Բաժիններ

Լրացուցիչ

Ընտրել լեզուն

Միխայիլ Տալի հուշամրցաշար. Արոնյանն զբաղեցրեց 3-րդ տեղը

Մոսկվայում ավարտվեց շախմատի աշխարհի 8-րդ չեմպիոն Միխայիլ Տալի հոբելյանական՝  10-րդ հուշամրցաշարը: Ավարտական տուրում Լևոն Արոնյանն առաջինն ավարտեց իր մրցախաղը՝ սևերով 40-րդ քայլին հաշտություն կնքելով աշխարհի նախկին չեմպիոն Վիշվանաթան Անանդի հետ:

Դա մրցաշարում անցկացրած 9 պարտիաներում հայ շախմատիստի օգտին գրանցված 8-րդ ոչ-ոքին էր: Այս ցուցանիշը ռեկորդային է մրցաշարի մասնակիցների մեջ: Ընդհանրապես մրցաշարն աչքի ընկավ ոչ-ոքիների առատությամբ: Կայացած 45 պարտիաներից 30-ում մրցակիցները հաշտություն կնքեցին:

Արոնյանը մրցաշարն անցկացրեց առանց պարտության՝ միակ հաղթանակը տոնելով 6-րդ տուրում Անիշ Գիրիի նկատմամբ: Բացի Արոնյանից, միայն Յան Նեպոմնյաշչուն հաջողվեց խուսափել պարտությունից:

Այսպիսով, Լևոն Արոնյանը 9 հնարավորից վաստակեց 5 միավոր և զբաղեցրեց 3-րդ տեղը՝ պարգևատրվելով գավաթով ու դիպլոմով, արժանանալով 25 հազար դոլար դրամական պարգևի:

Տուրի մյուս պարտիաներում գրանցվեցին այսպիսի արդյունքներ.

Շահրիյար Մամեդյարով-Վլադիմիր Կրամնիկ՝ 1:0

Լի Չաո-Անիշ Գիրի` 0,5:0,5

Բորիս Գելֆանդ- Յան Նեպոմնյաշչի` 0,5:0,5

Եվգենի Տոմաշևսկի-Պյոտր Սվիդլեր` 0,5:0,5

Այսպիսով, 9 հնարավորից վաստակելով 6 միավոր, հուշամրցաշարի հաղթող դարձավ ռուսաստանցի գրոսմայստեր Յան Նեպոմնյաշչին, ով պարգևատրվեց գավաթով ու դիպլոմով, ինչպես նաև արժանացավ գլխավոր մրցանակին՝ 45 հազար դոլար պարգևավճարին:

Մրցաշարային ամփոփիչ աղյուսակն այսպիսի տեսք ստացավ.

1.Յան Նեպոմնյաշչի` 6 (45.000 դոլար)

2.Անիշ Գիրի` 5,5 (35.000)

3.Լևոն Արոնյան` 5 (25.000)

4.Վիշվանաթան Անանդ` 5 (18.000)

5.Պյոտր Սվիդլեր` 4,5 (16.000)

6.Լի Չաո՝ 4,5 (15.000)

7.Վլադիմիր Կրամնիկ՝  4,5 (13.000)

8.Շահրիյար Մամեդյարով` 4,5 (12.000)

9.Եվգենի Տոմաշևսկի` 3,5 (11.000)

10.Բորիս Գելֆանդ` 2 (10.000)

Հիշեցնենք, որ Լևոն Արոնյանը բավական հաջող է հանդես եկել Տալի հուշամրցաշարերում՝ 3 անգամ հաղթող ճանաչվելով մշտապես ուժեղ կազմ ունեցող մրցաշարում: 2006թ. կայացած առաջին հուշամրցաշարում Լևոն Արոնյանը 9 հնարավորից վաստակած 5,5 միավորով լավագույն արդյունքը ցույց տվեց Պետեր Լեկոյի և Ռուսլան Պոնոմարյովի հետ:

2010թ. նույնպիսի արդյունքով հայ շախմատիստը 1-3-րդ տեղերը բաժանեց Սերգեյ Կարյակինի և Շահրիյար Մամեդյարովի հետ: Ընդ որում Արոնյանը մրցաշարում պարտություն չկրեց: Հաջորդ տարի Լևոնը կրկնեց իր արդյունքը՝ հաղթողի դափնին կիսելով Մագնուս Կառլսենի հետ:


GRENKE Chess Classic. Լևոն Արոնյանն այս տարի իր առաջին մրցանակը շահեց

GRENKE Chess Classic. Արոնյանը ժամկետից շուտ նվաճեց գլխավոր մրցանակը

Արոնյանը հաղթեց ադրբեջանցի շախմատիստին և ամրապնդեց առաջատարի դիրքը

Լևոն Արոնյանը միանձնյա գլխավորեց մրցաշարային աղյուսակը

GRENKE Chess Classic. Արոնյանն առաջին հաղթանակը տոնեց

GRENKE Chess Classic. Արոնյանը հաշտություն կնքեց աշխարհի չեմպիոնի հետ

GRENKE Chess Classic. Արոնյանը մեկնարկեց ոչ-ոքիով

ՖԻԴԵ. Հայ շախմատիստների դիրքերը նոր վարկանիշային աղյուսակում

Grand Chess Tour-ում Արոնյանի մեկնարկը կկայանա Լյովենում

Լևոն Արոնյանը վատթարացրել է ցուցանիշները ՖԻԴԵ-ի վարկանիշային աղյուսակում

Լևոն Արոնյանը մրցաշարն ավարտեց պարտությամբ

Լևոն Արոնյանը կրկին բավարարվեց կես միավորով

Ոչ-ոքիների համաճարակ Գրան Պրիի մրցաշարում

Արոնյանին առայժմ չի հաջողվում հաղթանակ տոնել

Արոնյանն իր օգտին 5-րդ անընդմեջ ոչ-ոքին գրանցեց

Արոնյանը կրկին հաշտություն կնքեց