Լրացուցիչ

Ընտրել լեզուն

Հայ շախմատիստների հաղթական մեկնարկը

Գաբրիել Սարգսյան

Հայաստանի տղամարդկանց հավաքականի անդամներ Գաբրիել Սարգսյանը, Սերգեյ Մովսիսյանն ու Հրանտ Մելքումյանը հաղթանակով մեկնարկեցին Անգլիայում սկսված «Այլ օֆ Մեն» միջազգային մրցաշարում, որին մասնակցում են 132 շախմատիստներ:

Գաբրիել Սարգսյանը սևերով հաղթեց գերմանացի Դիտմար Կոլբուսին, Սերգեյ Մովսիսյանն առավելության հասավ իտալացի Պաոլո Ֆորմենտոյի նկատմամբ, իսկ Հրանտ Մելքումյանը պարտության մատնեց հոլանդացի Մարսել Փիկին:

Մրցաշարի գլխավոր մրցանակը 12 հազար ֆունտ ստեռլինգ է:  6 հազար կստանա երկրորդ մրցանակակիրը, 4 հազար՝ 3-րդ տեղը զբաղեցրած շախմատիստը: Մրցանակները նախատեսված են 1-9-րդ տեղերը գրաված շախմատիստների համար: 9-րդ տեղը գրաված մասնակցի պարգևը 1000 ֆունտ ստեռլինգ է: