Լրացուցիչ

Ընտրել լեզուն

Հայտնի են ծանրամարտի տղամարդկանց ՀՀ առաջնության հաղթողները

Երևանի օլիմպիական հերթափոխի պետական մարզական քոլեջում փետրվարի 5-ին ավարտվել է ծանրամարտի 2017 թվականի տղամարդկանց և կանանց մեծահասակների ՀՀ առաջնությունը:

Փետրվարի 2-ից 5-ը մրցահարթակ են դուրս եկել տղամարդիկ: Ընդհանուր թվով 76 ծանրորդներ պայքարել են Հայաստանի Հանրապետության չեմպիոնի կոչման համար: 8 քաշային կարգերում չեմպիոններ են դարձել. 56 կգ քաշային կարգում՝ Լևոն Թորոսյանը (երկամարտի արդյունքը՝ 206 կգ), 62 կգ քաշային կարգում՝ Դավիթ Գասպարյանը (երկամարտի արդյունքը՝ 252 կգ), 69 կգ քաշային կարգում՝ Վանիկ Ավետիսյանը (երկամարտի արդյունքը՝ 291 կգ), 77 կգ քաշային կարգում՝ Ժորժ Եղիկյանը (երկամարտի արդյունքը՝ 302 կգ), 85 կգ քաշային կարգում Դավիթ Հովհաննիսյանը (երկամարտի արդյունքը՝ 325 կգ), 94 կգ քաշային կարգում՝ Կարուշ Ղուկասյանը (երկամարտի արդյունքը՝ 350 կգ), 105 կգ քաշային կարգում՝ Սամվել Գասպարյանը (երկամարտի արդյունքը՝ 365 կգ) և 105+ կգ քաշային կարգում՝ Հայկ Հակոբյանը (երկամարտի արդյունքը՝ 340 կգ):

Հիշեցնենք՝ առաջնության մեկնարկային օրը ուժերն են չափել ծանրորդուհիները, իսկ փետրվարի 8-ին մեկնարկելու է պատանիների և աղջիկների ծանրամարտի 2017 թվականի ՀՀ առաջնությունը: