Լրացուցիչ

Ընտրել լեզուն

Ինչպիսի՞ն կլիներ մրցաշարային աղյուսակը, եթե հաշվի առնվեին միայն մինչև 23 տարեկան ֆուտբոլիստների խփած գոլերը

ՓՅՈՒՆԻԿ

Մինչև ընթերցողներին մրցաշարային աղյուսակը ներկայացնելը, նշենք, որ Հայաստանի բարձրագույն խմբի առաջնությունում կայացած 36 հանդիպումներում մասնակից 6 թիմերի կազմերում ընդհանուր առմամբ խաղադաշտ դուրս եկած 145 ֆուտբոլիստներից 62-ն են մինչև 23 տարեկան, ինչը կազմում է 42,7 տոկոս:

Երիտասարդ ֆուտբոլիստների քանակով մրցակցությունից դուրս է «Փյունիկը»: Թիմի կազմում ասպարեզ դուրս եկած 24 ֆուտբոլիստներից 21-ը մինչև 23 տարեկան են: Իսկ ահա «Ալաշկերտում» խաղերին մասնակցած 24 ֆուտբոլիստներից և ոչ մեկը 23 տարեկանից փոքր չէ: Ուստի «Փյունիկը» միավորների յուրօրինակ հաշվարկի դեպքում հայտնվում է ամենաշահեկան, իսկ «Ալաշկերտը»՝ ամենավատ վիճակում:

Երիտասարդ ֆուտբոլիստների քանակով 2-րդ ցուցանիշն ունի «Արարատը»: Վերջին շրջանում թիմի գլխավոր մարզիչ Արկադի Անդրեասյանը համարձակորեն խաղադաշտ է դուրս բերում երիտասարդներին: Դրա արդյունքում «Արարատի» կազմում հանդես եկած 32 ֆուտբոլիստներից 17-ը մինչև 23 տարեկաններ են:

«Բանանցում» 26 ֆուտբոլիստներից 12-ն են մինչև 23 տարեկան, «Շիրակում»՝ 21-ից 8-ը, «Գանձասար Կապանում»՝ 18-ից 4-ը:

Իսկ այժմ ընթերցողներին ծանոթացնենք միավորների հաշվարկին: Բնականաբար, եթե հանդիպման գոլերի հեղինակներ են դարձել 23 տարեկան և ավելի բարձր տարիքի ֆուտբոլիստները, ապա մրցաշարային աղյուսակում այդ խաղի արդյունքը գրանցվում է որպես գոլազուրկ ոչ-ոքի:

Քանի որ «Ալաշկերտի» կազմում 23-ից ցածր տարիքի ֆուտբոլիստներ հանդես չեն եկել, ուստի լավագույն դեպքում երկրի չեմպիոնն իր խաղերը կարող էր ավարտել գոլազուրկ ոչ-ոքի:

Կոնկրետ օրինակների վրա դիտարկենք, թե ինչպես կավարտվեին խաղերը, եթե հաշվի առնվեին միայն մինչև 23 տարեկան ֆուտբոլիստների խփած գոլերը: 4-րդ տուրի «Բանանց»-«Գանձասար Կապան» հանդիպումն ավարտվել էր դաշտի տերերի 4:1 խոշոր հաշվով հաղթանակով: Այդ խաղում «Բանանցի» խփած 4 գոլերի հեղինակներն էլ 23-ից բարձր տարիք ունեին: Իսկ ահա գանձասարցիներից միակ գոլը խփել էր 21-ամյա Լուբամբո Մուսոնդան: Ուստի ստորև ներկայացվող աղյուսակում գանձասարցիներին այդ խաղում 1:0 հաշվով հաղթանակ է գրանցվել:

Մարտական ոչ-ոքի (2:2) ավարտված «Շիրակ»-«Ալաշկերտ» խաղում գոլերի հեղինակ դարձած ֆուտբոլիստներից միայն շիրակցի Վիուլեն Այվազյանն էր 23 տարեկանից փոքր: Ուստի այդ խաղում շիրակցիներին 1:0 հաշվով հաղթանակ է շնորհվել:

