Լրացուցիչ

Ընտրել լեզուն

Մովսիսյանն ու Գրիգորյանը գլխավոր մրցանակի հավակնորդների թվում են

Կարեն Գրիգորյան

Կատալոնիայի Սաբադել քաղաքում ավարտին է մոտենում շախմատային փառատոնը: Նախավերջին՝ 8-րդ տուրի հանդիպումներն ավելի սրեցին պայքարը մրցաշարի գլխավոր մրցանակի՝ 1000 եվրոյի համար: Հուրախություն շախմատասերների, մրցաշարի մասնակից հայ երկու գրոսմայստերներն էլ հավակնում են գլխավոր մրցանակին:

Նախորդ տուրում կրած առաջին պարտությունից հետո Կարեն Մովսիսյանը բնավ էլ չէր ընկճվել և վերելքով անցկացրեց 8-րդ տուրի պարտիան, որում սպիտակներով խաղում էր կուբացի ՖԻԴԵ-ի վարպետ Ֆրանցիսկո Օլիվարեսի հետ: Վարպետ խաղի շնորհիվ Մովսիսյանը նյութական առավելություն ստացավ մրցակցի նկատմամբ (նավակն ու մեկ ավելի անցողիկ զինվորն ընդդեմ ձիու) և արդեն 38-րդ քայլին ստիպեց նրան հանձնվելու: Այս հաղթանակի շնորհիվ Մովսիսյանը վաստակեց 6 միավոր ու բարձրացավ 2-րդ հորիզոնական:

Մրցաշարի վերջնագծում հաջող է հանդես գալիս Կարեն Գրիգորյանը, ով 8-րդ տուրում սպիտակներով խաղում էր կատալոնացի գրոսմայստեր Միգել Մունյոզի հետ: Կարենը երկու զինվորի առավելություն ուներ և կարողացավ պարտիան հաղթական ավարտի հասցնել: Մունյոզը 62-րդ քայլին ընդունեց իր պարտությունը: Գրիգորյանն էլ վաստակեց 6 միավոր և տեղափոխվեց 3-րդ հորիզոնական:

Ավարտական տուրից առաջ Կարեն Մովսիսյանն ու Կարեն Գրիգորյանը կուբացի Կևել Օլիվայի հետ ընդամենը կես միավորով են զիջում աղյուսակը գլխավորող կուբացի Լազարո Ագուերոյին: Վերջինս 8-րդ տուրում անչափ կարևոր հաղթանակ տարավ կատալոնացի գրոսմայստեր Մարկ Նարկիսոյի նկատմամբ:

Եվ այսպես, այսօր կայանալիք ավարտական տուրը կանվանի գլխավոր մրցանակի դափնեկրին: Մովսիսյանը սպիտակներով կմրցի կուբացի Կևել Օլիվայի հետ, իսկ Գրիգորյանը սևերով կխաղա կատալոնացի գրոսմայստեր Մարկ Նարկիսոյի հետ: 1000 եվրոյի համար պայքարում վճռորոշ նշանակություն կունենա նաև Լազարո Ագուերոյի մրցախաղը Միգել Մունյոզի հետ:


Հակոբյանն ու Սարգսյանն առաջին հաղթանակները տոնեցին

Տիգրան Հարությունյանը մեկ միավորով զիջեց հաղթողին

Երեք հայ շախմատիստներ կմասնակցեն Լիսաբոնի մրցաշարին

Հայաստանի նոր չեմպիոնը Հովհաննես Գաբուզյանն է

Տղամարդկանց մրցաշարում մթնոլորտը շիկացած է, կանանց մրցավեճում իրադրությունը պարզվեց

Տղամարդկանց մրցաշարում քառիշխանություն է, կանանց մրցավեճում միանձնյա առաջատարը Սիրանուշ Ղուկասյանն է

Պատանիների աշխարհի չեմպիոնը հաղթեց Հայաստանի գործող չեմպիոնին ու գլխավորեց աղյուսակը

5-րդ տուրն ի հայտ բերեց մրցաշարերի միանձնյա առաջատարներին

Գործող չեմպիոններն առաջնությունը սկսեցին հաղթանակով

Կարեն Գրիգորյանն արժանացավ գլխավոր մրցանակին

Կարեն Գրիգորյանն ու Գևորգ Հարությունյանը կմասնակցեն իսպանական մրցաշարին

Կարեն Գրիգորյանը բաց թողեց հաղթանակի հնարավորությունը

Կարեն Գրիգորյանը նվաճեց գլխավոր մրցանակը

Մովսիսյանն առաջին պարտությունը կրեց, Գրիգորյանը մոտեցավ առաջատարներին

Մովսիսյանը պահպանեց առաջատարի դիրքը

Մովսիսյանը հաղթեց առաջատարին ու գլխավորեց աղյուսակը