Լրացուցիչ

Ընտրել լեզուն

Հենրիխ Մխիթարյանի տեղափոխությունը «Մանչեսթեր Յունայթեդ». Վերջին նորություններ

Հայաստանի հավաքականի ավագ Հենրիխ Մխիթարյանի` Դորտմունդի «Բորուսիայից» «Մանչեսթեր Յունայթեդ» տեղափոխության խճճված պատմությունը շարունակվում է մնալ չհանգուցալուծված: Վիվառո Նյուզը ներկայացնում է վերջին մանրամասները տրանսֆերից.


Հուլիսի 6 | 12:00 Իրավիճակը հուլիսի 6-ի դրությամբ

Հուլիսի 2-ին «Բորուսիան» պաշտոնապես հաստատեց Հենրիխ Մխիթարյանի տեղափոխությունը «Մանչեսթեր Յունայթեդ», սակայն անգլիական ակումբը դեռ չի հայտարարել ֆուտբոլիստի ձեռքբերման մասին: Նույն օրը Մխիթարյանին նկատեցին Երևանում: Ավելի ուշ, հուլիսի 4-ին հայտնի լրագրող Ջանլուկա դի Մարցիոն հայտնեց, որ Մխիթարյանը բուժզննում է անցնում, սակայն պաշտոնական հայտարարություն կրկին չեղավ: Երեկ էլ լուսանկար տարածվեց համացանցում, որտեղ երևում էր, որ Հենրիխ Մխիթարյանը Մոնտե Կառլոյում է:

«Մանչեսթեր Յունայթեդին» մոտ կանգնած լրագրող Գրեյգ Նորվուդն այսօր հայտնում է, որ Մխիթարյանի բուժզննումը նախատեսված է անցկացնել այսօր: Նա նշում է նաև, որ դրանից հետո արդեն աշխատանքի թույլտվությունն ու պայմանագրի ստորագրումը ընդամենը «ձևականություն» է, որ կլինի շատ արագ: Մեկ այլ լրագրող հայտնում է, որ երեկ Հենրիխ Մխիթարյանը երեկ Մոնակոյում է եղել «Մանչեսթեր Յունայթեդի» փոխնախագահ Էդ Վուդվորդի հետ պայմանագիրը համաձայնեցնելու համար:


Հուլիսի 1 | 21:00 Իրավիճակը հուլիսի 1-ի դրությամբ

Այսօր թարմ նորություններ են ստացվել Հենրիխ Մխիթարյանի տրանսֆերի վերաբերյալ: Ինչպես հաղորդում է Daily Mail-ը, «Մանչեսթեր Յունայթեդը» այսօր անձնական ինքնաթիռ է ուղարկել Դորտմունդ` Հենրիխ Մխիթարյանի հետևից: Աղբյուրի հաղորդմամբ` բրիտանական ժամանակով 15:30 ինքնաթիռը ժամանել է Մանչեսթեր: Տրանսֆերը ավարտին կհասցվի առաջիկա հանգստյան օրերի ընթացքում: Բացի այդ, «Մանչեսթեր Յունայթեդին» մոտ կանգնած մեկ այլ լրագրող թվիթերում հայտնում է, որ Մխիթարյանի բուժզննումն այսօր չէ, այլ առաջիկա օրերին: Ուստի, մեր ֆուտբոլիստի տրանսֆերի պաշտոնական հաստատումը այսօր, թերևս, չտեսնենք:

Նշենք, որ ավելի վաղ «Մանչեսթեր Յունայթեդի» պաշտոնական առցանց-խանութում վաճառքի էին հանվել Մխիթարյանի անունով մարզաշապիկներ:


Հունիսի 29 | 11:00 Իրավիճակը հունիսի 29-ի դրությամբ

Հենրիխ Մխիթարյանի տրանսֆերը «Մանչեսթեր Յունայթեդ» այժմ ավելի հավանական է երեկ «Բորուսիայի» տնօրեն Հանս-Յոախիմ Վատցկեի հայտարարությունից հետո: Վերջինս նշել էր, որ անգլիական ակումբը բարելավել է առաջարկը: Կողմերն այժմ սպասում են փաստաթղթային ձևակերպման: Սակայն, Մխիթարյանի տեղափոխության պաշտոնական հաստատմանը ստիպված են սպասել նվազագույնը դեռ 2 օր: Նախ, հայ ֆուտբոլիստին այս օրերին կարելի է տեսնել Երևանում, ու նորությունները, թե նա արդեն պայմանագիր է ստորագրում, չեն կարող համապատասխանել իրականությանը: Երկրորդ պատճառն էլ այն է, որ «Մանչեսթեր Յունայթեդը» տրանսֆերի գումարի վճարման համար սպասում է հարկային կիսամյակի ավարտին: Այսինքն, տրանսֆերի փաստաթղթային մասը կարող է իրականություն դառնալ հուլիսի 1-ից ոչ շուտ:


Հունիսի 28 | 11:00 Իրավիճակը հունիսի 28-ի դրությամբ

Վերջին օրերի թեժ զարգացումները երեկ ստացված տեղեկություններից հետո հանդարտվեցին: The Guardian-ը, SkySports-ը հայտնեցին, որ ակումբների միջև համաձայնությունն արդեն կա, իսկ ավելի ուշ դա հաստատեց նաև բավականին արժանահավատ գերմանական աղբյուր ևս՝ Ruhr Nachrichten-ը:

Այսպես, հաղորդվում է 26,3 մլն ֆունտի շուրջ պայմանավորվածության մասին: Ավելի ուշ հաղորդվեց, որ Մխիթարյանը ինքն է վճարելու իր տրանսֆերի մի մասը, սակայն սա մի փոքր կասկածելի լուր է: Ոչ ամենաարժանահավատ աղբյուրներից հաղորդվում է նաև, որ Մխիթարյանը կնքելու է 4 տարվա պայմանագիր ու ստանալու տարեկան 12 մլն ֆունտ: Նշվում է նաև, որ նա հաջորդ շաբաթ բուժզննում է անցնելու:

Միակ լուրը, որ ստիպում է որոշակի կասկածանքով վերաբերվել տրանսֆերի կայացմանը, «Բորուսիայի» տնօրեն Հանս-Յոախիմ Վատցկեի հայտարարությունն է, թե այս ամենը դեռ պետք է քննարկվի ակումբի ղեկավարների հետ ու որոշում կայացվի: Այդ ամենը տեղի կունենա այս շաբաթվա ընթացքում, մինչև հուլիսի 4-ը, երբ դորտմունդցիները կսկսեն նոր մրցաշրջանի նախապատրաստությունը: Այս պահին մնում է միայն սպասել տրանսֆերի պաշտոնական հաստատմանը ակումբների կողմից:


Հունիսի 27 | 11:00 SkySports-ը հաստատում է, որ «Մանչեսթեր Յունայթեդը» և «Բորուսիան» համաձայնության են հասել: Մանրամասները՝ այստեղ:


Հունիսի 25 | 11:00 «Մանչեսթեր Յունայթեդի» ու «Բորուսիայի» բանակցությունները ձգձգվում են

Չնայած դեռ 2 օր առաջ հայտնում էին գործարքի կայացման մասին, այս պահին հայտնի է, որ Մխիթարյանի տեղափոխությունը «Մանչեսթեր Յունայթեդ» դեռ կայացած չէ: Վերջին տվյալների համաձայն` «Բորուսիան» պնդում է իր նշանակած 40 մլն եվրո արժեքը, որը դեռ երկու օր առաջ կազմում էր 30.7 մլն ֆունտ: Սակայն Մեծ Բրիտանիայի` Եվրոմիությունից դուրս գալու որոշումից հետո տեղի ունեցավ ֆունտ սթեռլինգի ու եվրոյի փոխարժեքների կտրուկ փոփոխություն, ուստի այժմ «Բորուսիայի» պահանջած 40 մլն եվրոն վճարելու համար «Մանչեսթեր Յունայթեդը» պետք է ծախսի 32.4 մլն ֆունտ: Իսկ անգլիական ակումբը համաձայն է վճարել միայն նախապես հայտարարված 30.7 մլն ֆունտը: Այս մասին տեղեկացնում է գերմանական Ruhr Nachrichten-ը:

Չնայած առաջ եկած դժվարությանը` սա հազիվ թե տրանսֆերի ձախողման պատճառ դառնա: Դրա մասին է փաստում նաև այն, որ «Բորուսիան» այս օրերին կիսապաշտպանի փնտրտուքի մեջ է: «Վոլֆսբուրգի» կիսապաշտպան Անդրե Շյուռլեից բացի սկսվել է շրջանառվել նաև «Բայերի» ֆուտբոլիստ Կարիմ Բելարաբիի անունը: Գուցե հնարավոր փոխարինողի հետ պայմանավորվածություն ձեռք բերելուց հետո «Բորուսիային» ավելի հեշտ դառնա բաժանվել Հենրիխ Մխիթարյանից: Մեկ այլ գերմանական աղբյուր` Bild-ը նշում է, որ տրանսֆերը կկայանա միայն հաջորդ ամիս:


