Լրացուցիչ

Ընտրել լեզուն

Պատանեկան հավաքականները կրկին հիասթափեցնում են, Մխիթարյանը՝ գոլ խփում ԵԼ-ում. Օրվա գլխավոր լուրերի քրոնիկոնը

Օրը հագեցած էր հայկական ֆուտբոլին առնչվող նորություններով: Դրանք առնչվում են և՛ Հայաստանում, և՛ միջազգային ֆուտբոլում կատարվող իրադարձություններին, որոնք անմիջական կապ ունեն արտերկրում հանդես եկող հայազգի ֆուտբոլիստների հետ:

Ձեր ուշադրությանն ենք ապրիլի 20-ի իրադարձությունների քրոնիկոնը:

  • Երևանի ֆուտբոլի ակադեմիայում շարունակվում է Զարգացման մրցաշարը: 2-րդ տուրում Հայաստանի Մ-14 հավաքականը 1-1 հաշվով է ավարտել ՆՀՀ Մակեդոնիայի ընտրանու հետ հանդիպումը, բայց 11-մետրանոց հարվածաշարում պարտվել է 7-8 հաշվով: Հայաստանի Մ-15 հավաքականը նույնպես երկրորդ անընդմեջ խաղում պարտություն է կրել՝ այս անգամ 0-1 հաշվով զիջելով Ուզբեկստանի ընտրանուն:
  • Ընթացքի մեջ է Եվրոպայի լիգայի գավաթի խաղարկության քառորդ եզրափակչի՝ «Մանչեսթեր Յունայթեդ» – «Անդերլեխտ» պատասխան խաղը: Հենրիխ Մխիթարյանը 10-րդ րոպեին հաշվի մեջ առաջ է մղել իր թիմին: Այժմ հաշիվը 1-1 է:
  • Իրանի Բարձրագույն խմբի առաջնության 28-րդ տուրում «Էսթեղլալը» հյուրընկալվելիս նվազագույն հաշվով պարտվել է «Տրակտորին»: Հրայր Մկոյանը մնացել է պահեստայինների նստարանին: «Էսթեղլալը» եզրափակում է լավագույն եռյակը:
  • Իրանի Բարձրագույն խմբի առաջնության 28-րդ տուրում «Փեյքանը» մրցակցի հարկի տակ 2-1 հաշվով առավելության է հասել «Մաշխադի» նկատմամբ: Լևոն Հայրապետյանը մնացել է պահեստայինների նստարանին: «Փեյքանը» 6-րդ տեղում է:
  • Իրանի Բարձրագույն խմբի առաջնության 28-րդ տուրում «Նաֆտը» հյուրընկալվելիս գոլազուրկ ոչ-ոքի է խաղացել «Գոստարեշի» հետ: Անդրանիկ Թեյմուրյանը մասնակցել է ամբողջ խաղին՝ ստանալով դեղին քարտ: «Նաֆտը» 8-րդ հորիզոնականում է:
  • Գերմանիայի Ռեգիոնալ 4-րդ դիվիզիոնում հանդես եկող «Շտայնբախի» հայազգի հարձակվող Սարգիս Ադամյանը հայտարարել է, որ ընթացիկ մրցաշրջանի ավարտից հետո հեռանալու է ակումբից, որի կազմում անցկացրած 47 խաղում դարձել է 23 գոլի և 9 արդյունավետ փոխանցման հեղինակ: Ադամյանը կտեղափոխվի ավելի բարձրակարգ առաջնություն:

Սարգիաս Ադամյան

  • Տեղեկություն էր տարածվել, իբր Ժոզե Մոուրինյոն հետևյալ կարծիքն է հայտնել Հենրիխ Մխիթարյանի վերաբերյալ. «Հենրիխը լավ է հանդես գալիս միայն Եվրոպայի լիգայում»: Իրականում պորտուգալացին այսպես է պատասխանել լրագրողի հարցին, թե ինչպես է գնահատում հայ ֆուտբոլիստի ելույթները ԵԼ-ում. «Լավ, Եվրոպայի լիգայում»:
  • «Ալաշկերտի» կիսապաշտպան Լեստեր Պելտիեր. «Հիշում եմ Տրինիդադ և Տոբագոյի հավաքականի կազմում Արգենտինայի ընտրանու հետ հանդիպումը: Նման աստղերի հետ մրցելը մեծ մարտահրավեր էր: Լիոնել Մեսին միշտ օրինակ է եղել ինձ համար, իսկ այդ խաղում մենք բազմիցս հանդիպեցինք խաղային դրվագներում: Դա անգնահատելի փորձ էր»:
  • Հոլանդիայի 3-րդ դիվիզիոնի A խմբի 30-րդ տուրում «Ռեյնսբուրգսե Բոյսը» մրցակցի հարկի տակ 4-1 հաշվով պարտության է մատնել «Ստեդոկոյին»: Մասիս Բակերջյանը մասնակցել է ամբողջ մրցավեճին: «Ռեյնսբուրգսե Բոյսը» 5-րդ տեղում է:

«Ռեալի» ֆուտբոլիստները սպասում են Դավիդ դե Խեայի տեղափոխությանը

WhoScored. Հենրիխ Մխիթարյանի գնահատականը «Սաութհեմփթոնի» հետ խաղին

«Սաութհեմփթոն» – «Մանչեսթեր Յունայթեդ» խաղում դարպասի գրավում չարձանագրվեց (տեսանյութ)

«Սաութհեմփթոն» – «Մանչեսթեր Յունայթեդ». հայտնի են մեկնարկային կազմերը

ՈՒԵՖԱ-ն Եվրոպա լիգայի եզրափակչի տոմսեր է խաղարկում

«Սաութհեմփթոն»-«Մանչեսթեր Յունայթեդ». Հավանական մեկնարկային կազմեր

L’Equipe. Օբամեյանգը և Մխիթարյանը կարող են նորից դառնալ խաղընկերներ

Ինչպիսի տեսք կարող է ունենալ «Մանչեսթեր Յունայթեդի» հարձակումը հաջորդ մրցաշրջանում (լուսանկարներ)

Ժոզե Մոուրինյոն «Սաութհեմփթոնի» դեմ խաղի հայտացուցակում ընդգրկել է 19 ֆուտբոլիստների

Մոուրինյո. «Պոգբան չի խաղա, քանի որ մասնակցելու է հոր թաղման արարողությանը»

Daily Mail. Դե Խեան արդեն անցկացրել է իր վերջին խաղը «Յունայթեդի» կազմում

«Մանչեսթեր Յունայթեդը» մրցաշրջանի ավարտին պատմական նվաճման կհասնի

Իսկ Դուք արդեն քվեարկե՞լ եք Հենրիխ Մխիթարյանի օգտին

«Մանչեսթեր Յունայթեդի» ֆուտբոլիստները բավականին մեծ բոնուս կստանան, եթե կարողանան հաղթել Եվրոպա լիգայի եզրափակչում

EPL Index. «ՄՅՈՒ» ամառային ձեռքբերումների գնահատականները

AS. Մայիսի 21-ին «Մանչեսթեր Յունայթեդը» կհայտարարի իր առաջին տրանսֆերի մասին