Լրացուցիչ

Ընտրել լեզուն

Ինչպես չհաղթել ուժեղ կազմով. «Մանչեսթեր Յունայթեդ»

«Մանչեսթեր Յունայթեդ»

Անգլիական պրեմյեր Լիգայի մրցաշրջանի մեկնարկից առաջ ծանոթանալով մասնակից բոլոր թիմերի կազմերին, մեզանից յուրաքանչյուրն ակամա ամեն ինչից արտաբերեցինք «Մանչեսթեր Յունայթեդն» է չեմպիոն դառնալու»: Եվ դրա պատճառն ամենևին էլ Մխիթարյանի գործոնը չէ: Իսկապես: Փորձենք թվարկել այն բոլոր չափորոշիչները, որոնք ամեն ինչից անկախ ու դեռ խաղաշրջանը չմեկնարկած, «կարմիր սատանաներին» դարձրել էին չեմպիոն:

  • Հաղթող մարզիչ – Ժոզե Մոուրինյո
  • Գերազանց տրանսֆերտային քաղաքականություն (թվացյալ)
  • Աշխարհի ամենաթանկ ֆուտբոլիստի առկայություն – Պոլ Պոգբա
  • 2 տարբեր առաջնությունների լավագույն ֆուտբոլիստներ – Զլատան ու Մխիթարյան
  • Ամենաերկար պահեստայինների նստարան

Մրցաշրջանի մեկնարկն իսկապես հաջող էր: Միանգամից մի քանի հաղթանակ ներքին առաջնությունում, ինչպես նաև նվաճված առաջին տիտղոսը՝ Անգլիայի Սուպեր Գավաթ: Բայց հետո տեղի ունեցավ անբացատրելին: Թիմի արդյունքները հավասարվեցին հատակապատաճեղքային տափակափայտի մակարդակի: Ամեն ինչ սկսվեց քաղաքային դերբիից, որտեղ «Յունայթեդը» զիջեց «Սիթիին»: Այդ խաղը շատ առումներով դարձավ ճակատագրական թիմի ու խաղացողների համար: Այդ օրից ի վեր Հենրիխ Մխիթարյանը դադարեց հայտնվել թիմի հայտացուցակում: Ժոզեն ամեն անգամ ասում է, որ Հենոն կարևոր ֆուտբոլիստ է, իր շանսը կստանա, դեռ իր խոսքը կասի, բլա բլա բլա…Իրականում տեղի է ունենում լրիվ հակառակը: Մխիթարյանը արժանացել է Խաչատուր Աբովյանի ճակատագրին, իսկ «ՄՅու»-ի խաղը նման է ձանձրալի սիթքոմի, երբ գիտես, որ անհետաքրքիր է, բայց միևնույն է, սպասում ես ինչ-որ զարգացման:

Իրականում այն ինչ տեղի է ունենում  անգլիական սուպեր թիմում՝ աղետ է: Իհարկե սպասելի էր, որ սա տեղի կունենա, բայց ոչ այսքան շուտ: Ժոզե Մոուրինյոյին շատերը համարում են հանճար, իսկ մի ստվար զանգված էլ՝ անհավասարակշիռ ու վատ մարզիչ: Թե քանի գերազանց ֆուտբոլիստի ճակատագիր է նա խեղել, գիտեն շատերը: Հիմա պատկերը նույնն է: Ակնհայտորեն Բաստիան Շվայնշտայգերն ու Հենրիխ Մխիթարյանը չեն մտնում նրա ծրագրերի մեջ: Հետևաբար նման անհանդուրժողականության մթնոլորտում բարդ է ցուցադրել որևէ արդյունք: Եթե հիշենք «յուրահատուկի» նախկին աշխատավայրերը, ապա կտեսնենք, որ մեկ հաջող մրցաշրջանից հետո նրան կամ հեռացրել են կամ ինքն է հեռացել անբավարար արդյունքների համար: «Մանչեսթերյան» այսօրվա աղետի մեղավորները, ի տարբերություն Հայաստանի, երկրպագուներն ու լրագրողները չեն: Մեղադրել կարելի է մարզչին, ով պարզապես ամենաանհրաժեշտ պահին անտեսում է արժեքավոր ֆուտբոլիստին ու թիմից հեռացնում խորհրդանիշին: Մեղադրել կարելի է ակումբի ղեկավարությանը, ովքեր ակնհայտորեն ձախողվել են ամռան ընթացքում: Իբրան ակնհայտորեն իրեն լավ չի զգում նոր առաջնությունում, Պոգբան այժմ ոչ միայն չի համապատասխանում իր համար վճարված 105 միլիոնին, այլ հեռու է անգամ 15 միլիոնից, Մխիթարյանն էլ «դեռ չի հարմարվել»:

