Լրացուցիչ

Ընտրել լեզուն

Բարձրագույն խումբ. 23-րդ տուրին ընդառաջ

Armenian Premiere league

«ԳԱՆՁԱՍԱՐ  ԿԱՊԱՆ» «ԱԼԱՇԿԵՐՏ»  

11 խաղ, +3=26, 18:18
23 ապրիլի, ժ.17:00, Կապան, «Գանձասար»  մարզադաշտ

gandzasar - alashkert-min

Տուրի կենտրոնական հանդիպումը մեծ հետաքրքրությամբ է սպասվում, որի ելքը չափազանց կարևոր նշանակություն ունի մեդալների համար մղվող պայքարում: Ստացվել է այնպես, որ գանձասարցիներն արդեն առաջնության 5-րդ անընդմեջ խաղն են անցկացնելու սեփական հարկի տակ: Նախորդ 4 խաղերում «Գանձասար Կապանը» 8 միավոր է վաստակել, ընդ որում վերջին 3 հանդիպումներում դարպասն անառիկ է պահել: Ճիշտ է, վերջին 2 խաղերում գանձասարցիներին էլ չի հաջողվել գտնել մրցակիցների դարպասի բանալին:

Գերազանց մրցաշրջան անցկացնող «Ալաշկերտը» նախորդ տուրում իրեն հիանալի դրսևորեց՝ անչափ կարևոր հաղթանակ տոնելով «Փյունիկի» նկատմամբ: Այդ հաղթանակով ալաշկերտցիները գործնականում լուծեցին չեմպիոնության հարցը: Մնում է, որ առաջնության մնացած հանդիպումներում թիմը ևս հաջող հանդես գա ու արդեն պաշտոնապես, ժամկետից շուտ գրանցի իր պատմության մեջ ամենամեծ նվաճումը:

Ընթացիկ առաջնությունում «Գանձասար Կապանին» դեռ չի հաջողվել հաղթել «Ալաշկերտին»: Առաջին շրջանի երևանյան խաղում գրանցվել էր գոլազուրկ ոչ-ոքի: Կապանում ևս մրցակիցները մեկական միավոր վաստակեցին՝ միմյանց դարպասները գրավելով 2-ական անգամ:

Հաշիվը բացեց ալաշկերտցի Դուշկո Դուկիչը՝ գնդակն ուղարկելով սեփական դարպասը: Քիչ անց ընդամենը 2 րոպեի ընթացքում Միհրան Մանասյանն ու Հեբեր Արաուխոն հաշվի մեջ առաջ մղեցին «Ալաշկերտին»:

 64-րդ րոպեին դաշտի տերերը հաշիվը հավասարեցնելու հիանալի հնարավորություն ստացան, սակայն Ացամազ Բուրաևը չկարողացավ 11մ հարվածով խոցել Գևորգ Կասպարովի պաշտպանած դարպասը: Այնուամենայնիվ, խաղավարտից 12 րոպե առաջ Բուրաևը քավեց մեղքը և թիմին փրկեց պարտությունից:

Առաջնության գարնանային հատվածի մեկնարկային տուրում «Ալաշկերտը» սեփական դաշտում 3 անպատասխան գնդակ ուղարկեց մրցակցի դարպասը: Հեբեր Արաուխոն դարձավ դուբլի հեղինակ, մեկ գոլ էլ խփեց Միհրան Մանասյանը: Ի դեպ, վերջինս վնասվածքի պատճառով «Փյունիկի» հետ խաղում լքել էր խաղադաշտը: Բարեբախտաբար, վնասվածքը լուրջ չէր, սակայն մարզիչները որոշել են ռիսկի չդիմել և Մանասյանը Կապանում հայտավորված կլինի պահեստայինների թվում ու խաղադաշտ դուրս կգա միայն անհրաժեշտության դեպքում:

Մրցակիցների միջև կայացած առաջնության վերջին 6 հանդիպումներից 4-ում հաղթել է «Ալաշկերտը», 2 խաղում գրանցվել է ոչ-ոքի: Վերջին հաղթանակն ալաշկերտցիների նկատմամբ գանձասարցիները տոնել են 2014թ. օգոստոսի 24-ին՝ Կապանում 3 միավոր վաստակելով Սամվել Մելքոնյանի իրացրած 11մ հարվածի շնորհիվ:

Ալաշկերտցի Միհրան Մանասյանը 7 գնդակով մրցակիցների մրցավեճի ամենաարդյունավետ ֆուտբոլիստն է: Գանձասարցիներից Նարեկ Բեգլարյանը 5 գոլի հեղինակ է դարձել:

Որակազրկման պատճառով հանդիպմանը չեն մասնակցի գանձասարցիներ Դամիր Մեմովիչն ու Արա Խաչատրյանը և ալաշկերտցի Կարեն Մուրադյանը:

Բարձրագույն խմբի հանդիպումների ուղիղ հեռարձակման պաշտոնական բացառիկ հովանավորը Վիվառո ընկերությունն է:

1 2 3

Գոլային հրավառություն՝ «Ալաշկերտ» – «Արցախ» ընկերական խաղում (տեսանյութ)

Կամո Հովհաննիսյանը փորձաշրջան է անցնում արտասահմանում

Էդգար Մալաքյանը պաշտոնապես նոր թիմ ունի, իսկ «Լոռին» համալրվել է ևս 2 նորեկով

Դավիթ Մանոյանը և Տարոն Ոսկանյանը խաղաժամանակ չեն ստանում Կիպրոսում (տեսանյութ)

Նորայր Ասլանյանը զգաց հոլանդական ֆուտբոլի շունչն ավելի քան 8 ամիս անց (տեսանյութ)

ՊԱՇՏՈՆԱԿԱՆ. Նենադ Ինյացը հեռացավ «Բանանցից»

Արտակ Եդիգարյանը գերազանցել է Հենրիխ Մխիթարյանի ցուցանիշը. Ովքե՞ր են ամենից շատ գոլ խփել 2017թ.-ին

Կադիմյանը գեղեցիկ գոլ է խփել, իսկ Ղուկաս Պողոսյանը փորձաշրջան է անցնում արտերկրում (տեսանյութ)

Տրանսֆերային ձմեռ-2018. Հայկական ակումբների ձեռքբերումները և կորուստները (թարմացվում է)

Զավեն Բադոյանի նոր թիմը և գոլն առաջին իսկ խաղում ու «Արմավիրի» նոր այցը Երևան

Կամո Հովհաննիսյանը հանդես կգա Հայաստանում

Նորայր Ասլանյանը 2 օրում 2 խաղի է մասնակցել Հոլանդիայում, իսկ հայկական թիմերը վերադառնում են ձմեռային «քնից»

«Ալաշկերտը» հունվարին չի մեկնի Բրազիլիա և 2018-ի առաջին տրանսֆերը Հայաստանում

«Փյունիկի» նախկին հարձակվողը համալրել է «Գանձասար-Կապանը»

Հայ կատարողների «մուտքը» ֆուտբոլ. Որո՞նք են ֆուտբոլային երգերը և հայկական ակումբների օրհներգերը (տեսանյութ)

Արարատը մեր լեռնաշխարհի ամենաբարձր գագաթն է, իսկ «Արարատ ՖԱ»-ն՝ «ամենացածրադիր» թիմը