5 ֆիլմ պատերազմի մասին. մաս 2

Մենք բոլորս տարբեր ենք․ տարբեր են մեր նախասիրությունները, ապրելակերպը, տարբեր է մեր իրականությունը, մեր սիրած գույները, սիրած մեքենան կամ ֆիլմը, բայց գոյություն ունի այն, ինչ միավորում է բոլորիս․ ցավի վերապրումը։
VivaroNews Culture-ը ձեզ է ներկայացնում պատերազմի մասին 5 ֆիլմ։ Դիտե՛ք և արժևորե՛ք կյանքը։

1.Պերլ Հարբոր/Перл-Харбор/Pearl Harbor, 2001

Ռեժ.՝ Մայքլ Բեյ
Դերերում՝ Բեն Աֆլեք, Ջոշ Հարթնեթ, Քեյթ Բեկինսեյլ ևն

Օսկարակիր այս ֆիլմը երկու օդաչու ընկերների մասին է: Երկրորդ Համաշխարհային պատերազմն ազդում է ընկերներից յուրաքանչյուրի կյանքի վրա. կրակը, այո կրակն է այդ ժամանակահատվածում նրանց լավագույն «ընկերը»: Նրանցից յուրաքանչյուրը կյանքի ու մահվան պայքար է մղում, սակայն սերը, սերը նրանց միշտ ուժ է տալիս:
2002 թ. ֆիլմն արժանացել է Օսկարի՝ «Լավագույն ձայնային մոնտաժ» անվանակարգում:

Ֆիլմը կարող եք դիտել այստեղ: 

2. Ստալինգրադ/Сталинград, 2013

Ռեժ.՝Ֆեոդոր Բոնդարչուկ
Դերերում՝ Մարիա Սմոլնիկովա, Պյոտր Ֆյոդորով ևն

Այս ֆիլմի հիմքում է Վասիլիյ Գրոսսմանի համանուն վեպը:
1942 թ., Ստալինգրադ: Խառնաշփոթ, արյուն, կրակոցներ. սովետական բանակը պատրաստվում է հարձակվել գերմանացիների վրա, որոնք գրավել են Վոլգայի մի մասը, սակայն գործողությունները ընդհատվում են խոչընդոտների պատճառով: Կապիտան Գրոմովին հաջողվում է տեղափոխվել Վոլգայի մյուս ափ և պայքարել թշնամու դեմ: Պատերազմն ավելի անտանելի կլիներ, եթե չլիներ սերը:

Ֆիլմը կարող եք դիտել այստեղ: