Բաժիններ

Լրացուցիչ

Ընտրել լեզուն

ՀՀ հավաքականը 3–րդ անգամ ընտրական մրցաշարը սկսեց պարտությամբ

Դանիա - Հայաստան. Կադիմյանն ու Անդոնյանը պայքարում են

6-րդ անգամ մեկնարկի դուրս գալով աշխարհի առաջնության ընտրական մրցաշարում, Հայաստանի ազգային հավաքականը 3–րդ անգամ մրցաշարը սկսեց պարտությամբ: Դանիացիների հետ մրցավեճում ցուցադրած խայտառակ խաղով կրած պարտությունն օրինաչափ էր: Մեկնարկային կազմում ունենալով պաշտպանական ոճի 6 խաղացողներ և ամբողջ խաղի ընթացքում գրեթե ողջ թիմով պաշտպանվելով, մեր հավաքականին չհաջողվեց խուսափել պարտությունից:

Դանիացիները խաղային ու տարածքային բացահայտ առավելություն ունեին և մինչև խաղավերջ ահռելի ճնշում գործադրեցին Արսեն Բեգլարյանի պաշտպանած դարպասին: Եվ եթե չլիներ մեր դարպասապահի պարզապես ֆանտաստիկ խաղը, ապա հնարավոր չէր լինի խուսափել գերխոշոր հաշվով պարտությունից:

Եվ ինչպես մեր հավաքականը չպարտվեր, եթե ողջ խաղի ընթացքում մրցակցի դարպասին միայն մեկ հարված կատարեց ու միայն մեկ վտանգավոր պահ ստեղծեց, այն էլ օգտվելով մրցակցի սխալից: Մեր ֆուտբոլիստների մոտ ոչինչ չստացվեց, նույնիսկ երկու ճշգրիտ փոխանցում նրանք չէին կարողանում կատարել:

Այնպիսի տպավորություն էր, կարծես մեր ֆուտբոլիստների գլխավոր խնդիրը նվազագույն 0:1 հաշիվը պահպանելն էր: Նույնիսկ խաղավերջում նրանք մեծ ուժերով չնետվեցին առաջ՝ պարտությունից խուսափելու փորձեր կատարելու: Վարուժան Սուքիասյանն էլ չէր շտապում փոփոխություններ կատարելու թիմի գործողություններում, որոնց կարիքը շատ էր զգացվում:

Փոխարենը խաղից հետո, ինչպես և սպասվում էր, նա որպես պարտության հիմնական պատճառ նշեց հավաքականի մի քանի առանցքային ֆուտբոլիստների բացակայությունը, մոռանալով, որ նրանցից մեկին՝ Յուրա Մովսիսյանին ՀՖՖ նախագահի հրահանգով հավաքական չի հրավիրում:

Վարուժան Սուքիասյանի գլխավորությամբ ՀՀ հավաքականը 2-րդ անգամ է մասնակցում աշխարհի առաջնության ընտրական մրցաշարին: 2002թ. ընտրական մրցաշարը մեր հավաքականն ավելի հաջող էր սկսել՝ հյուրընկալվելիս գոլազուրկ ոչ-ոքի գրանցելով խմբի ֆավորիտներից մեկի՝ նորվեգացիների հետ մրցավեճում: Ճիշտ է, հաջող սկիզբը շարունակություն չունեցավ: ՀՀ հավաքականն ընտրական մրցաշարում անցկացրած 10 հանդիպումներում այդպես էլ հաղթանակ չտոնեց՝ կրելով 5 պարտություն:

VivaroNews.am-ը ներկայացնում է աշխարհի առաջնությունների ընտրական մրցաշարերի մեկնարկային հանդիպումներում Հայաստանի հավաքականի գրանցած արդյունքները:

1998թ. ընտրական մրցաշար
31.08.1996   Հայաստան-Պորտուգալիա` 0:0
86-րդ րոպեին Օսեանուն չիրացրեց 11մ հարվածը:

2002թ. ընտրական մրցաշար
02.09.2000   Նորվեգիա-Հայաստան` 0:0

2006թ. ընտրական մրցաշար
18.08.2004   Մակեդոնիա-Հայաստան` 3:0 (2:0)
Պանդև (5), Շաքիրի (38), Շումուլիկոսկի (90):

2010թ. ընտրական մրցաշար
06.09.2008   Հայաստան –Թուրքիա` 0:2 (0:0)
Շանլի (61), Շենթյուրկ (77):

2014թ. ընտրական մրցաշար
07.09.2012   Մալթա – Հայաստան` 0:1 (0:0)
Արթուր Սարկիսով (70):

2018թ. ընտրական մրցաշար
04.09.2016   Դանիա- Հայաստան` 1:0 (1:0)
Էրիկսեն (17): 72-րդ րոպեին Էրիկսենը  չիրացրեց 11մ հարվածը:


Արմեն Համբարձումյան. «Իմ առջև նպատակ եմ դրել ամրապնդվելու Հայաստանի հավաքականում»

Դավիթ Յուրչենկոն ու ևս 15 ֆուտբոլիստ հրավիրվել են Հայաստանի ազգային հավաքական

FAF-ը հրավիրում է միանալու ուղևորությանը և աջակցելու Հայաստանի հավաքականին Չեռնոգորիայում

ՀՖՖ-ն նվազեցրել է տոմսերի գները Հայաստանի հավաքականի առաջիկա ընկերական խաղի համար

Իրանի փոխչեմպիոն Հրայր Մկոյանը և ՀՖՖ-Դավիթ Յուրչենկո երկխոսությունը. Օրվա գլխավոր լուրերի քրոնիկոնը

Դեյան Ստանկովիչ. «Շատ տպավորված եմ Հայաստանի հավաքականի ցուցադրած խաղից»

7 տարի անց Բրազիլիայի հավաքականը գլխավորեց ՖԻՖԱ-ի դասակարգման աղյուսակը

Հովհաննես Համբարձումյանի վնասվածքը լուրջ չէ

Գևորգ Ղազարյանը բժշկական հետազոտություն է անցնում

Վլադիմիր Ֆոմիչև. «Եթե Մխիթարյանը չլիներ, ապա Ղազախստանի հավաքականը պարտավոր էր հաղթել ներկայիս Հայաստանի թիմին»

8 տարի առաջ այս օրը, Հենրիխ Մխիթարյանը խփեց իր առաջին գոլը Հայաստանի հավաքականի կազմում (տեսանյութ)

Ինչպես է ողջ Հանրապետականը բացականչում «ՀԵՆՈ» (տեսանյութ)

Սերգեյ Մալիյ. «Միայն ես եմ մեղավոր Հայաստանի հավաքականից կրած պարտության համար»

Տարոն Ոսկանյան. «Ղազախները կարմիր քարտ ստացան մեր հավաքականի ջանքերի շնորհիվ»

Արաս Օզբիլիս. «Խաղում ենք երկրպագուների համար և սիրում ենք նրանց» (տեսանյութ)

Գաել Անդոնյան. «Անցյալի սխալների փոխարեն մտածում եմ հաջողակ ապագայի մասին» (տեսանյութ)