Լրացուցիչ

Ընտրել լեզուն

Հայկ Մարտիրոսյանը չեմպիոնի տիտղոսի գլխավոր հավակնորդն է

Խանտի Մանսիյսկում ընթացող շախմատի աշխարհի պատանեկան առաջնությունում իր հմուտ խաղով շարունակում է բոլորին հիացնել միջազգային վարպետ Հայկ Մարտիրոսյանը, ով մինչև 16 տարեկանների մրցաշարում չեմպիոնի տիտղոսի գլխավոր հավակնորդն է: 7-րդ տուրում էլ Հայկն իրեն գերազանց դրսևորեց՝ սպիտակներով հաղթելով ռուսաստանցի ՖԻԴԵ-ի վարպետ Ալեքսեյ Սորոկինին: Հերթական հաղթանակից հետո Հայկ Մարտիրոսյանը 7 միավորով ավելի առաջ պոկվեց իր մոտակա հետապնդողներից՝ նրանց գերազանցելով արդեն 1,5 միավորով:

Մ-16 մրցաշարի մեր մյուս մասնակից Դավիթ Միրզոյանը պարտվեց ռուսաստանցի Սերգեյ Լոբանովին և 3,5 միավորով նահանջեց 42-րդ հորիզոնական:

Տարիքային այս խմբի աղջիկների մրցաշարում Արփինե Գրիգորյանը հաղթեց Զայնաբ Սաումիին: Արփինեն 4 միավորով 19-րդ տեղում է:

Վերելքով է հանդես գալիս նաև մինչև 18 տարեկան աղջիկների մրցաշարի մասնակից Սիրանուշ Ղուկասյանը, ով 4-րդ անընդմեջ հաղթանակը տոնեց: Նրա մրցակիցն իր հետ աղյուսակը գլխավորող 3 շախմատիստուհիներից մեկն էր՝ վրացի Նինո Խոմերիկին: Հայ շախմատիստուհին 6 միավորով ռուսաստանցի Ալեքսանդրա Օբոլենցևայի հետ շարունակում է գլխավորել աղյուսակը:

Պատանիների Մ-18 մրցաշարում հաջող հանդես եկող Մանուել Պետրոսյանը հաշտություն կնքեց իրանցի միջազգային վարպետ Շահին Լորպարիզանգենեհի հետ ու վաստակեց 5,5 միավոր: Մանուելին միավորներով հավասարվեց Արամ Հակոբյանը, ով հաղթեց իրանցի մեկ այլ միջազգային վարպետ ԽալիլՍայեդ Մուսավիին: Մեր շախմատիստները բաժանում են 2-3-րդ տեղերը՝ ընդամենը կես միավորով հետ մնալով առաջատարի դիրքը ստանձնած ռուսաստանցի Մաքսիմ Վավուլինից:

Մ-14 մրցաշարում հայ շախմատիստներից լավագույն արդյունքն ունի Արթուր Դավթյանը, ով ոչ-ոքի խաղալով ուկրաինացի միջազգային վարպետ Կիրիլ Շևչենկոյի հետ, 5 միավորով զբաղեցնում է 9-րդ տեղը: Շանթ Սարգսյանն առավելության հասավ Ղազախստանի ներկայացուցիչ Ռուսլան Սալիմովի նկատմամբ: Շանթը 4 միավորով տեղափոխվեց 27-րդ հորիզոնական:

Աղջիկների մրցաշարում Քրիստինե Սմբատյանը հաղթեց Իռլանդիան ներկայացնող Մերսեդես Պլազային: Քրիստինեն 3,5 միավորով 42-րդ տեղում է:


Սամվել Տեր-Սահակյանն արժանացավ գլխավոր մրցանակին

Միջազգային վարպետները գերազանցեցին գրոսմայստերներին

Ուժեղագույնների մրցաշարում առավել հաջողը Սերգեյ Մովսիսյանի ելույթն էր

Տուրը հաղթական էր միայն Տիգրան Հարությունյանի համար

Հայաստանցի շախմատիստներից հաղթեց միայն Մանուել Պետրոսյանը

Տիգրան Հարությունյանն առաջին հաղթանակը տոնեց

Սերգեյ Մովսիսյանը մոտեցավ առաջատարների խմբին

Հայկ Մարտիրոսյանն անդրանիկ հաղթանակը տոնեց

Սերգեյ Մովսիսյանը շարունակում է առաջատարների հետապնդումը

Մեկնարկում միայն Սերգեյ Մովսիսյանը հաղթանակ տոնեց

Զավեն Անդրիասյանը կրկին նվաճեց շախմատի ակադեմիայի գավաթը

Հայաստանի նոր չեմպիոնը Հովհաննես Գաբուզյանն է

Տղամարդկանց մրցաշարում մթնոլորտը շիկացած է, կանանց մրցավեճում իրադրությունը պարզվեց

Տղամարդկանց մրցաշարում քառիշխանություն է, կանանց մրցավեճում միանձնյա առաջատարը Սիրանուշ Ղուկասյանն է

Պատանիների աշխարհի չեմպիոնը հաղթեց Հայաստանի գործող չեմպիոնին ու գլխավորեց աղյուսակը

5-րդ տուրն ի հայտ բերեց մրցաշարերի միանձնյա առաջատարներին