Լրացուցիչ

Ընտրել լեզուն

Հայ շախմատիստներից 4-ը շարունակեցին հաղթարշավը

Խանտի Մանսիյսկում ընթացող շախմատի աշխարհի պատանեկան առաջնության 2-րդ տուրում իրենց պարտիաները հաղթանակով ավարտեցին հայ շախմատիստներից 5-ը: Հատկապես հաջող հանդես եկան մինչև 18 տարեկանների մրցաշարում հանդես եկող Հայաստանի երեք ներկայացուցիչները, որոնք շարունակեցին հաղթարշավը: Նրանք բոլորն էլ խաղում էին սպիտակ խաղաքարերով:

Մանուել Պետրոսյանը հաղթեց իսրայելցի ՖԻԴԵ-ի վարպետ Արիել Էրենբերգին, Արամ Հակոբյանը պարտության մատնեց ավստրալացի Պատրիկ Գոնգին, իսկ Սիրանուշ Ղուկասյանն առավելության հասավ մոնղոլ միջազգային վարպետ Ուրինթույա Ուրթսաիխի նկատմամբ:

Պատանիների մրցաշարում 2-ական միավոր են վաստակել 6 շախմատիստներ: Լրացուցիչ գործակիցներով Արամ Հակոբյանը 2-րդ տեղում է, իսկ Մանուել Պետրոսյանն ընթանում է 4-րդ հորիզոնականում:

Աղջիկների մրցաշարում 2-ական միավորով ևս առաջատարները վեցն են: Սիրանուշը զբաղեցնում է 6-րդ տեղը:

Մ-16 մրցաշարում Դավիթ Միրզոյանն ու Հայկ Մարտիրոսյանը մրցեցին միմյանց հետ: Հաջողությունն ուղեկցեց Հայկին, ով տոնելով երկրորդ հաղթանակը, 15 առաջատարների ցանկում զբաղեցնում է 12-րդ տեղը: Դավիթը մեկ միավորով 36-րդ տեղում է:

Տարիքային նույն խմբի աղջիկների մրցավեճում Արփինե Գրիգորյանը հաղթական մեկնարկից հետո առաջին պարտությունը կրեց չինացի Լան Յաոյի հետ պարտիայում: Նա մեկ միավորով 23-րդ տեղում է:

Մ-14 մրցաշարում անհաջող մեկնարկից հետո առաջին հաղթանակը տոնեց Շանթ Սարգսյանը՝ սպիտակներով առավելության հասնելով ռուսաստանցի Եգոր Բալաշովի նկատմամբ: Իսկ ահա մրցաշարը հաղթանակով սկսած Արթուր Դավթյանը սպիտակներով պարտվեց հնդիկ Բհավիկ Բհարամբեին: Մեր երկու շախմատիստներն էլ մեկական միավոր են վաստակել:

Աղջիկների մրցաշարում Քրիստինե Սմբատյանը սևերով պարտվեց չեխ Աննա Կուբովային: Քրիստինեն կես միավորով 55-րդ տեղում է:


Սամվել Տեր-Սահակյանն արժանացավ գլխավոր մրցանակին

Արամ Հակոբյանն ու Արա Նիգոյանը միացել են «Բանանցի» մարզչական շտաբին

Միջազգային վարպետները գերազանցեցին գրոսմայստերներին

Վահե Բաղդասարյանին շնորհվեց գրոսմայստերի կոչում

Ուժեղագույնների մրցաշարում առավել հաջողը Սերգեյ Մովսիսյանի ելույթն էր

Տուրը հաղթական էր միայն Տիգրան Հարությունյանի համար

Հայաստանցի շախմատիստներից հաղթեց միայն Մանուել Պետրոսյանը

Տիգրան Հարությունյանն առաջին հաղթանակը տոնեց

Սերգեյ Մովսիսյանը մոտեցավ առաջատարների խմբին

Հայկ Մարտիրոսյանն անդրանիկ հաղթանակը տոնեց

Սերգեյ Մովսիսյանը շարունակում է առաջատարների հետապնդումը

Մեկնարկում միայն Սերգեյ Մովսիսյանը հաղթանակ տոնեց

Զավեն Անդրիասյանը կրկին նվաճեց շախմատի ակադեմիայի գավաթը

Հայաստանի նոր չեմպիոնը Հովհաննես Գաբուզյանն է

Մարիա Գևորգյանը պահպանեց չեմպիոնուհու իր տիտղոսը

Տղամարդկանց մրցաշարում մթնոլորտը շիկացած է, կանանց մրցավեճում իրադրությունը պարզվեց