Վյուլեն Այվազյանը գնդակի համար պայքարում է «Բանանցի» ֆուտբոլիստի դեմ /լուսանկարը՝ armnoc.am/
Վյուլեն Այվազյանը գնդակի համար պայքարում է «Բանանցի» ֆուտբոլիստի դեմ /լուսանկարը՝ armnoc.am/

Ի դեպ, 21-ամյա Վիուլեն Այվազյանը 4 գնդակով ոչ միայն առաջնության լավագույն ռմբարկուներից մեկն է, այլ նաև լավագույն արդյունքն ունի մինչև 23 տարեկան ֆուտբոլիստների մեջ: Նրանից մեկ գոլ պակաս է խփել 20-ամյա փյունիկցի Ալիկ Առաքելյանը: Իսկ ընդհանրապես առաջնությունում գրանցված 74 գոլերից 23-ը բաժին է ընկնում մինչև 23 տարեկան ֆուտբոլիստներին:

VivaroNews.am-ը ներկայացնում է առաջնության աղյուսակը 12-րդ տուրից հետո, որում հաշվի են առնված միայն մինչև 23 տարեկան ֆուտբոլիստների խփած գոլերը:

Թիմեր Խ Հ Ո Պ Գ Մ
1.Փյունիկ 12 7 4 1 9-3 25
2.Շիրակ 12 4 6 2 7-3 18
3.Գանձասար Կապան 12 3 7 2 3-4 16
4.Բանանց 12 2 6 4 3-5 12
5.Արարատ 12 1 7 4 1-4 10
6.Ալաշկերտ 12 0 8 4 0-4 8

Աշոտ Հայրապետյան


«Արարատը» պատասխանել է Նորայր Գրիգորյանի հայտարարությանը, թե ակումբը նրա աշխատավարձը չի վճարել

Արամ Ոսկանյան. «Ինձ համար շատ ծանր է, քանի որ թիմի 9 ֆուտբոլիստներ վնասվածքներ ունեն»

Վարդան Բիչախչյան. «Արդեն աբսուրդի է վերածվում՝ գոլային պահերի գոնե 30%-ը չենք իրացնում»

«Շիրակ» – «Բանանց»՝ 1-0. «Ավանդույթի» պես՝ գյումրեցիները «Բանանցից» հաղթանակ կորզեցին խաղավերջում (տեսանյութ)

«Շիրակ» – «Բանանց». Առաջին խաղակեսից հետո (տեսանյութ)

«Շիրակ» – «Բանանց». Մեկնարկային կազմեր, ուղիղ հեռարձակում (տեսանյութ)

Տիգրան Ղարաբաղցյան. «Արարատն» այսօր ոչնչով չէր զիջում «Գանձասար-Կապանին»

Աշոտ Բարսեղյան. «Շատ ենք տեսել, որ թիմերն ամենավերջին պահին բաց են թողել չեմպիոնությունը»

«Արարատ» – «Գանձասար-Կապան»՝ 1-2. Կապանյան թիմն «Ալաշկերտին» արդեն զիջում է 3 միավորով

«Ալաշկերտ» – Փյունիկ»՝ 3-3. Գոլառատ ոչ-ոքի, որը կտրուկ սրեց չեմպիոնական պայքարը

«Արարատ» – «Գանձասար-Կապան». Առաջին խաղակեսից հետո

«Ալաշկերտ» – «Փյունիկ». Ուղիղ հեռարձակում (տեսանյութ)

«Արարատ» – «Գանձասար-Կապան». Հայտնի են թիմերի մեկնարկային կազմերը

Դանիել Ստոյկովիչը՝ «Ալաշկերտում» իր նպատակների, հայերի և սերբերի նմանությունների ու «Դոկտոր» մականվան մասին

Փոխվել է «Ալաշկերտ» – «Փյունիկ» հանդիպման անցկացման օրը

«Матч ТВ»-ի պատրաստած վավերագրական ֆիլմն «Արարատի» մասին (տեսանյութ)