Լրացուցիչ

Ընտրել լեզուն

Մխիթարյանն առաջին հայ ֆուտբոլիստն է, ով 20 գոլ է խփել եվրոգավաթներում

Եվրոպա լիգայի քառորդ եզրափակչի պատասխան խաղում բելգիական «Անդերլեխտի»  դարպասը Հենրիխ Մխիթարյանի խփած գոլը «Մանչեսթր Յունայթեդի» կիսապաշտպանի հոբելյանական՝ 20-րդ գնդակն էր եվրոգավաթների մրցաշարերում անցկացրած 73 հանդիպումներում: Այս ցուցանիշը նաև լավագույնն է հայ ֆուտբոլիստների շրջանում:

Եվրոգավաթների մրցաշարերում Հենրիխ Մխիթարյանը նորամուտը նշել է 2007թ. հուլիսի 18-ին՝ «Փյունիկի» կազմում մասնակցելով իռլանդական «Դերի Սիթիի» հետ չեմպիոնների լիգայի որակավորման 1-ին փուլի արտագնա հանդիպմանը: Այդ խաղում թիմի գլխավոր մարզիչ Արմեն Գյուլբուդաղյանցը 18-ամյա Հենրիխին  63-րդ րոպեին խաղադաշտ դուրս բերեց Գևորգ Ղազարյանի փոխարեն:

Երկու մրցաշրջանների ընթացքում «Փյունիկի» կազմում անցկացրած չեմպիոնների լիգայի 6 հանդիպումներում Մխիթարյանին այդպես էլ չհաջողվեց գոլի հեղինակ դառնալ:

Նա իր գոլերի հաշիվը բացեց Դոնեցկի «Մետալուրգում» հանդես գալու առաջին իսկ մրցաշրջանում: 2009/10թթ. Եվրոպա լիգայի որակավորման երկրորդ փուլից պայքարը սկսած «Մետալուրգն» առաջին խաղում՝  հուլիսի 16-ին հյուրընկալել էր Բելառուսի ՄՏԶ-ՌԻՊՕ-ին: Հենրիխ Մխիթարյանը նորամուտը նշեց գոլով՝ իր հաշվին գրանցելով թիմի խփած երեք գնդակներից մեկը:

Մեկ շաբաթ անց կայացած պատասխան խաղում Մխիթարյանը կրկին գրավեց մրցակցի դարպասը: Հետագայում նա մեկական գնդակ խփեց որակավորման հաջորդ փուլերում «Մետալուրգի» մրցակիցների՝ Սլովենիայի «Ինտերբլոկի» և ավստրիական «Աուստրիայի» դարպասները:

Այսպիսով, Մխիթարյանը Դոնեցկի «Մետալուրգում» անցկացրած Եվրոպա լիգայի 6 հանդիպումներում դարձավ 4 գոլի հեղինակ:

Եվրոգավաթներում Մխիթարյանի օգտին հաջորդ երկու գոլերը գրանցվեցին 2012/13թթ. չեմպիոնների լիգայի մրցաշարում «Շախտյորում» անցկացրած 8 հանդիպումներում: Մինչ այդ, նախորդ երկու մրցաշրջաններում «Շախտյորում» անցկացրած եվրոգավաթների 13 հանդիպումներում Հենրիխին չէր հաջողվել գտնել մրցակիցների դարպասի բանալին:

Դանիական «Նորդշելանի» հետ Դոնեցկում կայացած չեմպիոնների լիգայի խմբային մրցաշարի առաջին խաղում Մխիթարյանը դուբլի հեղինակ դարձավ:

Henrikh-Mkhitaryan-2013

Հաջորդ մրցաշրջանում տեղափոխվելով Դորտմունդի «Բորուսիա», հայ ֆուտբոլիստը չեմպիոնների լիգայի խմբային մրցաշարի 3-րդ տուրում Լոնդոնում գրավեց «Արսենալի» դարպասը, իսկ 1/8 եզրափակչի առաջին խաղում դարձավ «Զենիթի» դարպասը խփած գոլի հեղինակ: Ընդհանուր առմամբ Մխիթարյանը 2013/14թթ. չեմպիոնների լիգայի մրցաշարում 10 խաղ անցկացրեց:

Հաջորդ մրցաշրջանն անհաջող էր ինչպես «Բորուսիայի», այնպես էլ Մխիթարյանի համար, ով եվրոգավաթների 7 հանդիպումներում այդպես էլ չկարողացավ գոլ խփել: Իսկ ահա 2015/16թթ. Եվրոպա լիգայի մրցաշարում Հենրիխն առայժմ ամենաբարձր արդյունավետությունն է գրանցել՝ «Բորուսիայի» կազմում անցկացրած 15 հանդիպումներում դառնալով 7 գոլի հեղինակ:

