 «Փյունիկից» բոլորից արդյունավետ է գործել Գևորգ Ղազարյանը` խփելով 8 գոլ: «Գանձասարից» ամենաարդյունավետն Արթուր Քոչարյանն է, ով 4 գոլի հեղինակ է: Արդյունավետ է գործել նաև Արսեն Ավետիսյանը: «Գանձասարի» կազմում նա 2 անգամ գրավել է փյունիկցիների դարպասը, իսկ «Փյունիկում» խաղալիս 4 գոլ է խփել կապանցիներին:

Աշոտ Հայրապետյան


Տիգրան Ղարաբաղցյան. «Արարատն» այսօր ոչնչով չէր զիջում «Գանձասար-Կապանին»

Աշոտ Բարսեղյան. «Շատ ենք տեսել, որ թիմերն ամենավերջին պահին բաց են թողել չեմպիոնությունը»

«Արարատ» – «Գանձասար-Կապան»՝ 1-2. Կապանյան թիմն «Ալաշկերտին» արդեն զիջում է 3 միավորով

«Ալաշկերտ» – Փյունիկ»՝ 3-3. Գոլառատ ոչ-ոքի, որը կտրուկ սրեց չեմպիոնական պայքարը

«Արարատ» – «Գանձասար-Կապան». Առաջին խաղակեսից հետո

«Ալաշկերտ» – «Փյունիկ». Ուղիղ հեռարձակում (տեսանյութ)

«Արարատ» – «Գանձասար-Կապան». Հայտնի են թիմերի մեկնարկային կազմերը

Փոխվել է «Ալաշկերտ» – «Փյունիկ» հանդիպման անցկացման օրը

Արտակ Օսեյան. «Շիրակը» փորձառու թիմ է, և բնական է, որ պետք է օգտվեր մեր սխալներից»

Վարդան Բիչախչյան. «Հաղթեցինք, բայց կրկին մտահոգում է գոլային պահերի իրացումը»

Աշոտ Բարսեղյան. «Սա չեմպիոնական խաղ էր, բայց բախտն այսօր «Ալաշկերտի» կողմն էր»

«Ալաշկերտը» հսկայական քայլ կատարեց դեպի չեմպիոնություն

ՀՖՖ-ն փոխել է «Փյունիկ»-«Շիրակ» գավաթային եզրափակչի անցկացման օրը

Արամ Ոսկանյան. «Թիմում պետք է լինեն միջին տարիքի հայ ֆուտբոլիստներ, ովքեր թիմին կտանեն իրենց հետևից, կլինեն առաջատարներ»

Արտակ Օսեյան. «Ափսոսանքի զգացում կա, որ չկարողացանք հաղթել»

«Փյունիկ» – «Բանանց»՝ 0-0. Բազում գոլային պահեր, գոլազուրկ երևանյան դերբի (տեսանյութ)