Լրացուցիչ

Ընտրել լեզուն

Հայկ Մարտիրոսյանի հաղթարշավն ընդհատվեց, Սիրանուշ Ղուկասյանը զիջեց առաջատարի դիրքը

Խանտի Մանսիյսկում ավարտին է մոտենում շախմատի աշխարհի պատանեկան առաջնությունը:

Վերջնագծում մրցանակային տեղերի համար պայքարն ավելի է թեժացել: Մինչև 16 տարեկանների մրցաշարում աշխարհի չեմպիոնի տիտղոսի գլխավոր հավակնորդ Հայկ Մարտիրոսյանը, ով հաղթել էր իր նախորդ բոլոր 7 մրցակիցներին և ռուսաստանցի Սեմյոն Լոմասովի հետ (Մ-14) առաջնության մասնակիցների մեջ բացարձակ լավագույն արդյունքն ուներ, 8-րդ տուրում առաջին կես միավորը կորցրեց:

Նրա հաղթարշավը հաջողվեց կանգնեցնել իրանցի միջազգային վարպետ Պարհամ Մագսոդլուին, ով Մ-16 մրցաշարի մասնակիցներից ամենաբարձր անհատական վարկանիշն ունի (2566): Կես միավորի կորուստը ոչ մի կերպ չսասանեց Հայկի առաջատարի դիրքերը: Պատանի շախմատիստը մրցաշարի ավարտից 3 տուր առաջ 7,5 միավորով վստահորեն գլխավորում է մրցաշարային աղյուսակը` մեկ միավորով գերազանցելով իրեն հետապնդող ռուսաստանցի Ալեքսանդր Տրիապիշկոյին: Հենց նրա հետ էլ Հայկը կմրցի վաղը կայանալիք 9-րդ տուրում: Մ-16 մրցաշարի մեր մյուս մասնակից Դավիթ Միրզոյանը հաղթեց բելառուս Սերգեյ Կալինուսկուն և 4,5 միավորով տեղափոխվեց 30-րդ հորիզոնական:

Տարիքային այս խմբի աղջիկների մրցաշարում Արփինե Գրիգորյանը պարտվեց գերմանացի Ֆիոնա Սիբերին: Արփինեն 4 միավորով 26-րդ տեղում է: Մինչև 18 տարեկան աղջիկների մրցաշարում ուշադրության կենտրոնում երկու առաջատարների՝ Սիրանուշ Ղուկասյանի և ռուսաստանցի Ալեքսանդրա Օբոլենցևայի մրցախաղն էր: Ցավոք վճռորոշ այդ մրցախաղում հայ շախմատիստուհին պարտվեց՝ մրցաշարում 2-րդ անգամ անհաջողության մատնվելով: Հիշեցնենք, որ մինչ այդ Սիրանուշը 4 անընդմեջ հաղթանակ էր տոնել:

Այս անհաջողությունից հետո հայ շախմատիստուհին 6 միավորով նահանջեց 2-րդ հորիզոնական՝ 1-ին տեղը զիջելով 7 միավոր ունեցող Ալեքսանդրա Օբոլենցևային: 6-ական միավոր են վաստակել նաև վրացի Նինո Խոմերիկին և հույն Ստավրուլա Ցոլակիդուն:

Պատանիների Մ-18 մրցաշարում էլ տուրի կենտրոնական հանդիպումներից մեկը միանձնյա առաջատար, ռուսաստանցի Մաքսիմ Վավուլինի և նրանից ընդամենը կես միավոր պակաս վաստակած Արամ Հակոբյանի մրցավեճն էր: Ցավոք հայ շախմատիստը զիջեց մրցակցին՝ մրցաշարում կրելով 2-րդ պարտությունը: Վավուլինը 7 միավորով ամրապնդեց առաջատարի իր դիրքը, իսկ Հակոբյանը 5,5 միավորով նահանջեց 4-րդ հորիզոնական: Իսկ 2-րդ տեղում 6 միավորով Մանուել Պետրոսյանն է, ով 3-րդ անընդմեջ ոչ-ոքին գրանցեց՝ հաշտություն կնքելով Գերմանիան ներկայացնող Դմիտրի Կոլարսի հետ: Մանուելն առայժմ անպարտելի է:

Մ-14 մրցաշարում Արթուր Դավթյանը հաղթելով ԱՄՆ-ի ներկայացուցիչ Գաբրիել Սամին, 6 միավորով եզրափակեց առաջատար եռյակը: Նա 1,5 միավորով է հետ մնում առաջատար Սեմյոն Լոմասովից:

Հաղթանակ տոնեց նաև Շանթ Սարգսյանը, ով առավելության հասավ Կանադայի ներկայացուցիչ Եուգենե Հուայի նկատմամբ: Շանթը 5 միավորով տեղափոխվեց 20-րդ հորիզոնական: Աղջիկների մրցաշարում Քրիստինե Սմբատյանը պարտվեց հնդիկ Աշնա Մակհիջային: Քրիստինեն 3,5 միավորով 51-րդ տեղում է:


Մարմնամարզության ԵԱ. Արթուր Դավթյանը 5-րդ տեղն է զբաղեցնում հենացատկ վարժությունում

Արթուր Դավթյանը 6-րդն է մարմնամարզության Եվրոպայի առաջնությունում

Մարմնամարզության ԵԱ. 4 մարզիկ եզրափակչի ուղեգիր է նվաճել

Վաղը հայ մարմնամարզիկները կմեկնարկեն Եվրոպայի առաջնությունում

Սամվել Տեր-Սահակյանն արժանացավ գլխավոր մրցանակին

Աշխարհի  գավաթ. Հայաստանը 2-րդն է մեդալային հաշվարկում

Աշխարհի գավաթ. Արթուր Դավթյանը՝ արծաթե մեդալակիր

Աշխարհի գավաթ. Թովմասյանը ոսկե մեդալ է նվաճում, Դավթյանը՝ բրոնզե

Աշխարհի գավաթ. Արթուր Դավթյանը ևս 2 եզրափակչի ուղեգիր է նվաճում

Աշխարհի գավաթ. Արթուր Դավթյանը, Արթուր Թովմասյանը և Վահագն Դավթյանը եզրափակչում են

Միջազգային վարպետները գերազանցեցին գրոսմայստերներին

Վահե Բաղդասարյանին շնորհվեց գրոսմայստերի կոչում

Հայտնի են Եվրոպայի առաջնությանը Հայաստանը ներկայացնող մարմնամարզիկների անունները

Հայտնի են մարմնամարզության Հայաստանի առաջնության հաղթողները

Ուժեղագույնների մրցաշարում առավել հաջողը Սերգեյ Մովսիսյանի ելույթն էր

Տուրը հաղթական էր միայն Տիգրան Հարությունյանի համար