Լրացուցիչ

Ընտրել լեզուն

Գոռ Մալաքյան. «Պետք է քրտնաջան մարզվես, որպեսզի խաղադաշտում քեզ լավ զգաս»

«Ստալը» Թուրքիայի ուսումնամարզական հավաքի շրջանակներում ոչ-ոքի է ավարտել «Բոտևի» հետ ընկերական հանդիպումը: Հայաստանի հավաքականի կիսապաշտպան Գոռ Մալաքյանը, ով մասնակցել է երկրորդ խաղակեսին, կիսվել է տպավորություններով:

-Լավ հանդիպում էր, մրցակիցը բավական ուժեղ էր: Կարող էինք և՛ հաղթել, և՛ պարտվել: Մենք ունեինք առավելություն, ավելի շատ վտանգավոր պահեր, իսկ մրցակիցն էլ չիրացրեց 11-մետրանոց հարվածը:

Քո անձնական ելույթից գո՞հ ես:

-Ընդհանուր առմամբ, ոչ այդքան, քանի որ դեռ պատրաստ չեմ 100 տոկոսով: Բայց ես վստահ եմ, որ առաջնության մեկնարկին ամեն ինչ նորմալ կլինի, և լավ մարզավիճակ կհավաքեմ:

Թիմը ներկա պահին որքանո՞վ է պատրաստ առաջնության երկրորդ հատվածին:

-Առայժմ լիովին պատրաստ չենք: Հենց դրա համար էլ հիմա քրտնաջան աշխատում ենք, որպեսզի մրցաշրջանի մեկնարկին խնդիրներ չունենանք:

Նոր մարզչական շտաբի գալու հետ փոփոխություններն արդեն նկատելի՞ են:

-Այո: Թիմը գլխավորել է լավ և փորձառու մարզիչ, հասկանալի է, թե ինչ է պահանջում կոնկրետ ինձնից և, առհասարակ, թիմից: Նախապատրաստական փուլում արդեն նկատելի են փոփոխությունները:

Որքանո՞վ է դժվար հանդիպումներ անցկացնել ծանրաբեռնված մարզումների պայմաններում:

-Իհարկե, հավաքների ժամանակ դժվար է, քանի որ ծանրաբեռնվածությունը մեծ է, օրական 2 մարզում ենք անցկացնում: Դրանցից հետո խաղալը հեշտ չէ, բայց հավաքները հենց դրա համար էլ անհրաժեշտ են: Կարծում եմ՝ հավաքներից հետո լիովին պատրաստ կլինենք պաշտոնական հանդիպումներին:

Արձակուրդների ժամանակ հասցրի՞ր կարոտել ֆուտբոլը:

-Այո, մենք մեկ ամիս արձակուրդում էինք և, բնականաբար, կարոտել էինք մարզվելուն և խաղալուն:

Այս հատվածում ավելի հաճելի է մարզվե՞լը, թե՞ ընկերական հանդիպումներ անցկացնելը:

-Ինչպես յուրաքանչյուր ֆուտբոլիստի, ինձ նույնպես ավելի հաճելի է խաղ անցկացնելը: Բայց պետք է քրտնաջան մարզվես, որպեսզի խաղադաշտում քեզ լավ զգաս:


Էդգար Մալաքյանը գոլային փոխանցման հեղինակ է դարձել «Ստալի» կազմում (տեսանյութ)

Էդգար Մալաքյան. ««Ստալում» ամեն ինչ կարգին է, և մենք որևէ դժգոհություն չունենք»

Էդգար Մալաքյան. «Ցանկացած ֆուտբոլիստի էլ խաղալն ավելի հաճելի է, քան մարզվելը»

Մերոնք դրսում. Ի՞նչ է սպասվում հայ ֆուտբոլիստներին այս շաբաթ

Ռուսլան Կորյանը միացել է Հայաստանի հավաքականին

Էդգար Մալաքյան. «Կարևոր է որակապես լավ պատրաստվել մրցաշրջանին»

Գոռ Մալաքյանը Ուկրաինայի առաջնության տուրի խորհրդանշական հավաքականում է

«Ստալը» հաղթեց. Մալաքյան եղբայրները մասնակցեցին ամբողջ խաղին

Կադիմյանի ու Մալաքյանների թիմերը պարտություն են կրել

«Ստալ»-«Մետալիստ». Մալաքյանները մասնակցեցին հանդիպմանը

«Ստալ» 3-3 «Շախտյոր». Էդգար Մալաքյանը՝ գոլային փոխանցման հեղինակ

«Վորսկլա»-«Ստալ». Էդգար Մալաքյանը մասնակցեց ողջ հանդիպմանը

Մ21. Հայաստան 1-3 Դանիա

Գոռ Մալաքյան. «Ամեն ինչ պատրաստ եմ անել, որ արդարացնեմ սպասելիքները»

«Ստալը» հաղթանակ տարավ. Մալաքյան եղբայրները մեկնարկային կազմում էին

Վան Դեր Մեյեր. «Մալաքյան եղբայրները իսկական բացահայտում են»