Լրացուցիչ

Ընտրել լեզուն

Մարմնամարզության և ազատ ոճի ըմբշամարտի հավաքականների գլխավոր մարզիչները ներկայացրել են հաշվետվությունները Ռիո-2016-ից

Ինչպես հաղորդում են ՀՀ սպորտի և երիտասարդության հարցերի նախարարությունից, այսօր կայացել են մարմնամարզության և ազատ ոճի ըմբշամարտի հավաքականների գլխավոր մարզիչների հաշվետվությունների լսումները:

Մարմնամարզության հավաքականի գլխավոր մարզիչ Հակոբ Սերոբյանը ամփոփել է մարմնամարզիկներ Հարություն Մերդինյանի և Արթուր Դավթյանի ելույթները Ռիոյի Օլիմիպիական խաղերում և ընդգծել, որ Հ. Մերդինյանին, որը նժույգաթափեր վարժությունում հասավ մինչև եզրափակիչ, խանգարեց հոգեբանական գործոնը:

«Շատ եմ ցավում, որ Հարությունը իր մրցելույթում չկատարեց վերջին տարրը, ինչն էլ պատճառ դարձավ նրա ձախողման: Մինչև այսօր չենք կարողանում հասկանալ դրա պատճառը: Երևի այն ավելի շատ հոգեբանական էր»,- ասել է Հ. Սերոբյանը:

Հ. Սերոբյանը գոհունակությամբ խոսել է մեր մարմնամարզուհի Հուռի Գեբեշյանի մասին, որը, թեև մրցանակային տեղ չի գրավել օլիմպիական խաղերում, սակայն իր վարժությունում կիրառել է բացառիկ տարր, որն էլ կոչվել է նրա անունով:

«Սա մեզ հպարտանալու առիթ է տալիս, քանի որ մարմնամարզության մեջ գրանցվել է նոր տարր՝ հայ մարզուհու անունով»:

Հաշվետվություններ ընդունող աշխատանքային խումբը, հաշվի առնելով,  որ երկար տարիների ընդմիջումից հետո հայ մարմնամարզիկը դուրս է եկել օլիմպիական խաղերի եզրափակիչ,հավաքականի մասնակցությունը Օլիմպիական խաղերին գնահատել է բավարար:

Իսկ ազատ ոճի ըմբշամարտի հավաքականի գլխավոր մարզիչ Արայիկ Բաղդարյանը այդքան էլ գոհ չէ հայ ազատ ոճի ըմբիշների ելույթներից Ռիո-2016-ում: Վերջինս հավաքականի մասնակացությունը Օլիմիպիադային գնահատել է անբավարար:

«Արդյունքում ունեցանք 4 վարկանիշ 6 քաշային կարգերում: Ես՝ որպես հավաքականի գլխավոր մարզիչ, սպասում էի գոնե մեկ մեդալի Ռիոյում կայացած օլիմպիական խաղերից, սակայն, ցավոք, մեր տղաներից ոչ ոք մրցանակային տեղ չգրավեց»,- ասել է Ա. Բաղդադյանը:

Նա նաև խոսել է այն խնդիրների մասին, որոնք խանգարում են ազատ ոճի ըմբշամարտի զարգացմանը և այս ոճում հանդես եկող մարզիկների հերթափոխի պատրաստմանը:


Մարմնամարզության ԵԱ. Արթուր Դավթյանը 5-րդ տեղն է զբաղեցնում հենացատկ վարժությունում

Հարություն Մերդինյանը՝ Եվրոպայի առաջնության բրոնզե մեդալակիր

Արթուր Դավթյանը 6-րդն է մարմնամարզության Եվրոպայի առաջնությունում

Մարմնամարզության ԵԱ. 4 մարզիկ եզրափակչի ուղեգիր է նվաճել

Վաղը հայ մարմնամարզիկները կմեկնարկեն Եվրոպայի առաջնությունում

Աշխարհի  գավաթ. Հայաստանը 2-րդն է մեդալային հաշվարկում

Աշխարհի գավաթ. Արթուր Դավթյանը՝ արծաթե մեդալակիր

Աշխարհի գավաթ. Թովմասյանը ոսկե մեդալ է նվաճում, Դավթյանը՝ բրոնզե

Աշխարհի գավաթ. Արթուր Դավթյանը ևս 2 եզրափակչի ուղեգիր է նվաճում

Աշխարհի գավաթ. Արթուր Դավթյանը, Արթուր Թովմասյանը և Վահագն Դավթյանը եզրափակչում են

Հայտնի են Եվրոպայի առաջնությանը Հայաստանը ներկայացնող մարմնամարզիկների անունները

Հայտնի են մարմնամարզության Հայաստանի առաջնության հաղթողները

Հայտնի է՝ հայ մարմնամարզիկներից ովքեր կմեկնեն «Աշխարհի գավաթին»

Աջակցենք Հուրի Գեբեշյանին ճանաչվել Ms. Health & Fitness 2017

Հրաչյա Ռոստոմյանը ընդունել է ազատ ոճի ըմբշամարտի հավաքականի նորանշանակ գլխավոր մարզչին

Հուրի Գեբեշյանը հավակնում է տարվա «Լավագույն արտասահմանցի մարզուհի» կոչմանը