Հենց այդ մրցաշարում Մխիթարյանն իր օգտին առայժմ միակ հեթ տրիկն է գրանցել՝ 3 անգամ գրավելով ավստրիական «Վոլֆսբերգերի» դարպասը: Հաջորդ փուլում նա մեկական գոլ խփեց նորվեգական ՕԴԴ-ի հետ կայացած երկու հանդիպումներում էլ: Այնուհետև Հենրիխը մեկ գոլ խփեց ադրբեջանական «Գաբալայի» դարպասը, իսկ վերջին անգամ աչքի ընկավ «Լիվերպուլի» հետ կայացած քառորդ եզրափակչի արտագնա խաղում, որը վերջինն էր «Բորուսիայի» համար այդ մրցաշարում:

Ինչպես հայտնի է, Եվրոպա լիգայի ընթացիկ խաղարկությունում Հենրիխ Մխիթարյանը ևս արդյունավետ խաղ է ցուցադրում՝ 8 հանդիպումներում խփելով 5 գնդակ: Ընդ որում նա միայն խմբային մրցաշարի 4-րդ խաղում՝ անցյալ տարվա նոյեմբերի 3-ին թուրքական «Ֆեներբախչեի» հետ կայացած մրցավեճում նշեց նորամուտը եվրոգավաթներում անգլիական ակումբի կազմում:

Իսկ դեկտեմբերի 8-ին «Զարյայի» հետ կայացած արտագնա խաղում Մխիթարյանը բացեց գոլերի հաշիվը նաև «Մանչեսթր Յունայթեդում»: Հետագայում Հենրիխը մեկական անգամ աչքի ընկավ «Սենտ Էտյենի» և «Ռոստովի» հետ հանդիպումներում, իսկ «Անդերլեխտի» դարպասը խփած նրա երկու գոլերը մեծապես նպաստեցին կիսաեզրափակչի ուղեգրի նվաճմանը:

Հուսանք, որ իսպանական «Սելթայի» հետ խաղում ՀՀ հավաքականի ֆուտբոլիստը եվրոգավաթներում իր երրորդ տասնյակի գոլերի հաշիվը կբացի:

Աշոտ Հայրապետյան


«Ռեալի» ֆուտբոլիստները սպասում են Դավիդ դե Խեայի տեղափոխությանը

WhoScored. Հենրիխ Մխիթարյանի գնահատականը «Սաութհեմփթոնի» հետ խաղին

«Սաութհեմփթոն» – «Մանչեսթեր Յունայթեդ» խաղում դարպասի գրավում չարձանագրվեց (տեսանյութ)

«Սաութհեմփթոն» – «Մանչեսթեր Յունայթեդ». հայտնի են մեկնարկային կազմերը

ՈՒԵՖԱ-ն Եվրոպա լիգայի եզրափակչի տոմսեր է խաղարկում

«Սաութհեմփթոն»-«Մանչեսթեր Յունայթեդ». Հավանական մեկնարկային կազմեր

L’Equipe. Օբամեյանգը և Մխիթարյանը կարող են նորից դառնալ խաղընկերներ

Ինչպիսի տեսք կարող է ունենալ «Մանչեսթեր Յունայթեդի» հարձակումը հաջորդ մրցաշրջանում (լուսանկարներ)

Ժոզե Մոուրինյոն «Սաութհեմփթոնի» դեմ խաղի հայտացուցակում ընդգրկել է 19 ֆուտբոլիստների

Մոուրինյո. «Պոգբան չի խաղա, քանի որ մասնակցելու է հոր թաղման արարողությանը»

Daily Mail. Դե Խեան արդեն անցկացրել է իր վերջին խաղը «Յունայթեդի» կազմում

«Մանչեսթեր Յունայթեդը» մրցաշրջանի ավարտին պատմական նվաճման կհասնի

Իսկ Դուք արդեն քվեարկե՞լ եք Հենրիխ Մխիթարյանի օգտին

«Մանչեսթեր Յունայթեդի» ֆուտբոլիստները բավականին մեծ բոնուս կստանան, եթե կարողանան հաղթել Եվրոպա լիգայի եզրափակչում

EPL Index. «ՄՅՈՒ» ամառային ձեռքբերումների գնահատականները

AS. Մայիսի 21-ին «Մանչեսթեր Յունայթեդը» կհայտարարի իր առաջին տրանսֆերի մասին