Լրացուցիչ

Ընտրել լեզուն

Լևոն Արոնյանը ՖԻԴԵ-ի վարկանիշային ցուցակի լավագույն հնգյակում է

Լևոն ԱՐոնյան

Հայ շախմատիստների առաջատար Լևոն Արոնյանը պահպանել է իր դիրքն ու անհատական վարկանիշն այսօր հրապարակված ՖԻԴԵ-ի նոյեմբեր ամսվա վարկանիշային ցուցակում: Ինչպես հոկտեմբերին, այս անգամ էլ Արոնյանը 2795 վարկանիշով եզրափակում է լավագույն հնգյակը: Վարկանիշային աղյուսակը գլխավորում է աշխարհի ներկայիս չեմպիոն, նորվեգացի գրոսմայստեր Մագնուս Կառլսենը (2853), որին հաջորդում են ԱՄՆ-ը ներկայացնող Ֆաբիանո Կարուանան (2823), ֆրանսիացի Մաքսիմ Վաշիե-Լագրավը (2811) և ռուսաստանցի Վլադիմիր Կրամնիկը (2810):

Հայաստանցի ևս 3 շախմատիստներ տեղ են զբաղեցրել 100 ուժեղագույնների ցանկում: Վլադիմիր Հակոբյանը, ով գրեթե մրցաշարերի չի մասնակցում, պահպանել է իր 2675 վարկանիշը և նախորդ ամսվա համեմատ 2 հորիզոնականով բարձրացել է՝ զբաղեցնելով 68-րդ տեղը:

Իսկ ահա Սերգեյ Մովսիսյանն ու Գաբրիել Սարգսյանը հետընթաց են ապրել: Մովսիսյանը վարկանիշը նվազեցրել է 5-ով և ներկայումս 2672 վարկանիշով 66-րդ տեղից նահանջել է 74-րդ հորիզոնական: Գաբրիելն էլ 3-ով նվազեցնելով վարկանիշը, 2667 վարկանիշով 77-րդ տեղից նահանջել է 81-րդ հորիզոնական:

100 ուժեղագույնների ցանկից դուրս է մնացել Հրանտ Մելքումյանը, ով հոկտեմբերին 2653 վարկանիշով 98-րդ տեղում էր:

Կանանց վարկանիշային աղյուսակում Էլինա Դանիելյանն (2444) ու Լիլիթ Մկրտչյանը (2439) պահպանել են իրենց վարկանիշները, սակայն նախորդ ամսվա համեմատ յուրաքանչյուրը 2 հորիզոնականով բարձրացել է՝ զբաղեցնելով համապատասխանաբար 34-րդ և 37-րդ տեղերը:

Մինչև 20 տարեկան 100 ուժեղագույն պատանի շախմատիստների ցանկում մինչև 18 տարեկանների աշխարհի և Եվրոպայի այս տարվա չեմպիոն Մանուել Պետրոսյանը (2551) 27-րդ տեղում է: 2501 վարկանիշով 56-րդ տեղն է զբաղեցնում Տիգրան Հարությունյանը, իսկ մինչև 16 տարեկանների աշխարհի այս տարվա չեմպիոն Հայկ Մարտիրոսյանը (2496) 61-րդ տեղում է:


Սերգեյ Մովսիսյանը 14 առաջատարներից մեկն է

GRENKE Chess Classic. Լևոն Արոնյանն այս տարի իր առաջին մրցանակը շահեց

Միակ կես միավորը Սերգեյ Մովսիսյանը կորցրեց առանց խաղի

GRENKE Chess Classic. Արոնյանը ժամկետից շուտ նվաճեց գլխավոր մրցանակը

Արոնյանը հաղթեց ադրբեջանցի շախմատիստին և ամրապնդեց առաջատարի դիրքը

Լևոն Արոնյանը միանձնյա գլխավորեց մրցաշարային աղյուսակը

GRENKE Chess Classic. Արոնյանն առաջին հաղթանակը տոնեց

GRENKE Chess Classic. Արոնյանը հաշտություն կնքեց աշխարհի չեմպիոնի հետ

GRENKE Chess Classic. Արոնյանը մեկնարկեց ոչ-ոքիով

Տիգրան Քոթանջյանը մեկ միավորով հետ մնաց հաղթողից

Քոթանջյանն առաջադիմեց, Սարգսյանը՝ նահանջեց

Սամվել Տեր-Սահակյանն արժանացավ գլխավոր մրցանակին

Գաբրիել Սարգսյանն առաջատարին հետապնդողների թվում է

Հայ շախմատիստները զիջեցին առաջատարի իրենց դիրքերը

Հայ գրոսմայստերների եռյակի հաղթական մեկնարկը

ՖԻԴԵ. Հայ շախմատիստների դիրքերը նոր վարկանիշային աղյուսակում