Լրացուցիչ

Ընտրել լեզուն

Կարեն Գրիգորյանը բաց թողեց հաղթանակի հնարավորությունը

Կարեն Գրիգորյան

Կատալոնիայի Սաբադել քաղաքում անցկացված շախմատային փառատոնի հիմնական մրցաշարի ավարտից հետո, որում գլխավոր մրցանակը նվաճել էր Կարեն Գրիգորյանը, կայացան շախմատի կայծակնային և «դիադա» մրցաշարերը: Նախնական հայտի համաձայն, Կարեն Գրիգորյանը պետք է մասնակցեր երկու մրցաշարերին էլ, սակայն հանդես եկավ միայն «դիադա» մրցաշարում, որին մասնակցեց նաև Կարեն Մովսիսյանը:

Մեկ օրվա ընթացքում 86 մասնակիցներից յուրաքանչյուրը 9 մրցախաղ անցկացրեց: Յուրաքանչյուր պարտիայի համար շախմատիստներին տրամադրվում էր 90 րոպե ժամանակ՝ 30 վայրկյան ավելացնելով կատարած ամեն քայլի դիմաց:

Կարեն Գրիգորյանը բավական բարդ ու հոգնեցուցիչ պայքարում իրեն կրկին լավագույն կողմերով դրսևորեց: Նա մրցաշարը սկսեց 3 անընդմեջ հաղթանակով, ապա երկու պարտիա ավարտեց ոչ-ոքի ու կրկին 3 անընդմեջ հաղթանակ տոնեց:

Ավարտական տուրից առաջ Գրիգորյանը 7 միավորով 2-րդ տեղում էր ու ընդամենը կես միավոր էր զիջում աղյուսակը գլխավորող կոլումբիացի Ալեքսանդր Կուարտասին: 9-րդ տուրում նրանց միջև կայացած վճռորոշ պարտիան ավարտվեց սպիտակներով խաղացող կոլումբիացու հաղթանակով, ով 8,5 միավորով արժանացավ գլխավոր մրցանակին:

Իսկ Գրիգորյանը մրցաշարում կրած միակ պարտության պատճառով 7 միավորով զբաղեցրեց 4-րդ հորիզոնականը՝ իրենից առաջ թողնելով 7,5-ական միավոր վաստակած կուբացի շախմատիստներ Կևել Օլիվային և Էռնեստո Գոմեսին:

Կարեն Մովսիսյանը 6,5 միավորով գրավեց 7-րդ հորիզոնականը: Նա տոնեց 6 հաղթանակ, մեկ պարտիա ավարտեց ոչ-ոքի ու կրեց երկու պարտություն՝ 6-րդ և 8-րդ տուրերում զիջելով համապատասխանաբար Ալեքսանդր Կուարտասին և Կևել Օլիվային:

Մրցաշարին մասնակցեց նաև Ռուսաստանը ներկայացնող Ռադմիլա Ալեքսանյանը, ով 4 միավորով գրավեց 61-րդ տեղը:

Նախօրեին կայացած շախմատի կայծակնային մրցաշարի հաղթող ճանաչվեց կատալոնացի գրոսմայստեր Մարկ Նարկիսոն, ով հաղթեց բոլոր 9 պարտիաներում էլ:


Հակոբյանն ու Սարգսյանն առաջին հաղթանակները տոնեցին

Հայկական շախմատի վետերանները կմասնակցեն աշխարհի առաջնությանը

Տիգրան Հարությունյանը մեկ միավորով զիջեց հաղթողին

Երեք հայ շախմատիստներ կմասնակցեն Լիսաբոնի մրցաշարին

Հայաստանի նոր չեմպիոնը Հովհաննես Գաբուզյանն է

Տղամարդկանց մրցաշարում մթնոլորտը շիկացած է, կանանց մրցավեճում իրադրությունը պարզվեց

Տղամարդկանց մրցաշարում քառիշխանություն է, կանանց մրցավեճում միանձնյա առաջատարը Սիրանուշ Ղուկասյանն է

Պատանիների աշխարհի չեմպիոնը հաղթեց Հայաստանի գործող չեմպիոնին ու գլխավորեց աղյուսակը

5-րդ տուրն ի հայտ բերեց մրցաշարերի միանձնյա առաջատարներին

Գործող չեմպիոններն առաջնությունը սկսեցին հաղթանակով

Կարեն Գրիգորյանն արժանացավ գլխավոր մրցանակին

Սամուել Սևյանն ու Կարեն Մովսիսյանն Ամանորը կնշեն շախմատի խաղասեղանի մոտ

Կարեն Գրիգորյանն ու Գևորգ Հարությունյանը կմասնակցեն իսպանական մրցաշարին

Լրացուցիչ գործակիցներով Մովսիսյանը գլխավոր մրցանակը զիջեց Գլեյզերովին

Կարեն Մովսիսյանը հավակնում է գլխավոր մրցանակին

Կարեն Մովսիսյանն առաջատարներից մեկն է