Լրացուցիչ

Ընտրել լեզուն

«Դեգերողները». Ովքե՞ր են Բարձրագույն խմբում ամենից հաճախ թիմեր փոխած ֆուտբոլիստները

Y5wNOXo9 - «Դեգերողները». Ովքե՞ր են Բարձրագույն խմբում ամենից հաճախ թիմեր փոխած ֆուտբոլիստները

VivaroNews.am-ը պարբերաբար ներկայացրել է ՀՀ առաջնություններում միևնույն թիմի կազմում երկար տարիներ հանդես եկած ֆուտբոլիստների ցանկը, որոնք հավատարմորեն պաշտպանել են իրենց համար հարազատ դարձած ակումբի պատիվը: Նրանցից ոմանք ֆուտբոլային ողջ կարիերան անցկացրել են բարձրագույն խմբի առաջնության մասնակից միայն մեկ թիմում:

Իսկ ովքե՞ր են ՀՀ առաջնությունների 25-ամյա պատմության ընթացքում առավել հաճախակի թիմից թիմ տեղափոխվել: Նրանց թիվն անհամեմատ ավելի մեծ է: Հարկ է նշել, որ տեղափոխությունների մի մասը տեղի է ունեցել անկախ ֆուտբոլիստների ցանկությունից, քանի որ այս 25 տարիների ընթացքում բարձրագույն խմբում հանդես եկած 43  ակումբներից 37-ը ֆինանսական խնդիրների պատճառով լուծարվել են:

Տեղափոխությունների թվով յուրօրինակ ռեկորդակիրը Հայկ Նարիմանյանն է: 1995-2006թթ. ՀՀ բարձրագույն խմբի առաջնություններում 192 խաղ անցկացրած Նարիմանյանը հասցրել է կրել 13 թիմերի մարզաշապիկները:

 Բարձրագույն խմբում նա իր կարիերան սկսել է 17 տարեկանում՝ «Կոտայք-2-ի» կազմում մասնակցելով 1995թ. գարնանային-անցումային մրցաշարին: Մրցաշրջանի ավարտից հետո այդ թիմի բազայի վրա հիմնվեց «Երևան» ակումբը, որում ընդգրկվեց նաև Նարիմանյանը: Հաջորդ մրցաշրջանում նա արդեն «Կոտայքի» կազմում էր, իսկ 1997թ. առաջնությունն անցկացրեց «Էրեբունի-ՀՄՄ-ում», որում խաղաց նաև հաջորդ տարի:

1999թ. առաջնությունը Նարիմանյանը դիմավորեց «Ղարաբաղում»: Վերջինս 15-րդ տուրից հետո հրաժարվեց առաջնության հետագա մասնակցությունից, ուստի Նարիմանյանը ստիպված էր առաջնության մնացած հատվածն անցկացնել այլ թիմում՝ տեղափոխվելով բարձրագույն խմբում նորամուտը նշող Երևանի «Զվարթնոց»: Հենց այս թիմի կազմում էլ առավել երկար՝ 1999-2000թթ. հանդես եկավ ֆուտբոլիստը՝ մասնակցելով 40 խաղի:

Հետագա տարիներին Նարիմանյանը մեկական մրցաշրջան հանդես եկավ «Սպարտակում», «Բանանցում», «Արաքսում» ու «Միկայում» (2003թ.), «Արարատում», Երևանի «Լեռնագործում» և «Ուլիսում»:

2-րդ ցուցանիշն ունի Անդրանիկ Զանազանյանը, ով 11 մրցաշրջանների ընթացքում նույնքան թիմերի պատիվն է պաշտպանել: Տիգրան Լ. Հովհաննիսյանն ու Արթուր Ս. Մինասյանը հանդես են եկել 10 թիմերի կազմում: Ընդ որում Տիգրան Լ. Հովհաննիսյանը բոլորից երկար՝ 8 տարի (1993-2000թթ.) հանդես է եկել միևնույն թիմում՝ Արարատի «Ցեմենտում», որի կազմում մասնակցել է 154 խաղի, 2 անգամ նվաճել է Հայաստանի չեմպիոնի և գավաթակրի տիտղոսները, մեկական անգամ դարձել է սուպերգավաթակիր և արծաթե մրցանակակիր: Եվ միայն «Ցեմենտի» լուծարումից հետո են սկսվել ֆուտբոլիստի դեգերումները թիմից թիմ:

 8 թիմերում հանդես եկած Սևադա Արզումանյանը 1996/97թթ. առաջնությունում հասցրել է կրել 3 ակումբների մարզաշապիկները: Առաջնությունը նա սկսել էր «Կոտայքում», այնուհետև 3-րդ տուրից հետո տեղափոխվել էր ԲԿՄԱ: Սակայն վերջինս առաջին շրջանի ավարտից հետո լուծարվել էր և Արզումանյանը ելույթները շարունակել էր «Վանում»:

2012/13թթ. առաջնությունում 3 թիմում է հանդես եկել նաև Հովհաննես Գրիգորյանը: Նա առաջնության մեկնարկում հանդես եկավ «Շիրակում», որի հետ պայմանագիրը խզելուց հետո տեղափոխվեց «Ուլիս», իսկ մրցաշարի գարնանային հատվածն անցկացրեց «Արարատում»: Հովհաննես Գրիգորյանը 8  անգամ փոխել է ակումբային գրանցումը:

Տեղափոխությունների առումով հետաքրքիր է նաև Արթուր և Արա Ոսկանյան եղբայրների վիճակագրությունը: Թեև Արան ավագ եղբորից ուղիղ 2 անգամ քիչ հանդիպում է (127) անցկացրել, սակայն նա էլ Արթուրի պես հանդես է եկել 8 թիմերի կազմում:

 Բարձրագույն խմբում նրանք ֆուտբոլային կարիերան սկսել են միևնույն թիմում՝ Էջմիածնի «Զվարթնոցում». Արթուրը՝ 1993թ., Արան՝ հաջորդ մրցաշրջանում: Այնուհետև եղբայրները տեղափոխվել են «Վան»: 1997թ. նրանք կարճ ժամանակով բաժանվեցին. Արթուրը մեկնեց «Ղարաբաղ»: Հաջորդ մրցաշրջանում եղբայրները կրկին միասին էին, այս անգամ՝ արդեն «Ցեմենտում»:

Հետագայում Ոսկանյանները միասին հանդես եկան «Սպարտակում» ու «Բանանցում», ապա կարճ ժամանակով կրկին բաժանվեցին և հանդիպեցին նախ «Փյունիկում», ապա «Արարատում»:

Ընթացիկ առաջնության մասնակիցներից տեղափոխությունների քանակով յուրօրինակ ռեկորդակիրը 36-ամյա Գևորգ Կասպարովն է: Նա հանդես է եկել ՀՀ բարձրագույն խմբի առաջնությունների  մասնակից 7 ակումբներում՝  Արտաշատի «Դվինում», «Ղարաբաղում», Երևանի «Զվարթնոցում», «Միկայում», «Փյունիկում», «Ուլիսում» և «Ալաշկերտում»:

VivaroNews.am-ը ներկայացնում է այն ֆուտբոլիստների ցանկը, որոնք ֆուտբոլային կարիերայում հանդես են եկել բարձրագույն խմբի 8 և ավելի թիմերում՝ նշելով, թե ակումբներից որում է ֆուտբոլիստն ավելի երկար խաղացել, որ թվականներին և քանի խաղ է անցկացրել այդ թիմում:

