Բաժիններ

Լրացուցիչ

Ընտրել լեզուն

Բարձրագույն խումբ. 22-րդ տուրին ընդառաջ

Armenian Premiere league

«ԱԼԱՇԿԵՐՏ» «ՓՅՈՒՆԻԿ»  

11 խաղ, +2=27, 14:28
16 ապրիլի, ժ.16:00, Երևան, «Ալաշկերտ»  մարզադաշտ

alashkert-pyunik-min

Չեմպիոնի կոչման հավակնորդների հերթական հանդիպումն ընթացիկ առաջնության ամենասկզբունքային մրցավեճն է, որում հաղթանակի գինը չափազանց բարձր է: Հաջողության դեպքում «Ալաշկերտը» գործնականում կվճռի ոսկե մեդալների համար մղվող պայքարի ելքը՝ «Փյունիկից» միավորների տարբերությունը հասցնելով 7-ի: Իսկ եթե հաղթի «Փյունիկը», ապա միավորների տարբերությունը կհասնի նվազագույնի ու չեմպիոնական մրցավազքը նոր ուժով կբորբոքվի:

Առաջնության միանձնյա առաջատարի համար ներկայումս ծանր շրջան է: Մոտ 20-օրյա հարկադիր պարապուրդից հետո հաջորդ 11 օրերում ալաշկերտցիները 4 խաղ են անցկացրել, որոնցում ընդամենը մեկ անգամ են հաղթել, կրել են 2 պարտություն, այդ թվում «Բանանցից»՝ դուրս մնալով գավաթի մրցաշարից: «Փյունիկի» հետ հանդիպմանն էլ նախապատրաստվելու համար «Ալաշկերտի» ֆուտբոլիստներն ընդամենը 3 օր են ունեցել:

«Փյունիկն» էլ առաջնության գարնանային հատվածում առայժմ այնքան էլ հաջող հանդես չի գալիս՝ անցկացրած 5 հանդիպումներում վաստակելով նույնքան միավոր:

Առաջնության մեկնարկային տուրում մրցակիցների միջև կայացած խաղում «Ալաշկերտը» հյուրընկալվելիս կամային հաղթանակ տոնեց: Արդեն 12-րդ րոպեին փյունիկցի Վարազդատ Հարոյանը տուգանային հարվածով բացեց հաշիվը՝ դառնալով 24-րդ առաջնության անդրանիկ գոլի հեղինակը: Սակայն հետագայում «Ալաշկերտի» բրազիլացի նորեկ Հեբեր Արաուխոն դուբլի հեղինակ դարձավ՝ ապահովելով իր թիմի հաղթանակը:

2-րդ շրջանում «Փյունիկը» մրցակցի հարկի տակ 4:1 հաշվով վստահ հաղթանակ տոնեց: Արդյունավետ խաղով աչքի ընկավ փյունիկցի Ղուկաս Պողոսյանը՝ դառնալով առաջնությունում գրանցված առաջին հեթ տրիկի հեղինակը: Մեկ գոլ էլ իր օգտին գրանցեց Վարդան Պողոսյանը: «Ալաշկերտից» միակ գոլի հեղինակը Միհրան Մանասյանն էր: Դա առաջնությունում «Ալաշկերտի» կրած առաջին պարտությունն էր: 3-րդ շրջանի մրցավեճում դարպասներն անառիկ մնացին:

«Փյունիկի» դեմ շատ արդյունավետ է գործել Միհրան Մանասյանը՝ 8 անգամ գրավելով իր նախկին թիմակիցների դարպասը: «Փյունիկից» լավագույնը Սարգիս Բալոյանի և Կամո Հովհաննիսյանի արդյունքն է՝  4-ական գնդակ:

Հանդիպմանը չի մասնակցի 4-րդ զգուշացումը ստացած փյունիկցի Տարոն Ոսկանյանը:

Բարձրագույն խմբի հանդիպումների ուղիղ հեռարձակումն ապահովվում է Վիվառո ընկերության բացառիկ հովանավորչությամբ:

1 2 3

«Ալաշկերտ» – Փյունիկ»՝ 3-3. Գոլառատ ոչ-ոքի, որը կտրուկ սրեց չեմպիոնական պայքարը

«Ալաշկերտ» – «Փյունիկ». Ուղիղ հեռարձակում (տեսանյութ)

Դանիել Ստոյկովիչը՝ «Ալաշկերտում» իր նպատակների, հայերի և սերբերի նմանությունների ու «Դոկտոր» մականվան մասին

Փոխվել է «Ալաշկերտ» – «Փյունիկ» հանդիպման անցկացման օրը

Աշոտ Բարսեղյան. «Սա չեմպիոնական խաղ էր, բայց բախտն այսօր «Ալաշկերտի» կողմն էր»

«Ալաշկերտը» հսկայական քայլ կատարեց դեպի չեմպիոնություն

Ալբերտ Սաֆարյան. «Պետք է «Ալաշկերտի» մակարդակի թիմերի դեմ ավելի խելացի ֆուտբոլ ցուցադրել»

Աբրահամ Խաշմանյան. «Հուսով եմ՝ մեր ռիսկն արդարացրեց իրեն»

«Ալաշկերտ» – «Արարատ»՝ 3-1. Արտակ Եդիգարյանի դուբլն ու առաջատարի հերթական հաղթանակը

«Ալաշկերտ» – «Արարատ». Առաջին խաղակեսից հետո

«Ալաշկերտ» – «Արարատ». Թիմերի մեկնարկային կազմերը

Ուրոշ Նենադովիչ. «Նպատակս «Ալաշկերտի» կազմում չեմպիոն դառնալն ու Չեմպիոնների լիգայի ուղեգիր նվաճելն է»

Մ-19 հավաքականը կմեկնի Կիպրոս, իսկ Թուրքիայում հիշել են Բիչախչյանի մասին. Օրվա գլխավոր լուրերի քրոնիկոնը

«Ալաշկերտը» նոր պայմանագրեր է ստորագրել 12 ֆուտբոլիստների հետ

ՀՖՖ-ն որոշել է Անդրանիկ Ոսկանյանի և Էմիլ Եղիազարյանի որակազրկման ժամկետը

Վարդան Բիչախչյան. «Գիտեինք, որ ստանդարտ իրավիճակներն «Ալաշկերտի» ուժեղ կողմերից են»