Բաժիններ

Լրացուցիչ

Ընտրել լեզուն

Հայաստանի հավաքականը նոր հակառեկորդ սահմանեց ընտրական մրցաշարերում

Ռումինացիներից 0:5 ջախջախիչ հաշվով կրած պարտությունն ամենախոշորն էր Հայաստանի հավաքականի համար ընտրական մրցախաղերում, ինչպես նաև սեփական հարկի տակ անցկացրած հանդիպումներում: Մինչ այդ ընտրական մրցախաղերում մեր հավաքականն ամենախոշոր հաշվով պարտությունը կրել էր 1996թ. հոկտեմբերի 9-ին` «Հրազդանում» 1:5 հաշվով զիջելով Գերմանիայի ընտրանուն: Դա պաշտոնական մրցումներում մեր հավաքականի կրած խոշոր հաշվով անդրանիկ պարտությունն էր:

4 անգամ էլ ընտրական մրցախաղերում մեր ֆուտբոլիստները մրցակիցներին զիջել են 0:4 հաշվով (10.09.1997. Գերմանիա, ԱԱ, 28.03.2001. Լեհաստան, ԱԱ, 11.10.2003. Իսպանիա, ԵԱ, 10.09.2008. Իսպանիա, ԱԱ):

Ռումինացիների հետ հանդիպման առաջին խաղակեսում Արսեն Բեգլարյանի դարպասում 4 գնդակ հայտնվեց: Նախկինում նման բան պատահել էր միայն 1996թ. Մարոկկոյի հավաքականի հետ անցկացրած ընկերական խաղում, որում ՀՀ հավաքականը պարտվել էր 0:6 հաշվով: Սակայն մարոկկացիներից առաջին խաղակեսում 4 գոլ խփելու համար 39 րոպե էր պահանջվել, մինչդեռ ռումինացիներն արդեն 29-րդ րոպեին խաղը շահում էին 4:0 հաշվով:

Իսկ ընդհանրապես մեկ խաղակեսում բաց թողած գոլերի քանակով ռեկորդային էր 2014թ. Մայնցում Գերմանիայի հավաքականի հետ կայացած ընկերական հանդիպումը (1:6), որում գերմանացիները բոլոր 6 գոլերն էլ Ռոման Բերեզովսկու դարպասն էին խփել 2-րդ խաղակեսում:

Ընդհանուր առմամբ հայ ֆուտբոլիստները սեփական հարկի տակ խոշոր հաշվով 10 պարտություն են կրել, որից 8-ն ընտրական մրցախաղերում:

19. Romania's last goal - VivaroNews.am

Մեր ֆուտբոլիստները 2-րդ անգամ ռումինացիներին պարտվեցին խոշոր հաշվով: Նման կարգի առաջին պարտությունը ՀՀ հավաքականը կրել էր հոլանդացի Հենկ Վիսմանի օրոք՝ 2005թ. հունիսի 8-ին Կոնստանցայում կայացած աշխարհի առաջնության ընտրական մրցախաղում մրցակցին զիջելով 0:3 հաշվով:

Ռումինացիներից կրած խոշոր հաշվով պարտությունը 5-րդն էր Վարուժան Սուքիասյանի օրոք: Նրա գլխավորությամբ մեր հավաքականը 2002թ. աշխարհի առաջնության ընտրական մրցաշարում նման կարգի 3 պարտություն էր կրել՝ հյուրընկալվելիս 0:4 հաշվով զիջելով լեհերին, 3 անպատասխան գնդակ ընդունելով ուկրաինացիներից, սեփական հարկի տակ էլ 1:4 հաշվով պարտվելով նորվեգացիներին:

Հայաստանի հավաքականն անցկացրած 180 հանդիպումներում խոշոր հաշվով 30-րդ պարտությունը կրեց: Դրանցից 19-ը գրանցվել են ընտրական մրցախաղերում, 11-ը` ընկերական հանդիպումներում:

Խոշոր հաշվով անդրանիկ պարտությունը ՀՀ հավաքականը կրել է անցկացրած 14-րդ խաղում` 1996թ. հունվարի 17-ին ֆրանսիական Վիտրոլես քաղաքում կայացած ընկերական մրցավեճում 0:6 հաշվով զիջելով Մարոկկոյի հավաքականին: Այդ խաղում հավաքականը գլխավորում էր Խորեն Հովհաննիսյանը:

 Նրա օրոք մեր ֆուտբոլիստներն առավել հաճախ են պարտվել խոշոր հաշվով` կրելով այդ կարգի 7 պարտություն: Ընդ որում հենց Հովհաննիսյանի օրոք է մեր հավաքականը կրել իր ամենախոշոր հաշվով պարտությունները` 1997թ. միևնույն 0:7 հաշվով զիջելով Չիլիի և Վրաստանի ընտրանիներին:

ՀՀ հավաքականի խոշոր հաշվով պարտությունները գրանցվել են 21 ընտրանիների հետ հանդիպումներում: Առավել հաճախ` 4 անգամ մեր ֆուտբոլիստները խոշոր հաշվով զիջել են չեխերին, 3-ական անգամ էլ պարտվել են իսպանացիներին և գերմանացիներին:

VivaroNews.am-ը ներկայացնում է Հայաստանի հավաքականի կրած խոշոր հաշվով պարտությունների ցանկը:

Ամսաթիվ Մրցավայր Մրցակից Հաշիվ Մրցախաղ
17.01.1996 Վիտրոլես Մարոկկո 0:6 Ը
20.06.1996 Լիմա Պերու 0:4 Ը
30.06.1996 Պորտովիեխո Էկվադոր 0:3 Ը
09.10.1996 Երևան Գերմանիա 1:5 ԱԱ
04.01.1997 Վինյա դել Մար Չիլի 0:7 Ը
30.03.1997 Թբիլիսի Վրաստան 0:7 Ը
10.09.1997 Դորտմունդ Գերմանիա 0:4 ԱԱ
27.03.1999 Երևան Ռուսաստան 0:3 ԵԱ
28.03.2001 Վարշավա Լեհաստան 0:4 ԱԱ
05.09.2001 Լվով Ուկրաինա 0:3 ԱԱ
06.10.2001 Երևան Նորվեգիա 1:4 ԱԱ
02.04.2003 Լեոն Իսպանիա 0:3 ԵԱ
11.10.2003 Երևան Իսպանիա 0:4 ԵԱ
18.08.2004 Սկոպիե Մակեդոնիա 0:3 ԱԱ
13.10.2004 Երևան Չեխիա 0:3 ԱԱ
08.06.2005 Կոնստանցա Ռումինիա 0:3 ԱԱ
07.09.2005 Օլոմոուց Չեխիա 1:4 ԱԱ
11.10.2006 Բելգրադ Սերբիա 0:3 ԵԱ
17.10.2007 Բրյուսել Բելգիա 0:3 ԵԱ
10.09.2008 Ալբասետե Իսպանիա 0:4 ԱԱ
15.10.2008 Զենիցա Բոսնիա 1:4 ԱԱ
12.08.2009 Երևան Մոլդովա 1:4 Ը
10.08.2011 Կաունաս Լիտվա 0:3 Ը
26.03.2013 Երևան Չեխիա 0:3 ԱԱ
06.06.2014 Մայնց Գերմանիա 1:6 Ը
14.10.2014 Երևան Ֆրանսիա 0:3 Ը
08.10.2015 Նիցցա Ֆրանսիա 0:4 Ը
11.10.2015 Երևան Ալբանիա 0:3 ԵԱ
31.08.2016 Մլադա Բոլեսլավ Չեխիա 0:3 Ը
08.10.2016 Երևան Ռումինիա 0:5 ԱԱ

Աշոտ Հայրապետյան


Արմեն Համբարձումյան. «Իմ առջև նպատակ եմ դրել ամրապնդվելու Հայաստանի հավաքականում»

Դավիթ Յուրչենկոն ու ևս 15 ֆուտբոլիստ հրավիրվել են Հայաստանի ազգային հավաքական

FAF-ը հրավիրում է միանալու ուղևորությանը և աջակցելու Հայաստանի հավաքականին Չեռնոգորիայում

ՀՖՖ-ն նվազեցրել է տոմսերի գները Հայաստանի հավաքականի առաջիկա ընկերական խաղի համար

Իրանի փոխչեմպիոն Հրայր Մկոյանը և ՀՖՖ-Դավիթ Յուրչենկո երկխոսությունը. Օրվա գլխավոր լուրերի քրոնիկոնը

Դեյան Ստանկովիչ. «Շատ տպավորված եմ Հայաստանի հավաքականի ցուցադրած խաղից»

7 տարի անց Բրազիլիայի հավաքականը գլխավորեց ՖԻՖԱ-ի դասակարգման աղյուսակը

Հովհաննես Համբարձումյանի վնասվածքը լուրջ չէ

Գևորգ Ղազարյանը բժշկական հետազոտություն է անցնում

Վլադիմիր Ֆոմիչև. «Եթե Մխիթարյանը չլիներ, ապա Ղազախստանի հավաքականը պարտավոր էր հաղթել ներկայիս Հայաստանի թիմին»

8 տարի առաջ այս օրը, Հենրիխ Մխիթարյանը խփեց իր առաջին գոլը Հայաստանի հավաքականի կազմում (տեսանյութ)

Ինչպես է ողջ Հանրապետականը բացականչում «ՀԵՆՈ» (տեսանյութ)

Սերգեյ Մալիյ. «Միայն ես եմ մեղավոր Հայաստանի հավաքականից կրած պարտության համար»

Տարոն Ոսկանյան. «Ղազախները կարմիր քարտ ստացան մեր հավաքականի ջանքերի շնորհիվ»

Արաս Օզբիլիս. «Խաղում ենք երկրպագուների համար և սիրում ենք նրանց» (տեսանյութ)

Գաել Անդոնյան. «Անցյալի սխալների փոխարեն մտածում եմ հաջողակ ապագայի մասին» (տեսանյութ)