Ֆուտբոլիստներ Թիմ Խաղ Ակումբ Թվական
1.Հայկ Նարիմանյան 13 192 «Զվարթնոց»՝ 40 1999-2000
2.Անդրանիկ Զանազանյան 11 180 «Կոտայք»՝ 48 1993-1994, 1997
3.Տիգրան Լ. Հովհաննիսյան 10 305 «Ցեմենտ»՝ 154 1993-2000
4.Արթուր Ս. Մինասյան 10 177 «Երևան»՝ 39 1995/96-1996/97, 1998
5.Արթուր Քոչարյան 9 357 «Գանձասար»՝ 94 2006-2007, 2010-2011
6.Կարեն Նավոյան 9 264 «Արարատ»՝ 92 2004, 2008-2009, 2012/13
7.Էդիկ Երիցյան 9 248 «Կոտայք»՝ 86 1993-1997, 2003
8.Աշոտ Գրիգորյան 9 237 «Բանանց»՝ 82 2003-2007
9.Գրիգոր Գրիգորյան 9 221 «Կիլիկիա»՝ 48 2008-2010
10.Արսեն Դալլաքյան 9 184 «Միկա»՝ 52 2000-2002
11.Գոռ Աթաբեկյան 9 162 «Ուլիս»՝ 68 2006-2008
12.Արկադի Չիլինգարյան 9 141 «Միկա»՝ 36 2007-2008
13.Սարգիս Նազարյան 8 299 «Զվարթնոց»՝ 86 1999-2002
14.Կարեն Գրիգորյան 8 256 «Երևան»՝ 74 1995/96-1998
15.Արթուր Ոսկանյան 8 254 «Բանանց»՝ 55 2002, 2009-2011
16.Սևադա Արզումանյան 8 229 «Արարատ»՝ 86 1992-1995/96
17.Նվեր Խաչատրյան 8 220 «Զվարթնոց»՝ 89 1999-2002
18.Արշակ Ամիրյան 8 208 «Արարատ»՝ 95 1996/97-2001
19.Արսեն Այվազյան 8 205 «Արարատ»՝ 96 1994-1997, 2000-2001
20.Հովհաննես Գրիգորյան 8 205 «Բանանց»՝ 81 2005-2009
21.Արա Մարկոսյան 8 202 «Վան»՝ 65 1994-1996/97
22.Գևորգ Միրիջանյան 8 179 «Զվարթնոց»՝ 77 1999-2002
23.Մարատ Մկրտչյան 8 179 «Միկա»՝ 77 2003-2007
24.Ալբերտ Աճեմյան 8 156 «Երևան»՝ 78 1995/96-1999
25.Միխեիլ Սիմոնյան 8 147 «Ուլիս»՝ 47 2006, 2011-2012/13
26.Հայկ Հակոբյան 8 128 «Դվին»՝ 40 1997-1999
27.Արա Ոսկանյան 8 127 «Բանանց»՝ 37 2001-2003

Աշոտ Հայրապետյան


    • Ընթերցեք նաև

Երբ վնասվածք ես ստացել, բայց խաղը քեզ համար բացառիկ է և ունես հպարտանալու առիթ

«Գանձասար-Կապան» – «Շիրակ». Ամենաուշագրավ տեղեկությունները՝ հանդիպմանն ընդառաջ

«Փյունիկ» – «Գանձասար-Կապան». Տեղեկություններ, որոնք մարզադաշտ այցելելու առիթ կդառնան

Ով է առաջնությունում ամենից շատ «չոր» խաղեր անցկացրած դարպասապահը

Պատմական փայլուն նվաճում, որի հեղինակը Հենրիխ Մխիթարյանն է

Ակումբ, որի հետ արտագնա խաղերը պարզապես «անիծված» են «Բանանցի» համար

«Շիրակ» – «Գանձասար-Կապան». Տեղեկություններ, որոնք մարզադաշտ այցելելու առիթ կդառնան

«Գանձասար-Կապան» – «Փյունիկ». Ինչո՞ւ է պետք մարզադաշտից հետևել այս հանդիպմանը

Մինչ օրս անգերազանցելի ռեկորդներ Հայաստանի առաջնության ֆուտբոլիստներից (ՄԱՍ 2)

Մինչ օրս անգերազանցելի ռեկորդներ Հայաստանի առաջնության ֆուտբոլիստներից (ՄԱՍ 1)

«Էրեբունի» ակումբի ներկան և ապագայի ծրագրերը. պարզաբանում է Սևադա Արզումանյանը

Արտակ Եդիգարյանը գերազանցել է Հենրիխ Մխիթարյանի ցուցանիշը. Ովքե՞ր են ամենից շատ գոլ խփել 2017թ.-ին

«Գանձասար-Կապան» – «Շիրակ». Տեղեկություններ, որոնք մարզադաշտ այցելելու առիթ կդառնան

Արթուր Ոսկանյան. «Շատ եմ հավատում մեր երիտասարդներին, բայց նրանք են կորցրել հավատն իրենց նկատմամբ» (տեսանյութ)

Ռումյան Հովսեփյանի գոլը հոբելյանական էր Հայաստանի հավաքականի համար

Արթուր Ոսկանյան. «Եթե տղաները նվիրվեն և հավատան, հաստատ կլինեն հաղթանակներ» (տեսանյութ)