Հունիսի 24 | 14:15 «Բորուսիան» բանակցություններ է սկսել Անդրե Շյուռլեի հետ, որպես Հենրիխ Մխիթարյանի փոխարինող: 

Մանրամասներն՝ այստեղ:


Հունիսի 24 | 10:30 Հինգշաբթի օրվա դրությամբ «Բորուսիան» նոր առաջարկ չի ստացել

Գերմանական Kicker-ը հաղորդում է, որ «Բորուսիան» հինգշաբթի օրվա` հունիսի 23-ի դրությամբ նոր առաջարկ չի ստացել «Մանչեսթեր Յունայթեդից»: Նշենք, որ մինչ այս առկա տեղեկատվության համաձայն` անգլիական ակումբի վերջին առաջարկը կազմել է 28 մլն ֆունտ, որը կազմում է 34 մլն եվրո: «Բորուսիան» ցանկանում է ստանալ 40 մլն եվրո:


Իրավիճակը հունիսի 23-ի դրությամբ

Մի շարք հայկական լրատվամիջոցներ սկսեցին հաղորդել Հենրիխ Մխիթարյանի` «Մանչեսթեր Յունայթեդ» տեղափոխության մասին` նշելով, որ անգլիական ակումբը համաձայնել է վճարել պահանջվող 40 մլն եվրոն: Որպես տեղեկատվության աղբյուր նշվող BleacherReport.com-ի համապատասխան հոդվածը հղում էր անում Daily Mirror-ի նյութը, որը հրապարակվել էր դեռ մեկ օր առաջ` հունիսի 22-ին, ու պատմում էր ընդամենը «Մանչեսթեր Յունայթեդի» երկրորդ` 28 մլն ֆունտ առաջարկի մասին: Մինչդեռ «Բորուսիայի» համաձայնության մասին ոչ մի հստակ տեղեկատվություն չկար: Միակ լուրը եղել է այն, որ դորտմունդցիները, ի հեճուկս մի քանի օր առաջ կոշտ հայտարարությանը , այժմ ավելի մեղմ են տրամադրված, ու բաց կթողնեն ֆուտբոլիստին, եթե նրանց վճարվի պահանջվող 40 մլն եվրոն:


«Ռեալի» ֆուտբոլիստները սպասում են Դավիդ դե Խեայի տեղափոխությանը

WhoScored. Հենրիխ Մխիթարյանի գնահատականը «Սաութհեմփթոնի» հետ խաղին

«Սաութհեմփթոն» – «Մանչեսթեր Յունայթեդ» խաղում դարպասի գրավում չարձանագրվեց (տեսանյութ)

«Սաութհեմփթոն» – «Մանչեսթեր Յունայթեդ». հայտնի են մեկնարկային կազմերը

ՈՒԵՖԱ-ն Եվրոպա լիգայի եզրափակչի տոմսեր է խաղարկում

«Սաութհեմփթոն»-«Մանչեսթեր Յունայթեդ». Հավանական մեկնարկային կազմեր

L’Equipe. Օբամեյանգը և Մխիթարյանը կարող են նորից դառնալ խաղընկերներ

Ինչպիսի տեսք կարող է ունենալ «Մանչեսթեր Յունայթեդի» հարձակումը հաջորդ մրցաշրջանում (լուսանկարներ)

Ժոզե Մոուրինյոն «Սաութհեմփթոնի» դեմ խաղի հայտացուցակում ընդգրկել է 19 ֆուտբոլիստների

Մոուրինյո. «Պոգբան չի խաղա, քանի որ մասնակցելու է հոր թաղման արարողությանը»

Daily Mail. Դե Խեան արդեն անցկացրել է իր վերջին խաղը «Յունայթեդի» կազմում

«Մանչեսթեր Յունայթեդը» մրցաշրջանի ավարտին պատմական նվաճման կհասնի

Իսկ Դուք արդեն քվեարկե՞լ եք Հենրիխ Մխիթարյանի օգտին

«Մանչեսթեր Յունայթեդի» ֆուտբոլիստները բավականին մեծ բոնուս կստանան, եթե կարողանան հաղթել Եվրոպա լիգայի եզրափակչում

EPL Index. «ՄՅՈՒ» ամառային ձեռքբերումների գնահատականները

AS. Մայիսի 21-ին «Մանչեսթեր Յունայթեդը» կհայտարարի իր առաջին տրանսֆերի մասին