Լրացուցիչ

Ընտրել լեզուն

Հայկական շախմատի վետերանները կմասնակցեն աշխարհի առաջնությանը

Շախմատի Հայաստանի վետերանների հավաքականը կմասնակցի ապրիլի 24-ից մայիսի 2-ը Հունաստանի Կրիտ կղզում կայանալիք աշխարհի թիմային առաջնությանը, որը կանցկացվի տարիքային երկու խմբով (50-ից բարձր և 65-ից բարձր): Տարիքային յուրաքանչյուր խմբում հանդես կգան 22-ական թիմեր:

Հայաստանի հավաքականը վետերանների աշխարհի առաջնությունում հանդես կգա 50-ից բարձր տարիք ունեցող շախմատիստների մրցաշարում: Մեր հավաքականը կգլխավորի հայկական շախմատի անվանի վետերան, ԽՍՀՄ չեմպիոն, ԽՍՀՄ հավաքականի կազմում շախմատային օլիմպիադաների կրկնակի չեմպիոն, միջազգային գրոսմայստեր Ռաֆայել Վահանյանը:

Նրա թիմակիցները կլինեն շախմատային օլիմպիադաների կրկնակի հաղթող, Հայաստանի վեցակի չեմպիոն Արտաշես Մինասյանը, Կարեն Մովսիսյանը, Նորայր Քալանթարյանը և Սերգեյ Գալդունցը: Այս հնգյակից մշտապես մրցաշարերի է մասնակցում միայն Կարեն Մովսիսյանը:

Հայաստանի հավաքականի հնարավոր մրցակիցների թվում կլինեն Անգլիայի տղամարդկանց 4 թիմերը, Ռուսաստանի տղամարդկանց և կանանց հավաքականները, Գերմանիայի տղամարդկանց երկու հավաքականներն ու կանանց ընտրանին, Շվեդիայի և Իսրայելի տղամարդկանց երկուական թիմերը, Լատվիայի կանանց հավաքականը, ինչպես նաև Ավստրիայի, Ֆինլանդիայի, Շոտլանդիայի, Ուելսի, Նորվեգիայի, Հունաստանի և Բերմուդյան կղզիների տղամարդկանց հավաքականները:

Շվեյցարական մրցակարգով կանցկացվի 9 տուր: Մրցանակային տեղերը զբաղեցրած թիմերը կպարգևատրվեն գավաթներով ու մեդալներով, ինչպես նաև դրամական մրցանակներով: Չեմպիոնը կպարգևատրվի 1300 եվրոյով, 2-րդ մրցանակակիրը՝ 900, 3-րդը՝ 600: 4-5-րդ տեղերը զբաղեցրած հավաքականները կստանան համապատասխանաբար 500 և 400 եվրո:

 Կպարգևատրվեն նաև կանանց հավաքականների մեջ լավագույն արդյունքի հասած երեք հավաքականները (համապատասխանաբար՝ 600, 400 և 300 եվրո): Մեդալներով կպարգևատրվեն նաև անհատական հաշվարկով յուրաքանչյուր խաղատախտակի վրա լավագույն արդյունքի հասած շախմատիստները:


Սամուել Սևյանն ու Կարեն Մովսիսյանն Ամանորը կնշեն շախմատի խաղասեղանի մոտ

Հուշեր Տիգրան Պետրոսյանի մասին

«Երևան օփեն». մրցաշարային աղյուսակում երկիշխանություն հաստատվեց

«Երևան օփեն». առաջատարները հաշտություն կնքեցին

«Երևան օփեն». Հայ շախմատիստներից առաջատարի դիրքը պահպանեց միայն Հովիկ Հայրապետյանը

«Երևան օփեն». 10 շախմատիստներ պահպանեցին առաջատարի դիրքը

«Երևան օփեն». 26 շախմատիստներ 2-րդ հաղթանակները տոնեցին

Երևան Օփեն. Անվանիները սկսեցին հաղթանակով

Լրացուցիչ գործակիցներով Մովսիսյանը գլխավոր մրցանակը զիջեց Գլեյզերովին

Կարեն Մովսիսյանը հավակնում է գլխավոր մրցանակին

Կարեն Մովսիսյանն առաջատարներից մեկն է

Արագ շախմատի մրցաշարում Կարեն Մովսիսյանը 14-րդն էր

Կարեն Գրիգորյանը բաց թողեց հաղթանակի հնարավորությունը

Կարեն Գրիգորյանը նվաճեց գլխավոր մրցանակը

Մովսիսյանն ու Գրիգորյանը գլխավոր մրցանակի հավակնորդների թվում են

Մովսիսյանն առաջին պարտությունը կրեց, Գրիգորյանը մոտեցավ առաջատարներին