Լրացուցիչ

Ընտրել լեզուն

Ղարամյանը քառորդ եզրափակչում է, իսկ Անդրիասյանը դուրս մնաց պայքարից

Զավեն Անդրիասյան

Ֆրանսիական Բաստիա քաղաքում ավարտվեց շախմատի Corsican Circuit մրցաշարի առաջին փուլը, որի արդյունքներով 12 լավագույն շախմատիստները շարունակեցին պայքարը արագ շախմատի մրցաշարում: Նրանց թվում են Զավեն Անդրիասյանն ու Տիգրան Ղարամյանը:

9-րդ տուրում հայ շախմատիստներն իրենց պարտիաներն ավարտեցին ոչ-ոքի: Զավենը խաղում էր Դանիել Վոկատուրոյի հետ, իսկ Ղարամյանի մրցակիցը Մադս Հանսենն էր: Անդրիասյանը մրցաշարն անցկացնելով առանց պարտության, 6 միավորով զբաղեցրեց 5-րդ տեղը, իսկ Տիգրանը 5,5 միավորով հանգրվանեց 10-րդ հորիզոնականում: 1-ին տեղը 7 միավորով զբաղեցրեց Անտոն Կորոբովը, որից կեսական միավորով հետ մնացին Ալեքսանդր Մոիսեենկոն և Միխայիլ Անտիպովը:

Արագ շախմատի մրցաշարում 12 մասնակիցներին միացան աշխարհի նախկին չեմպիոն Վիշվանաթան Անանդը, Մաքսիմ Վաշիե-Լագրավը, Թեյմուր Ռաջաբովն ու Հոու Յիֆանը:

Վիճակահանությամբ 1/8 եզրափակչում Զավեն Անդրիասյանի մրցակիցն ուկրաինացի գրոսմայստեր Վլադիմիր Օնիշչուկն էր: Ցավոք, հայ շախմատիստն արագ շախմատի 2 պարտիաներում էլ զիջեց մրցակցին ու դուրս մնաց հետագա պայքարից:

Իսկ ահա Տիգրան Ղարամյանը հաջողությամբ հաղթահարեց 1/8 եզրափակչի արգելքը: Իտալացի Դանիել Վոկատուրոյի հետ անցկացրած առաջին պարտիայում Տիգրանը հաղթեց, երկրորդում՝ պարտվեց: Հաջորդ երկու պարտիաներում հայ շախմատիստն առավելության հասավ մրցակցի նկատմամբ ու մտավ քառորդ եզրափակիչ: Այդ փուլում Ղարամյանը կմրցի աշխարհի նախկին չեմպիոն Վիշվանաթան Անանդի հետ, ով 2 պարտիաներում էլ հաղթել էր հոլանդացի Կոեն Լենհաուտսին:

Քառորդ եզրափակչում զույգեր են կազմել նաև Մաքսիմ Վաշիե-Լագրավն ու Վլադիմիր Օնիշչուկը, Հոու Յիֆանն ու Անտոն Կորոբովը, Թեյմուր Ռաջաբովն ու Ալեքսանդր Մոիսեենկոն:


Անդրիասյանն ու Ղարամյանն անպարտելի մնացին

Միջազգային վարպետները գերազանցեցին գրոսմայստերներին

Զավեն Անդրիասյանը կրկին նվաճեց շախմատի ակադեմիայի գավաթը

Զավեն Անդրիասյանն արժանացավ Երևանի քաղաքապետի գավաթին

Հայաստանի նոր չեմպիոնը Հովհաննես Գաբուզյանն է

Տղամարդկանց մրցաշարում մթնոլորտը շիկացած է, կանանց մրցավեճում իրադրությունը պարզվեց

Տղամարդկանց մրցաշարում քառիշխանություն է, կանանց մրցավեճում միանձնյա առաջատարը Սիրանուշ Ղուկասյանն է

Պատանիների աշխարհի չեմպիոնը հաղթեց Հայաստանի գործող չեմպիոնին ու գլխավորեց աղյուսակը

5-րդ տուրն ի հայտ բերեց մրցաշարերի միանձնյա առաջատարներին

Հայաստանի առաջնություն. Առաջատարներն առաջին կես միավորները կորցրին

Զավեն Անդրիասյանն ու Մարիամ Ավետիսյանը ստանձնեցին միանձնյա առաջատարի դերը

Գործող չեմպիոններն առաջնությունը սկսեցին հաղթանակով

Զավեն Անդրիասյանն արժանացավ 550 եվրո դրամական պարգևի

Զավեն Անդրիասյանն առաջատարների խմբում է

Հայ շախմատիստները մնացին առանց պարգևների

Զավեն Անդրիասյանն ու Սերգեյ Մովսիսյանն առաջատարին զիջում են 1,5 միավորով