Լրացուցիչ

Ընտրել լեզուն

Հայկ Մարտիրոսյանը 100-տոկոսանոց արդյունքով առաջատարներից մեկն է

Խանտի Մանսիյսկում ընթացող շախմատի աշխարհի պատանեկան առաջնությունում գերազանց է հանդես գալիս մինչև 16 տարեկանների մրցաշարի մասնակից Հայկ Մարտիրոսյանը, ով 4-րդ տուրում էլ հաղթանակ տոնեց: Նրա մրցակիցն առաջատարներից մեկն էր՝ սլովակ Վիկտոր Գազիկը: Հայկը 100-տոկոսանոց արդյունքով 4 տուրից հետո իրանցի Ամին Տաբատաբաեի հետ գլխավորում է մրցաշարային աղյուսակը:

Տարիքային այս խմբում հանդես եկող Դավիթ Միրզոյանը մրցաշարում առաջին անգամ ոչ-ոքի խաղաց՝ հաշտություն կնքելով վիետնամցի Դոնգ Հոնգ Նգուենի հետ: Դավիթը 2,5 միավորով 26-րդ տեղում է:

Տարիքային այս խմբի աղջիկների մրցաշարում Արփինե Գրիգորյանը հաղթեց ռուսաստանցի ՖԻԴԵ-ի վարպետ Աննա Աֆանասևային: Այս հաղթանակի շնորհիվ Արփինեն վաստակեց 2,5 միավոր և տեղափոխվեց 18-րդ հորիզոնական:

Հայ շախմատիստներից հաջող ելույթները շարունակեցին նաևՄ-18 մրցաշարում հանդես եկող Մանուել Պետրոսյանն ու Արամ Հակոբյանը, որոնք 3-րդ հաղթանակները տոնեցին:  Մանուելի մրցակիցը ղազախ միջազգային վարպետ Զանատ Սայինն էր, իսկ Արամը մրցեց Գերմանիան ներկայացնող Դմիտրի Կոլարսի հետ: 4 տուրից հետո Մանուել Պետրոսյանն ու Արամ Հակոբյանը 3,5 միավորով ռուսաստանցի Մաքսիմ Վավուլինի և մադագասկարցի Անտենաին Ռակոտոմահարոյի հետ գլխավորում են մրցաշարային աղյուսակը: Վիճակահանության քմահաճույքով հայ շախմատիստները 5-րդ տուրում մրցելու են միմյանց հետ:

Տուրը հաղթական էր նաև մինչև 18 տարեկան աղջիկների մրցաշարում հանդես եկող Սիրանուշ Ղուկասյանի համար, ով առավելության հասավ լատվիացի Մարգարիտա Պարխոմենկոյի նկատմամբ: Սիրանուշը 3 միավորով 8-րդ տեղում է և ընդամենը կես միավորով է հետ մնում 4 առաջատարներից:

Մ-14 մրցաշարում 3-րդ անընդմեջ հաղթանակը տոնեց Շանթ Սարգսյանը՝ սևերով առավելության հասնելով չինացի Յունֆենգ Ժոուի նկատմամբ: Արթուր Դավթյանն էլ հաղթանակած դուրս եկավ ֆրանսիացի Ալբերտ Տոմասի հետ մրցապայքարից: Մեր երկու շախմատիստներն էլ 3-ական միավոր են վաստակել՝ մեկ միավորով հետ մնալով առաջատարի դերը ստանձնած ռուսաստանցիներ Անդրեյ Եսիպենկոյից և Սեմյոն Լոմասովից:

Աղջիկների մրցաշարում վերջապես առաջին հաղթանակը տոնեց Քրիստինե Սմբատյանը, ով սպիտակներով խաղում էր ռուսաստանցի Դայանա Նասիբուլինայի հետ: Քրիստինեն վաստակեց 1,5 միավոր:

  • 3

Մարմնամարզության ԵԱ. Արթուր Դավթյանը 5-րդ տեղն է զբաղեցնում հենացատկ վարժությունում

Արթուր Դավթյանը 6-րդն է մարմնամարզության Եվրոպայի առաջնությունում

Մարմնամարզության ԵԱ. 4 մարզիկ եզրափակչի ուղեգիր է նվաճել

Վաղը հայ մարմնամարզիկները կմեկնարկեն Եվրոպայի առաջնությունում

Սամվել Տեր-Սահակյանն արժանացավ գլխավոր մրցանակին

Արամ Հակոբյանն ու Արա Նիգոյանը միացել են «Բանանցի» մարզչական շտաբին

Աշխարհի  գավաթ. Հայաստանը 2-րդն է մեդալային հաշվարկում

Աշխարհի գավաթ. Արթուր Դավթյանը՝ արծաթե մեդալակիր

Աշխարհի գավաթ. Թովմասյանը ոսկե մեդալ է նվաճում, Դավթյանը՝ բրոնզե

Աշխարհի գավաթ. Արթուր Դավթյանը ևս 2 եզրափակչի ուղեգիր է նվաճում

Աշխարհի գավաթ. Արթուր Դավթյանը, Արթուր Թովմասյանը և Վահագն Դավթյանը եզրափակչում են

Միջազգային վարպետները գերազանցեցին գրոսմայստերներին

Վահե Բաղդասարյանին շնորհվեց գրոսմայստերի կոչում

Հայտնի են Եվրոպայի առաջնությանը Հայաստանը ներկայացնող մարմնամարզիկների անունները

Հայտնի են մարմնամարզության Հայաստանի առաջնության հաղթողները

Ուժեղագույնների մրցաշարում առավել հաջողը Սերգեյ Մովսիսյանի ելույթն էր