Բաժիններ

Լրացուցիչ

Ընտրել լեզուն

Հայկ Մարտիրոսյանն ու Մանուել Պետրոսյանը շարունակում են չեմպիոնական մրցավազքը

Մանուել Պետրոսյան

Խանտի Մանսիյսկում շախմատի աշխարհի պատանեկան առաջնության պարգևները վիճարկող շախմատիստներն անցկացրին 9-րդ տուրի հանդիպումները: Մինչև 16 տարեկանների մրցաշարում վստահ քայլերով դեպի աշխարհի չեմպիոնի տիտղոսի նվաճմանն է ընթանում մրցաշարում գերազանց հանդես եկող Հայկ Մարտիրոսյանը: Հայ շախմատիստը 7 անընդմեջ հաղթանակներից հետո 2-րդ պարտիան ոչ-ոքի ավարտեց՝ հաշտություն կնքելով իր մոտակա հետապնդող ռուսաստանցի Ալեքսանդր Տրիապիշկոյի հետ:

9 հնարավորից վաստակած 8 միավորով Հայկը շարունակում է միանձնյա գլխավորել աղյուսակը՝ մեկ միավորով գերազանցելով իր մոտակա մրցակիցներ Ալեքսանդր Տրիապիշկոյին և իրանցի միջազգային վարպետ Պարհամ Մագսոդլուին: Աշխարհի չեմպիոնի տիտղոսը նվաճելու համար նրան անհրաժեշտ է ավարտական երկու տուրերում առավելագույնը 1,5 միավոր վաստակել, ինչը հայ տաղանդավոր պատանու համար բնավ էլ դժվար խնդիր չէ: Վաղը կայանալիք 10-րդ տուրում Հայկ Մարտիրոսյանը սևերով կխաղա ռուսաստանցի Թիմուր Ֆախրուտդինովի հետ:

Մ-16 մրցաշարի մեր մյուս մասնակից Դավիթ Միրզոյանը պարտվեց Գերմանիայի ներկայացուցիչ Կոնստանտին Ուրբանին: Դավիթը 4,5 միավորով տեղափոխվեց 38-րդ հորիզոնական:

Տարիքային այս խմբի աղջիկների մրցաշարում Արփինե Գրիգորյանը հաղթեց լեհ Վիկտորիա Կիսլակին: Արփինեն 5 միավորով 20-րդ տեղում է:

Մինչև 18 տարեկան աղջիկների մրցաշարում Սիրանուշ Ղուկասյանը 2-րդ անընդմեջ պարտությունը կրեց ու զրկվեց աշխարհի չեմպիոնուհու տիտղոսի համար պայքարելու հնարավորությունից: Նրա մրցակցուհին իսրայելցի Միչալ Լահավն էր: Սիրանուշը 6 միավորով նահանջեց 5-րդ հորիզոնական: Նա այժմ 2 միավորով է հետ մնում առաջատար ռուսաստանցի Ալեքսանդրա Օբոլենցևայից:

Պատանիների Մ-18 մրցաշարում չեմպիոնական մրցավազքն է շարունակում Մանուել Պետրոսյանը, ով հաղթելով ֆրանսիացի Բիլել Բելահցենեին, 7 միավորով զբաղեցնում է 2-րդ տեղը: Նա ընդամենը կես միավոր է զիջում աղյուսակը գլխավորող ռուսաստանցի Մաքսիմ Վավուլինին:

Իսկ ահա Արամ Հակոբյանը կրկին պարտվելով, զգալիորեն դժվարացրեց մրցանակային տեղերի համար պայքարելու իր խնդիրը: Նրա մրցակիցը թուրք գրոսմայստեր Վահապ Սանալն էր: Արամը 5,5 միավորով նահանջեց 11-րդ հորիզոնական:

Մ-14 մրցաշարում Արթուր Դավթյանը հաշտություն կնքեց լեհ Պավել Տեցլավի հետ և 6,5 միավորով նահանջեց 5-րդ հորիզոնական: Այժմ նա 2 միավորով է հետ մնում առաջատար Սեմյոն Լոմասովից:

Կրկին հաղթանակ տոնեց Շանթ Սարգսյանը, ով առավելության հասավ չինացի Հոնգչի Պենգի նկատմամբ: Շանթը 6 միավորով տեղափոխվեց 12-րդ հորիզոնական: Մեր երկու շախմատիստներն էլ դեռ կարող են պայքարել մեդալների համար:

Աղջիկների մրցաշարում Քրիստինե Սմբատյանը ոչ-ոքի խաղաց սլովակ Դոմինիկա Տոմցիկովայի հետ: Քրիստինեն 4 միավորով 46-րդ տեղում է:


Արամ Հակոբյանն ու Արա Նիգոյանը միացել են «Բանանցի» մարզչական շտաբին

Վահե Բաղդասարյանին շնորհվեց գրոսմայստերի կոչում

Հովիկ Հայրապետյանը շարունակեց հաղթարշավը

Հովիկ Հայրապետյանը միանձնյա գլխավորեց աղյուսակը

Հովիկ Հայրապետյանը միացավ առաջատար եռյակին

Ռոբերտ Աղասարյանն ընդհատեց առաջատարի հաղթարշավը

2-րդ տուրն անվանեց հուշամրցաշարի առաջատարին

Թուրք շախմատիստին փոխարինած Լևոն Բաբուջյանը հաղթանակով սկսեց հուշամրցաշարը

Հայկ Մարտիրոսյանը՝ Հայաստանի առաջին խմբի առաջնության հաղթող

Բարձրագույն խմբի 3 ուղեգրերի համար պայքարը թեժանում է

Առաջին պարտությունը չազդեց Հայկ Մարտիրոսյանի առաջատարի դիրքի վրա

Հայկ Մարտիրոսյանի առաջատարի դիրքն անսասան է

Հայկ Մարտիրոսյանը պահպանեց միանձնյա առաջատարի դիրքը

Հովիկ Հայրապետյանը շարունակեց հաղթարշավը

3-րդ տուրն անվանեց միանձնյա առաջատարին

14 շախմատիստներ սկսեցին պայքարը բարձրագույն խմբի 3 ուղեգրերի համար