Բաժիններ

Լրացուցիչ

Ընտրել լեզուն

ՀՀ հավաքականը 300-րդ գոլը բաց թողեց

Հայաստանի հավաքականն իր պատմության մեջ ամենախոշոր հաշվով հաղթանակը տոնեց՝ 7:1 հաշվով ջախջախելով Գվատեմալայի ընտրանուն: Այդ խաղում Հենրիխ Մխիթարյանը դարձավ ազգային հավաքականում գրանցված առաջին հեթ-տրիկի հեղինակը, իսկ գվատեմալացի Կառլոս Ռուիզի խփած գնդակը մեր ընտրանու անցկացրած 176 հանդիպումներում բաց թողած 300-րդ գոլն էր:

Հայաստանի հավաքականի դարպասն առաջին գոլը խփվել է մեր ընտրանու անցկացրած 2-րդ հանդիպման ժամանակ՝ 1994թ. մայիսի 15-ին ԱՄՆ-ի Ֆուլերտոն քաղաքում այդ երկրի ազգային հավաքականի հետ կայացած ընկերական մրցախաղում: Գոլի հեղինակ է դարձել ամերիկացի Ֆրանկ Կլոպասը, ով հանդիպման 64-րդ րոպեին գրավել է Արմեն Պետրոսյանի պաշտպանած դարպասը:

Այդ միակ գնդակը հաղթանակ պարգևեց ԱՄՆ-ի հավաքականին: Դա նաև ՀՀ հավաքականի հանդիպումներում գրանցված առաջին գոլն էր, քանի որ մոլդովացիների հետ անցկացրած նախորդ խաղում, որն առաջինն էր մեր ընտրանու կենսագրությունում, դարպասներն անառիկ էին մնացել:

Պաշտոնական մրցումներում ՀՀ հավաքականի դարպասը խփած առաջին գոլի հեղինակը մեր ընտրանու պաշտպան Երվանդ Կրբաշյանն է, ով 1994թ. սեպտեմբերի 7-ին Բրյուսելում Բելգիայի հավաքականի հետ կայացած Եվրոպայի առաջնության ընտրական մրցաշարի մեկնարկային խաղի արդեն 4-րդ րոպեին դարձել է ինքնագոլի հեղինակ՝ գնդակն ուղարկելով Արմեն Պետրոսյանի պաշտպանած դարպասը:

Հայաստանի հավաքականի դարպասը 100-րդ գոլը խփվել է մեր ընտրանու անցկացրած 56-րդ խաղում՝ 2001թ. մարտի 24-ին «Հանրապետական» մարզադաշտում Ուելսի հավաքականի հետ կայացած աշխարհի առաջնության ընտրական մրցախաղում: Գոլի հեղինակ է դարձել Ջոն Հարթսոնը՝ 41-րդ րոպեին գրավելով Հարություն Աբրահամյանի պաշտպանած դարպասը: Ի դեպ, այդ խաղում ՀՀ հավաքականի գլխավոր մարզիչը Վարուժան Սուքիասյանն էր:

200-րդ գոլը մեր հավաքականը բաց է թողել անցկացրած 118-րդ խաղում, Յան Պոուլսենի օրոք: Գոլի հեղինակ է դարձել բոսնիացի Էդին Ջեկոն, ով 2008թ. հոկտեմբերի 15-ին Զենիցայում կայացած աշխարհի առաջնության ընտրական մրցախաղի 39-րդ րոպեին գրավել է Ռոման Բերեզովսկու պաշտպանած դարպասը:

ՀՀ հավաքականի 57 մրցակիցներից միայն 3-ին՝ Լիբանանի, Թուրքմենստանի և Հորդանանի հավաքականներին չի հաջողվել գրավել մեր ընտրանու դարպասը: Իսկ բոլորից արդյունավետ են գործել Գերմանիայի հավաքականի ֆուտբոլիստները՝ 3 խաղում 15 անգամ գրավելով մեր ընտրանու դարպասը, միջինը մեկ խաղում խփելով 5 գնդակ:

Առավել հաճախ՝ 17 անգամ, ՀՀ հավաքականի դարպասն անցկացրած 8 հանդիպումներում գրավել են ուկրաինացիները: Իսպանացիները 6 խաղում 16 գոլի հեղինակ են դարձել, ֆրանսիացիները 5 խաղում 14 գոլ են խփել: 11-ական անգամ մեր հավաքականի դարպասը գրավել են չեխերը (4 խաղում), վրացիները (5), մակեդոնացիներն (6) ու բելգիացիները (6): Ռուսաստանի և Կիպրոսի հավաքականները 5-ական հանդիպումներում 10-ական գոլի հեղինակ են դարձել:

Հայաստանի հավաքականին առավել մեծ տհաճություն է պատճառել Ուկրաինայի հավաքականի ռմբարկու Անդրեյ Շևչենկոն, որի հարվածներից հետո Ռոման Բերեզովսկին 7 անգամ գնդակը հանել է ցանցից: Ընդ որում 2 անգամ ուկրաինացի ֆուտբոլիստը դուբլի հեղինակ է դարձել:

Պորտուգալիայի հավաքականի ռմբարկու Քրիշտիանու Ռոնալդուն 5 գոլ է խփել, որից 3-ն իր օգտին է գրանցել անցյալ տարվա հունիսի 13-ին Երևանում կայացած Եվրոպայի առաջնության ընտրական մրցախաղում: ՀՀ հավաքականի հետ հանդիպումներում մրցակից ֆուտբոլիստներից հեթ տրիկի հեղինակներ են դարձել նաև վրացի Շոթա Արվելաձեն (1997թ. մարտի 30-ին) և ռուսաստանցի Ռոման Պավլյուչենկոն (2011թ. հունիսի 4-ին): Դա նրանց միակ հաջողությունն էր մեր հավաքականի հետ անցկացրած հանդիպումներում:

ՀՀ հավաքականի դարպասը 3-ական անգամ գրավել են նաև գերմանացիներ Թոմաս Հյոսլերն ու Յուրգեն Քլինսմանը, ռուսաստանցի Վալերի Կարպինը, մակեդոնացի Գորան Պանդևը և բոսնիացի Զլատան Մուսլիմովիչը:


Արմեն Համբարձումյան. «Իմ առջև նպատակ եմ դրել ամրապնդվելու Հայաստանի հավաքականում»

Դավիթ Յուրչենկոն ու ևս 15 ֆուտբոլիստ հրավիրվել են Հայաստանի ազգային հավաքական

FAF-ը հրավիրում է միանալու ուղևորությանը և աջակցելու Հայաստանի հավաքականին Չեռնոգորիայում

ՀՖՖ-ն նվազեցրել է տոմսերի գները Հայաստանի հավաքականի առաջիկա ընկերական խաղի համար

Իրանի փոխչեմպիոն Հրայր Մկոյանը և ՀՖՖ-Դավիթ Յուրչենկո երկխոսությունը. Օրվա գլխավոր լուրերի քրոնիկոնը

Դեյան Ստանկովիչ. «Շատ տպավորված եմ Հայաստանի հավաքականի ցուցադրած խաղից»

7 տարի անց Բրազիլիայի հավաքականը գլխավորեց ՖԻՖԱ-ի դասակարգման աղյուսակը

Հովհաննես Համբարձումյանի վնասվածքը լուրջ չէ

Գևորգ Ղազարյանը բժշկական հետազոտություն է անցնում

Վլադիմիր Ֆոմիչև. «Եթե Մխիթարյանը չլիներ, ապա Ղազախստանի հավաքականը պարտավոր էր հաղթել ներկայիս Հայաստանի թիմին»

8 տարի առաջ այս օրը, Հենրիխ Մխիթարյանը խփեց իր առաջին գոլը Հայաստանի հավաքականի կազմում (տեսանյութ)

Ինչպես է ողջ Հանրապետականը բացականչում «ՀԵՆՈ» (տեսանյութ)

Սերգեյ Մալիյ. «Միայն ես եմ մեղավոր Հայաստանի հավաքականից կրած պարտության համար»

Տարոն Ոսկանյան. «Ղազախները կարմիր քարտ ստացան մեր հավաքականի ջանքերի շնորհիվ»

Արաս Օզբիլիս. «Խաղում ենք երկրպագուների համար և սիրում ենք նրանց» (տեսանյութ)

Գաել Անդոնյան. «Անցյալի սխալների փոխարեն մտածում եմ հաջողակ ապագայի մասին» (տեսանյութ)