Լրացուցիչ

Ընտրել լեզուն

«Nike»-ը հատուկ գլխաշորեր է թողարկել մուսուլման մարզուհիների համար

Աշխարահռչակ «Nike» ապրանքանիշը հատուկ գլխաշորեր՝ «հիջաբներ», է  մոդելավորել հատուկ մուսուլմանություն դավանող մարզուհիների համար:Հիջաբը պատրաստված է հատուկ շնչող կտորից, որը թույլ կտա այն օգտագործել ամռանը: Բացի այդ, հիջաբների լայնությունն այնպիսին է, որը գլխաշորը չի բացվի մարզումների ընթացքում:

«Nike»-ը գլխաշորերը նախագծել է շուրջ մեկ տարի և վաճառքի կհանձնի 2018 թվականից: Մարզական հիջաբները արդեն մի քանի տարի է` շրջանառվում էին, սակայն «Nike»-ը առաջին համաշխարհային ընկերությունն է,որը կթողարկի դրանք:

«Nike»-ի փոխանցմամբ, իրենց հիջաբներն արդեն օգտագործում է արաբ գեղասահորդուհի Զահրա Լարին:

«Ես շատ հուզված էի, երբ առաջին անգամ տեսա հիջաբը: Շատ գլխաշորեր եմ փորձել ելույթներիս ժամանակ և նրանցից քչերն են ինչ-որ չափով օգնել, բայց Nike Pro հիջաբը իդեալական էր: Ես դա զգացի առաջին անգամ սահադաշտ դուրս գալուց հետո»,-ասել է արաբ գեղասահորդուհին: