Բաժիններ

Լրացուցիչ

Ընտրել լեզուն

Բարձրագույն խումբ. 26-րդ տուրին ընդառաջ

Armenian premier league

«ԱԼԱՇԿԵՐՏ» «ԱՐԱՐԱՏ»    

11 խաղ, +3=44, 9:16
14 մայիսի, ժ.17:00, Երևան, «Ալաշկերտ»  մարզադաշտ

alashkert - ararat-min

Իր կարճատև կենսագրության ընթացքում լավագույն մրցաշրջանն անցկացնող «Ալաշկերտն» այս խաղում պետք է որ վերջապես պաշտոնապես գրանցի իր չեմպիոնությունը: Դրա համար ալաշկերտցիներին այս խաղում բավարարում է նույնիսկ ոչ-ոքին: Իսկ եթե «Շիրակին» չհաջողվի հաղթել «Բանանցին», ապա նույնիսկ «Արարատին» պարտվելու դեպքում «Ալաշկերտը» կհռչակվի Հայաստանի չեմպիոն:

Սակայն կարծում ենք, որ իրադարձությունների նման ընթացքը բնավ էլ չի գոհացնի ալաշկերտցիներին, որոնք ձգտելու են հաղթանակով նշանավորելու չեմպիոնական տիտղոսի նվաճումը:

«Արարատը» նախորդ տուրում զիջելով «Բանանցին», վերջնականապես զրկվեց մրցանակային տեղերի համար պայքարելու հնարավորությունից: Այժմ արարատցիները պետք է ձգտեն գոնե պահպանելու տեղը 5-րդ հորիզոնականում:

Ընթացիկ մրցաշրջանում մրցակիցներն արդեն 6-րդ անգամ են հանդիպելու: Խաղերից երկուսը կայացել են Հայաստանի գավաթի քառորդ եզրափակչում, որոնցում հաղթել է «Ալաշկերտը»՝ 1:0, 4:0:

Առաջնության հանդիպումներում էլ արարատցիներին առայժմ չի հաջողվել առավելության հասնել առաջատարի նկատմամբ: Առաջին շրջանի խաղում «Ալաշկերտն» օգտվելով մրցակցի պաշտպանների կոպիտ սխալներից, 2:1 հաշվով կամային հաղթանակ է տոնել: Հաշիվը բացել էր արարատցի Զավեն Բուլուտը, սակայն հետագայում Միհրան Մանասյանը վերականգնել էր հավասարակշռությունը, իսկ Հեբեր Արաուխոն 11մ հարվածով խփել էր հաղթական գնդակը:

2-րդ շրջանի խաղն էլ ընթացավ գրեթե նույն սցենարով, սակայն այս անգամ գրանցվեց ոչ-ոքի՝ 1:1: Կրկին հաշիվը բացեցին արարատցիները: Աչքի ընկավ Գևորգ Նռանյանը: Շուտով «Ալաշկերտը» հաշիվը հավասարեցնելու լավ հնարավորություն ստացավ, սակայն Հեբերի 11մ հարվածը հետ մղեց Գևորգ Պրազյանը: Այնուամենայնիվ, 2 րոպե անց Մանասյանը վերականգնեց հավասարակշռությունը: Իսկ 3-րդ շրջանի խաղում դարպասները մնացին անառիկ:

Մրցակիցների միջև կայացած առաջնության վերջին 5 հանդիպումներում «Ալաշկերտը» 2 հաղթանակ է տոնել, 3 անգամ էլ գրանցվել է  ոչ-ոքի: Վերջին անգամ «Արարատն» «Ալաշկերտին» հաղթել է 2014թ. սեպտեմբերի 28-ին՝ սեփական հարկի տակ առավելության հասնելով 2:1 հաշվով:

Թիմերի մրցավեճում արդյունավետ խաղով աչքի է  ընկել «Արարատի» նախկին ավագ Ալեքսանդր Ռակիչը` դառնալով 6 գոլի հեղինակ: «Ալաշկերտից» 3 գոլ է խփել Միհրան Մանասյանը:

4-րդ զգուշացման պատճառով հանդիպմանը չի մասնակցի ալաշկերտցի Արտակ Գրիգորյանը: Արարատցի Ումարու Կաինան էլ կբացակայի 7-րդ զգուշացման պատճառով:

Բարձրագույն խմբի հանդիպումների ուղիղ հեռարձակման պաշտոնական բացառիկ հովանավորը Վիվառո ընկերությունն է:

1 2 3

«Ալաշկերտ» – Փյունիկ»՝ 3-3. Գոլառատ ոչ-ոքի, որը կտրուկ սրեց չեմպիոնական պայքարը

«Ալաշկերտ» – «Փյունիկ». Ուղիղ հեռարձակում (տեսանյութ)

Դանիել Ստոյկովիչը՝ «Ալաշկերտում» իր նպատակների, հայերի և սերբերի նմանությունների ու «Դոկտոր» մականվան մասին

Փոխվել է «Ալաշկերտ» – «Փյունիկ» հանդիպման անցկացման օրը

Աշոտ Բարսեղյան. «Սա չեմպիոնական խաղ էր, բայց բախտն այսօր «Ալաշկերտի» կողմն էր»

«Ալաշկերտը» հսկայական քայլ կատարեց դեպի չեմպիոնություն

Ալբերտ Սաֆարյան. «Պետք է «Ալաշկերտի» մակարդակի թիմերի դեմ ավելի խելացի ֆուտբոլ ցուցադրել»

Աբրահամ Խաշմանյան. «Հուսով եմ՝ մեր ռիսկն արդարացրեց իրեն»

«Ալաշկերտ» – «Արարատ»՝ 3-1. Արտակ Եդիգարյանի դուբլն ու առաջատարի հերթական հաղթանակը

«Ալաշկերտ» – «Արարատ». Առաջին խաղակեսից հետո

«Ալաշկերտ» – «Արարատ». Թիմերի մեկնարկային կազմերը

Ուրոշ Նենադովիչ. «Նպատակս «Ալաշկերտի» կազմում չեմպիոն դառնալն ու Չեմպիոնների լիգայի ուղեգիր նվաճելն է»

Մ-19 հավաքականը կմեկնի Կիպրոս, իսկ Թուրքիայում հիշել են Բիչախչյանի մասին. Օրվա գլխավոր լուրերի քրոնիկոնը

«Ալաշկերտը» նոր պայմանագրեր է ստորագրել 12 ֆուտբոլիստների հետ

ՀՖՖ-ն որոշել է Անդրանիկ Ոսկանյանի և Էմիլ Եղիազարյանի որակազրկման ժամկետը

Վարդան Բիչախչյան. «Գիտեինք, որ ստանդարտ իրավիճակներն «Ալաշկերտի» ուժեղ կողմերից են»