Լրացուցիչ

Ընտրել լեզուն

Հայկ Մարտիրոսյանը՝ Հայաստանի առաջին խմբի առաջնության հաղթող

Տիգրան Պետրոսյանի անվան շախմատիստի տանն ավարտվեց շախմատի Հայաստանի առաջին խմբի 77-րդ առաջնությունը, որում մասնակից 14 շախմատիստները բացի մրցանակային տեղերից, վիճարկում էին նաև հաջորդ տարի կայանալիք բարձրագույն խմբի մրցաշարի 3 ուղեգրերը:

Ավարտական՝ 13-րդ տուրից առաջ չեմպիոնի կոչմանը հավակնում էին մրցաշարի միանձնյա առաջատար Հայկ Մարտիրոսյանը և նրան կես միավոր զիջող Տիգրան Հարությունյանը: Սակայն վերջինս ինչպես նախորդ տուրում, այս անգամ էլ կարճատև պայքարից հետո արդեն 11-րդ քայլին հաշտություն կնքեց Նորայր Թորոսյանի հետ, վաստակեց 9 միավոր, ինչը բավարար էր բարձրագույն խմբի ուղեգրի նվաճման համար, ու վերածվեց հանդիսատեսի:

Այնպես որ Հայկ Մարտիրոսյանին չեմպիոնի տիտղոսը նվաճելու համար բավարար էր նույնիսկ ոչ-ոքի ավարտել պարտիան Դավիթ Քալաշյանի հետ: Այդպես էլ եղավ: 30-րդ քայլին նա հաշտություն կնքեց  մրցակցի հետ և 9,5 միավորով դարձավ առաջին խմբի առաջնության հաղթող:

Մրցանակային 3-րդ տեղը գրավեց ու 3–րդ ուղեգիրը նվաճեց Մանուել Պետրոսյանը, ով հաղթելով մրցաշարի բացահայտ հետնապահ Կարեն Հովհաննիսյանին, վաստակեց 8,5 միավոր:

Տուրի մյուս պարտիաներում գրանցվեցին այսպիսի արդյունքներ. Ռաֆայել Բակունց-Արամ Հակոբյան՝  0:1, Արման Միքայելյան-Հովիկ Հայրապետյան՝ 0:1, Շանթ Սարգսյան-Արմենակ Եղիազարյան՝ 0:1, Լևոն Բաբուջյան-Դավիթ Շահինյան՝ 0,5:0,5: Ի դեպ, Բաբուջյանի և Շահինյանի մրցավեճը վերջինն ավարտվեց: Մրցակիցները հաշտություն կնքեցին 112-րդ քայլին:

Եվ այսպես, 4-14-րդ հորիզոնականներում առաջնության մասնակիցները դասավորվեցին հետևյալ հերթականությամբ.

4.Հովիկ Հայրապետյան՝ 8

5.Արման Միքայելյան՝  7,5

6.Արամ Հակոբյան` 7

7.Արմենակ Եղիազարյան՝ 6,5

8.Դավիթ Շահինյան՝ 6,5

9.Ռաֆայել Բակունց` 6,5

10.Դավիթ Քալաշյան` 6,5

11.Լևոն Բաբուջյան՝ 5

12.Նորայր Թորոսյան` 5

13.Շանթ Սարգսյան՝ 4

14.Կարեն Հովհաննիսյան` 1,5


Հայ սամբիստները 12 մեդալ են նվաճել Եվրոպայի առաջնությունում

Սամվել Տեր-Սահակյանն արժանացավ գլխավոր մրցանակին

Արամ Հակոբյանն ու Արա Նիգոյանը միացել են «Բանանցի» մարզչական շտաբին

Միջազգային վարպետները գերազանցեցին գրոսմայստերներին

Վահե Բաղդասարյանին շնորհվեց գրոսմայստերի կոչում

Ուժեղագույնների մրցաշարում առավել հաջողը Սերգեյ Մովսիսյանի ելույթն էր

Տուրը հաղթական էր միայն Տիգրան Հարությունյանի համար

Հայաստանցի շախմատիստներից հաղթեց միայն Մանուել Պետրոսյանը

Տիգրան Հարությունյանն առաջին հաղթանակը տոնեց

Սերգեյ Մովսիսյանը մոտեցավ առաջատարների խմբին

Հայկ Մարտիրոսյանն անդրանիկ հաղթանակը տոնեց

Սերգեյ Մովսիսյանը շարունակում է առաջատարների հետապնդումը

Մեկնարկում միայն Սերգեյ Մովսիսյանը հաղթանակ տոնեց

Զավեն Անդրիասյանը կրկին նվաճեց շախմատի ակադեմիայի գավաթը

Տիգրան Հարությունյանը մեկ միավորով զիջեց հաղթողին

Երեք հայ շախմատիստներ կմասնակցեն Լիսաբոնի մրցաշարին