Լրացուցիչ

Ընտրել լեզուն

Հայկ Մարտիրոսյանի հաղթարշավը շարունակվեց, Մանուել Պետրոսյանն ու Սիրանուշ Ղուկասյանն առաջատարների թվում են

Մեկօրյա հանգստից հետո Խանտի Մանսիյսկում ընթացող շախմատի աշխարհի պատանեկան առաջնության մասնակիցները կրկին նստեցին խաղասեղանների շուրջ՝ անցկացնելով 6-րդ տուրի հանդիպումները:

Կրկին գերազանց խաղաց մինչև 16 տարեկանների մրցաշարի միանձնյա առաջատար Հայկ Մարտիրոսյանը, որի հաղթարշավը մրցակիցներից ոչ մեկին առայժմ չի հաջողվում կանգնեցնել: Անզոր գտնվեց նաև իտալացի ՖԻԴԵ-ի վարպետ Լուկա Մորոնին, որին Հայկը հաղթեց սև խաղաքարերով:

Հերթական հաղթանակից հետո Հայկ Մարտիրոսյանը 6 միավորով ավելի ամրապնդեց առաջատարի իր դիրքը: Այժմ նա մեկ միավորով է գերազանցում իր մոտակա հետապնդողներ, իրանցիներ Ամին Տաբատաբաեիին և Պարհամ Մագսոդլոոյին, ինչպես նաև ռուսաստանցի Ալեքսեյ Սորոկինին, որի հետ էլ կմրցի 7-րդ տուրում:

Մ-16 մրցաշարի մեր մյուս մասնակից Դավիթ Միրզոյանը հաղթեց լատվիացի Կլավս Ստաբոլնիեկսին և 3,5 միավորով տեղափոխվեց 27-րդ հորիզոնական:

Տարիքային այս խմբի աղջիկների մրցաշարում Արփինե Գրիգորյանը պարտվեց ուկրաինուհի Ալյոնա Մարտինկովային: Արփինեն 3 միավորով 24-րդ տեղում է:

Մ-18 մրցաշարում հաջող հանդես եկող Մանուել Պետրոսյանի մրցակիցը ռուսաստանցի Մաքսիմ Վավուլինն էր, ում հետ հայ շախմատիստը գլխավորում էր աղյուսակը: Առաջատարները հաշտություն կնքեցին ու 5-ական միավորով շարունակում են գլխավորել աղյուսակը: Նրանցից կես միավորով է հետ մնում Արամ Հակոբյանը, ով հաղթեց հնդիկ Վայշալիին:

Հաջող ելույթներն է շարունակում նաև մինչև 18 տարեկան աղջիկների մրցաշարում հանդես եկող Սիրանուշ Ղուկասյանը, ով սևերով հաղթեց հույն գրոսմայստեր Ստավրուլա Ցոլակիդոուին և վաստակելով 5 միավոր, ռուսաստանցի Ալեքսանդրա Օբոլենցևայի, վրացի Նինո Խոմերիկիի և իսրայելցի Միչալ Լահավի հետ գլխավորեց աղյուսակը:

Մ-14 մրցաշարում հայ շախմատիստներից լավագույն արդյունքն ունի Արթուր Դավթյանը, ով ոչ-ոքի խաղալով ռուսաստանցի Անդրեյ Եսիպենկոյի հետ, 4,5 միավորով զբաղեցնում է 8-րդ տեղը: Նա 1,5 միավորով է հետ մնում մրցաշարի միանձնյա առաջատար Սեմյոն Լոմասովից: Շանթ Սարգսյանը կրկին պարտվեց՝ այս անգամ զիջելով չինացի Չենքսի Ժաոյին: Շանթը 3 միավորով նահանջեց 36-րդ հորիզոնական:

Աղջիկների մրցաշարում 2 անընդմեջ հաղթանակներից հետո Քրիստինե Սմբատյանը պարտվեց բելգիացի Դարիա Վանդույֆհույսին: Քրիստինեն 2,5 միավորով 51-րդ տեղում է:


Ուժեղագույնների մրցաշարում առավել հաջողը Սերգեյ Մովսիսյանի ելույթն էր

Տուրը հաղթական էր միայն Տիգրան Հարությունյանի համար

Հայաստանցի շախմատիստներից հաղթեց միայն Մանուել Պետրոսյանը

Տիգրան Հարությունյանն առաջին հաղթանակը տոնեց

Սերգեյ Մովսիսյանը մոտեցավ առաջատարների խմբին

Հայկ Մարտիրոսյանն անդրանիկ հաղթանակը տոնեց

Սերգեյ Մովսիսյանը շարունակում է առաջատարների հետապնդումը

Մեկնարկում միայն Սերգեյ Մովսիսյանը հաղթանակ տոնեց

Հայաստանի նոր չեմպիոնը Հովհաննես Գաբուզյանն է

Տղամարդկանց մրցաշարում մթնոլորտը շիկացած է, կանանց մրցավեճում իրադրությունը պարզվեց

Տղամարդկանց մրցաշարում քառիշխանություն է, կանանց մրցավեճում միանձնյա առաջատարը Սիրանուշ Ղուկասյանն է

Պատանիների աշխարհի չեմպիոնը հաղթեց Հայաստանի գործող չեմպիոնին ու գլխավորեց աղյուսակը

5-րդ տուրն ի հայտ բերեց մրցաշարերի միանձնյա առաջատարներին

Կանանց մրցաշարում առաջատարը փոխվեց

Հայաստանի առաջնություն. Առաջատարներն առաջին կես միավորները կորցրին

Գործող չեմպիոններն առաջնությունը սկսեցին հաղթանակով