Լրացուցիչ

Ընտրել լեզուն

Դավիթ Հակոբյան. «Անհամբեր սպասում էի հավաքականի հրավերին. ուրախ եմ, որ ստացա այն»

Davit Hakobyan, Armenian national team, FC Shirak

Գյումրիի «Շիրակի» ֆուտբոլիստ Դավիթ Հակոբյանը հայտնվել է այն ֆուտբոլիստների թվում, որոնց Վարուժան Սուքիասյանը հրավիրել է ազգային հավաքական՝ Բելառուսի հետ ընկերական խաղին մասնակցելու համար։ Ռուսաստանի հետ երկու տարի առաջ կայացած ընկերական խաղից հետո սա առաջին անգամն է, ինչ ֆուտբոլիստը հրավիրվել է հավաքական։ Այդ կապակցությամբ Vivaro News-ը հարցազրույց է ունեցել «Շիրակի» ֆուտբոլիստի հետ։

— Նախ և առաջ շնորհավորում ենք Հայաստանի հավաքական հրավիրվելու կապակցությամբ։ Առաջին անգամ եք հրավիրվել Հայաստանի ազգային հավաքական Ռուսաստանի հետ ընկերական խաղից հետո։ Ինչպիսի՞ զգացումներ ունեք։
— Շնորհակալ եմ, երկու տարի առաջ էլ էի հրավիրվել, ու հիմա էլ շատ ուրախ եմ, որ հայտնվել եմ հայտացուցակում, և ամեն ինչ կանեմ, որ արդարացնեմ սպասելիքները։

— Մարզչի փոփոխությունից հետո Վարուժան Սուքիասյանը նշեց, որ «Շիրակից» հավաքականի թեկնածուներ կան։ Սպասու՞մ էիք, որ հենց Դուք կլինեք այն թեկնածուն, ով ի վերջո կհրավիրվի հավաքական։
— Ճիշտն ասած սպասում էի, որ կսստանամ ազգային հավաքականի հրավերը։ Շատ ուրախ եմ, որ սպասելիքներս արդարացան, ու մարզիչը որոշեց հրավիրել ինձ։

— Ի՞նչ կարող է տալ Դավիթ Հակոբյան ֆուտբոլիստը Հայաստանի ազգային հավաքականին, ու ի՞նչ կտա ազգային հավաքականը Դավիթ Հակոբյանին։
— Ես պատրաստ եմ ամեն ինչ անել, որ օգուտ տամ ազգային հավաքականին։ Ինչ վերաբերում է նրան, թե ինչ կտա ինձ հավաքականը, կարծում եմ, որ ամենից առաջ նոր դռներ կբացվեն իմ առաջ։

— «Շիրակի» կազմում խաղացել եք տարբեր դիրքերում՝ թե՛ եզրերում, թե՛ ենթահարձակվողի դիրքում։ Ո՞րն է Ձեր համար իդեալական դիրքը, որում և կուզեիք խաղալ հավաքականի կազմում։
— Ես ավելի շատ սիրում եմ խաղալ ենթահարձակվողի դիրքում, բայց եզրերում խաղալուն էլ դեմ չեմ, այնպես որ կխաղամ այնտեղ, որտեղ անհրաժեշտ լինի թիմին։

— Ի՞նչ է պետք անել ազգային հավաքականից հրավեր ստանալու համար։
— Կարծում եմ, որ ամենակարևորը ակումբային մակարդակում աչքի ընկնելն է ու ստաբիլ խաղային պրակտիկա ունենալը։ Այս գործոնները շատ մեծ դեր են խաղում։

— «Շիրակը» ընթացիկ մրցաշրջանի երկրոդ հատվածը սկսեց պարտությամբ, ու ընդհանրապես, թիմի խաղն այս մրցաշրջանում այնքան էլ չի գոհացնում։ Ի՞նչն է պակասում թիմին։
— Մենք շատ լավ խաղացինք «Միկայի» դեմ, ու կարծում եմ՝ արժանի չէինք պարտության, բայց ֆուտբոլում շատ են պատահում այդպիսի բաներ, ու մենք փորձում ենք ամեն ինչ անել յուրաքանչյուր խաղում հաղթանակ տանելու համար։

— Եվ վերջում, ի՞նչ նպատակ եք դրել Ձեր առաջ թիմային ու անհատական մակարդակներով ընթացիկ մրցաշրջանում։
— Ցանկանում եմ լավ հանդես գալ ու օգուտ տալ իմ թիմին ինչքան հնարավոր է շատ։

Զրուցեց Գևորգ Լոռեցյանը

Լուսանկարները՝ ֆուտբոլիստի անձնական արխիվից

  • 6

Արամ Ոսկանյան. «Ինձ համար շատ ծանր է, քանի որ թիմի 9 ֆուտբոլիստներ վնասվածքներ ունեն»

Վարդան Բիչախչյան. «Արդեն աբսուրդի է վերածվում՝ գոլային պահերի գոնե 30%-ը չենք իրացնում»

«Շիրակ» – «Բանանց»՝ 1-0. «Ավանդույթի» պես՝ գյումրեցիները «Բանանցից» հաղթանակ կորզեցին խաղավերջում (տեսանյութ)

«Շիրակ» – «Բանանց». Առաջին խաղակեսից հետո (տեսանյութ)

«Շիրակ» – «Բանանց». Մեկնարկային կազմեր, ուղիղ հեռարձակում (տեսանյութ)

Փոխվել է «Ալաշկերտ» – «Փյունիկ» հանդիպման անցկացման օրը

ՀՖՖ-ն «Շիրակին» ժամանակ է տվել՝ Գյումրիի ակադեմիայի բնական և արհեստական խոտածածկով խաղադաշտերի վիճակը բարելավելու համար

Արտակ Օսեյան. «Շիրակը» փորձառու թիմ է, և բնական է, որ պետք է օգտվեր մեր սխալներից»

Վարդան Բիչախչյան. «Հաղթեցինք, բայց կրկին մտահոգում է գոլային պահերի իրացումը»

ՀՖՖ-ն փոխել է «Փյունիկ»-«Շիրակ» գավաթային եզրափակչի անցկացման օրը

Վարդան Բիչախչյան. «Սա «Շիրակի» լավագույն խաղն էր 2017 թվականին»

Աշոտ Բարսեղյան. «Այսօր մեր բախտը բերեց. ֆուտբոլում դա շատ բան է նշանակում»

«Գանձասար-Կապան» – «Շիրակ»՝ 3-2. Այվազովի կոպիտ սխալը հաղթանակ պարգևեց կապանցիներին (տեսանյութ)

«Գանձասար-Կապան» – «Շիրակ». Թեժ պայքար՝ երկրորդ խաղակեսում (տեսանյութ)

«Գանձասար-Կապան» – «Շիրակ». Առաջին խաղակեսից հետո (տեսանյութ)

Մ-19 հավաքականը կմեկնի Կիպրոս, իսկ Թուրքիայում հիշել են Բիչախչյանի մասին. Օրվա գլխավոր լուրերի քրոնիկոնը