Լրացուցիչ

Ընտրել լեզուն

Լևոն Արոնյանը ՖԻԴԵ-ի վարկանիշային ցուցակում զիջել է դիրքերը

Լևոն Արոնյան

ՖԻԴԵ-ն հրապարակել է դեկտեմբեր ամսվա վարկանիշային ցուցակը, որում հայ շախմատիստների առաջատար Լևոն Արոնյանը 10-ով նվազեցրել է իր վարկանիշը՝ հասցնելով  2785-ի և 5-րդ տեղից նահանջել է 7-րդ հորիզոնական: Դա նոյեմբերին շախմատի Եվրոպայի ակումբային գավաթի մրցաշարում իտալական «Պադովայի» կազմում անցկացրած 5 պարտիաների արդյունքն է:

Վարկանիշային ցուցակը գլխավորող Մագնուս Կառլսենն էլ աշխարհի առաջնության մրցախաղի 12 պարտիաներում գրանցած արդյունքների հիման վրա վարկանիշը նվազեցրել է 13-ով: Նա այժմ 1-ին հորիզոնականում է 2840 վարկանիշով: Իսկ ահա Սերգեյ Կարյակինը 13 կետով առաջադիմելով, 2785 վարկանիշով 9-րդ տեղից տեղափոխվել է 6-րդ հորիզոնական:

Վարկանիշային աղյուսակի լավագույն հնգյակում Մագնուս Կառլսենին հաջորդում են ԱՄՆ-ը ներկայացնող Ֆաբիանո Կարուանան (2823), ռուսաստանցի Վլադիմիր Կրամնիկը (2809), ֆրանսիացի Մաքսիմ Վաշիե-Լագրավը (2804) և ԱՄՆ-ի ներկայացուցիչ Ուեսլի Սոն (2795):

Ինչպես վարկանիշային նախորդ ցուցակում, այս անգամ էլ հայաստանցի ևս 3 շախմատիստներ տեղ են զբաղեցրել 100 ուժեղագույնների ցանկում: Վլադիմիր Հակոբյանը, ով նոյեմբերին էլ ոչ մի մրցաշարի չմասնակցեց, պահպանել է իր 2675 վարկանիշը և նախորդ ամսվա համեմատ մեկ հորիզոնականով բարձրացել է՝ զբաղեցնելով 67-րդ տեղը:

Առաջադիմել է նաև Սերգեյ Մովսիսյանը, ով վարկանիշն ավելացրել է մեկով և ներկայումս 2673 վարկանիշով 74-րդ տեղից բարձրացել է 71-րդ հորիզոնական:

Իսկ ահա Գաբրիել Սարգսյանը թեև պահպանել է իր 2667 վարկանիշը, սակայն 81-րդ տեղից նահանջել է 84-րդ հորիզոնական:

Կանանց վարկանիշային աղյուսակում Էլինա Դանիելյանը չմասնակցելով որևէ մրցաշարի, պահպանել է իր 2444 վարկանիշն ու 32-րդ տեղը ցանկում: Իսկ ահա Լիլիթ Մկրտչյանը 8-ով նվազեցրել է վարկանիշը և այժմ 2431 վարկանիշով 37-րդ տեղից նահանջել է 41-րդ հորիզոնական: Կանանց վարկանիշային ցուցակը 2651 վարկանիշով գլխավորում է աշխարհի ներկայիս չեմպիոնուհի Հոու Յիֆանը:

Մինչև 20 տարեկան 100 ուժեղագույն պատանի շախմատիստների ցանկում հայ շախմատիստներից լավագույն արդյունքն ունի ամերիկահայ 15-ամյա գրոսմայստեր Սամուել Սևյանը, ով 2603 վարկանիշով 11-րդ տեղում է: Նախորդ ցուցակում նա 2590 վարկանիշով 13-րդ տեղում էր: Սևյանը շախմատային կարիերայի ընթացքում 3-րդ անգամ հատեց 2600-ի սահմանագիծը: Նրա ներկայիս վարկանիշն այս տարվա հունիսի լավագույն արդյունքի կրկնությունն է:

Մինչև 18 տարեկանների աշխարհի և Եվրոպայի այս տարվա չեմպիոն Մանուել Պետրոսյանը մեկով նվազեցնելով վարկանիշը, 2550 վարկանիշով 2 տեղով նահանջել է ու զբաղեցնում է 29-րդ հորիզոնականը:

Զգալի առաջընթաց է ունեցել մինչև 16 տարեկանների աշխարհի այս տարվա չեմպիոն Հայկ Մարտիրոսյանը, ով 20-ով ավելացնելով վարկանիշը, 2516 վարկանիշով 61-րդ տեղից բարձրացել է 42-րդ հորիզոնական:

Տիգրան Հարությունյանն էլ 10-ով ավելացնելով վարկանիշը և հասցնելով 2511-ի, 56-րդ տեղից տեղափոխվել է 47-րդ հորիզոնական:


Սերգեյ Մովսիսյանը 14 առաջատարներից մեկն է

Էլինա Դանիելյանն աշխարհի առաջնության ուղեգիր նվաճեց

GRENKE Chess Classic. Լևոն Արոնյանն այս տարի իր առաջին մրցանակը շահեց

Միակ կես միավորը Սերգեյ Մովսիսյանը կորցրեց առանց խաղի

Եվրոպայի առաջնություն. Էլինա Դանիելյանը մեդալների հավակնորդների թվում է

GRENKE Chess Classic. Արոնյանը ժամկետից շուտ նվաճեց գլխավոր մրցանակը

Արոնյանը հաղթեց ադրբեջանցի շախմատիստին և ամրապնդեց առաջատարի դիրքը

Լևոն Արոնյանը միանձնյա գլխավորեց մրցաշարային աղյուսակը

Եվրոպայի առաջնություն. Էլինա Դանիելյանը 4 առաջատարներից մեկն է

GRENKE Chess Classic. Արոնյանն առաջին հաղթանակը տոնեց

GRENKE Chess Classic. Արոնյանը հաշտություն կնքեց աշխարհի չեմպիոնի հետ

Եվրոպայի առաջնություն. Էլինա Դանիելյանը կես միավոր է զիջում առաջատարին

GRENKE Chess Classic. Արոնյանը մեկնարկեց ոչ-ոքիով

Եվրոպայի առաջնություն. Էլինա Դանիելյանն առաջատարին հետապնդողների թվում է

Էլինա Դանիելյանն ու Մարիա Գևորգյանն առաջին հաղթանակները տոնեցին

Տիգրան Քոթանջյանը մեկ միավորով հետ մնաց հաղթողից