Ստեղված իրավիճակը հիշեցնում է երևույթներ, որոնք մինչև այժմ կրկնվել են այլ ակումբներում:

  • 2004 թվականին Մադրիդի «Ռեալն» իր կազմում ուներ բոլոր նրանց, ում մասին կարելի էր երազել՝ Զիդան, Ֆիգու, Բեքհեմ, Ռոնալդո, Ռաուլ, Ռոբերտո Կառլոս: Սակայն թիմը Չեմպիոնների լիգայում զիջեց համեստ «Մոնակոյին»: Ու այդպես մի քանի տարի շարունակ:

real-galaktikos

  • Եղավ մի պահ, որ Ռուսաստան եկան համաշխարհային ֆուտբոլի մի շարք աստղեր կարիերան շարունակելու: Մասնավորապես 2005-ից Մոսկվայի «Դինամոն» դարձավ յուրահատուկ հանրակացարան-գաղթօջախ Պորտուգալիայի հավաքականի ֆուտբոլիստներից մի քանիսի համար: Դեռլեյ, Մանիշե, Կոշտինյա, Դաննի…դրանց գումարեք նաև մի շարք ռուս հայտնի ու հաջողակ ֆուտբոլիստների ու կստացվի գերհզոր կազմ: Սակայն 2006 թվականին, նման վարպետներով հանդերձ, «Դինամոն» քիչ էր մնում դուրս մնար առաջնությունից:
  • 2011-ին լուրջ գումարներ հասան նաև Մախաչկալա: Տեղի «Անժին» միանգամից ձեռք բերեց բազմում հայտնի աստղերի, այդ թվում և Վիլիանին ու անգամ Սամուել Էտո՛Օ-ին՝ նրան դարձնելով աշխարհի ամենաբարձր վարձատրվող ֆուտբոլիստներից մեկը: Բայց այստեղ էլ՝ միլիոնների առկայությունը դեռ հաջողության գրավական չդարձավ: Ինչպես միջակ կար «Անժին», այդպես էլ մնաց:

anzhi

  • Բայց միայն ակումբներում չէ, որ տիրում է նման պատկեր: «Աստղերով» համալրված է նաև Բելգիայի հավաքականը: Առանձին առանձին, բոլորը մեծանուն ֆուտբոլիստներ են, արժեն միլիոնավոր եվրոներ: Բայց որպես թիմ՝ 0:

belguim

Ինչ եզրահանգման կարելի է գալ: Իհարկե, եթե թիմը պարտվում է, առաջնահերթ մեղավոր են ֆուտբոլիստները: Եթե հարձակվողը 5 անգամ դուրս է գալիս 100000 տոկոսանոց հարվածային դիրք ու չի գրավում դարպասը, մարզչին մեղադրելն անիմաստ է: Բայց եթե այդ ֆուտբոլիստը միշտ է խաղաժամանակ ստանում չնայած իր անսարք նշանոցի, իսկ իրենց հնարավորությանը սպասողները ծերանում են պահեստայինների նստարանին, հարցերը պետք է ուղղել մարզչին: «Մանչեսթեր Յունայթեդի» պարագայում մարզչին կամ պետք է խնդրել փոխել վերաբերմունքը գործի նկատմամբ (ինչն անհավանական է) կամ էլ պետք է խնդրել գտնել ելքի դուռը:

Ռոբերտ Գասպարյան


Իրանի փոխչեմպիոն Հրայր Մկոյանը և ՀՖՖ-Դավիթ Յուրչենկո երկխոսությունը. Օրվա գլխավոր լուրերի քրոնիկոնը

Յուրչենկո. «Հայաստանի հավաքականի հրավերի վերաբերյալ որոշում կընդունեմ, երբ լուրջ խոսակցություններ լինեն»

Կառլեն Մկրտչյանն այլևս հանդես չի գա «Անժիում»

Կառլեն Մկրտչյանը կհեռանա՞ «Անժիից»

Կառլեն Մկրտչյանը՝ Մխիթարյանին. «Հաջողություն, եղբա՛յր»

Կառլեն Մկրտչյանի «Անժին» պահպանեց տեղը Ռուսաստանի առաջնությունում

«Ուֆա» 2-0 «Անժի». Թումասյանը՝ գոլի հեղինակ, Մկրտչյանը մասնակցեց խաղին ամբողջությամբ

«Անժի» – «Ռոստով»՝ 0:0. Կառլեն Մկրտչյանը մասնակցեց ամբողջ խաղին

«Թերեք»-«Անժի». Կառլեն Մկրտչյանը վնասվածքից հետո առաջին հանդիպումն է անցկացրել

«Անժին» խոշոր հաշվով պարտվեց «Սպարտակին». Կառլեն Մկրտչյանը բացակայում էր