Լրացուցիչ

Ընտրել լեզուն

Աշոտ Բարսեղյան. «Այսօր մեր բախտը բերեց. ֆուտբոլում դա շատ բան է նշանակում»

18034354 1951335695085393 3269926516354133855 n 1 - Աշոտ Բարսեղյան. «Այսօր մեր բախտը բերեց. ֆուտբոլում դա շատ բան է նշանակում»

«Գանձասար-Կապանի» գլխավոր մարզիչ Աշոտ Բարսեղյանը «Շիրակի» նկատմամբ տոնած հաղթանակից հետո (3-2) կայացած մամուլի ասուլիսում նշել է հետևյալը.

-Ինքներդ էլ տեսաք, թե ինչ դրամատիկ խաղ էր: Երկու թիմերն էլ ոչինչ չէին խնայում արդյունքի համար: Սա այս առաջնության երկրորդ հատվածում մեր առաջին կամային հաղթանակն էր: Այս տղաներն այնքան խելացի են, որ հասկանում են ամեն մի միավորի արժեքը, որը մեզ համար ոսկու գին ունի: «Շիրակը» շատ զորեղ մրցակից է: Մենք այս առաջնությունում շատ անգամ ենք մրցել նրանց հետ, և, ըստ իս, սա նրանց ամենալավ հանդիպումն էր: Մրցակիցը շատ ագրեսիվ էր գործում:

«Շիրակը» գոլային բավական լուրջ պահեր ուներ, որոնք չօգտագործեց: Դրանից հետո մենք մի քանի փոփոխություններ արեցինք և կարողացանք գնդակ պահել, ամեն ինչ արդեն ստացվում էր: Անկեղծ շնորհավորում եմ երկու կողմերին լավ խաղի համար: Այսօր մեր բախտը բերեց. ֆուտբոլում դա շատ բան է նշանակում: Մեկ հարվածը կարող է հաղթանակի նժարը թեքել մյուս թիմի կողմը:

Վալմերսոնն այսօր պահեստայինների թվում էր: Դա որոշված էր նրա համար, որ նա երկրորդ խաղակեսում մտնի փոխարինման և աշխուժացնի՞ թիմի խաղը: 

-Կապ չունի՝ տեղացի է, թե լեգեոներ. ով ավելի շատ ցանկություն ունի խաղալու և ավելի պատրաստ է, նա էլ մտնում է խաղադաշտ: Վալմերսոնը պետք է կայուն խաղա: Մարզիչն ինչքան էլ վստահի ֆուտբոլիստին՝ վերջինս միշտ պետք է հասկանա, որ պետք է փորձի լավ հանդես գալ: Վալմերսոնը պետք է զգար, որ այս թիմում անփոխարինելիներ չկան: Պետք է նաև նշեմ, որ նա շատ լավ մտավ խաղի մեջ: Նաև Վալմերսոնը միշտ հիանալի է խաղում «Ալաշկերտի» դեմ: Մեզ պետք էր, որ նա այսօր ավելի մոտիվացվեր և ավելի լավ ֆուտբոլ ցուցադրեր չեմպիոնի դեմ: Նրան փոխարինման մտցրինք նաև «Շիրակի» հետ գավաթային խաղում, բայց նա իմ սպասելիքները չարդարացրեց:

Սարգիս Շահինյանը փոխարինման մտնելուց հետո վնասվածք ստացավ և փոխարինվեց: Վնասվածքը լո՞ւրջ է: 

-Հարցրեցի՝ ասաց, որ ծնկի վնասվածք է ստացել: Ավելին պարզ կլինի բժիշկների հետազոտությունից հետո:

«Հանրապետական» մարզադաշտում Ձեր թիմի խաղը կարծես ավելի լավ է ստացվում: Այստեղ հանդես գալն առավելությո՞ւն է թիմի համար՝ հաշվի առնելով մարզադաշտի հիանալի պայմանները: 

-Խաղից առաջ երբ մտանք մարզադաշտ, մենք էլ մտածեցինք, որ այստեղ վատ խաղալ չի կարելի: Շատ որակյալ է ամեն ինչ: Բայց Կապանում հանդես գալը մեզ համար շատ ավելի նախընտրելի է՝ հատկապես հոգեբանական առումով: Այնտեղ մեր երկրպագուները մեզ հետ են: Այդ մարդկանց համար դժվար է գալ-հասնել այստեղ: Եթե պետք է խաղանք Երևանում, ապա մայրաքաղաքում սա ամենալավ վայրն է:


    • Ընթերցեք նաև

«Բանանց»-«Գանձասար-Կապան». Vivaronews-ի ուղիղ հեռարձակումը

Հայ ֆուտբոլիստները գոլեր են խփել Գերմանիայում և Արգենտինայում (տեսանյութ)

«Բանանց» – «Գանձասար-Կապան». Ամենաուշագրավ տեղեկությունները՝ հանդիպմանն ընդառաջ

«Շիրակը» Գյումրիում ֆուտբոլային տոնախմբություն էր կազմակերպել (տեսանյութ)

«Շիրակ»-«Արարատ». Vivaronews-ի ուղիղ հեռարձակումը

«Շիրակ» – «Արարատ». Ամենաուշագրավ տեղեկությունները՝ հանդիպմանն ընդառաջ

Մարզիչ, ով «հրեշ» է Հայաստանի գավաթակիր դառնալու գործում

Ուշադրությո՛ւն, «հայտնաբերվել» է Հովհաննես Համբարձումյանը

Հայաստանի գավաթակիր կդառնա կա՛մ չեմպիոնը, կա՛մ էլ փոխչեմպիոնը (տեսանյութ)

«Շիրակ» – «Գանձասար-Կապան». VivaroNews-ի ուղիղ հեռարձակումը (տեսանյութ)

Գավաթի խաղարկություն. «Շիրակ» – «Գանձասար-Կապան». Ամենաուշագրավ տեղեկությունները՝ հանդիպմանն ընդառաջ

«Բանանցը» վերացրեց 2 տարվա «թուղթ ու գիրը» և Այվազովի «չարաբաստիկ» 4 րոպեն

Վահան Բիչախչյանը 2018-ին առաջին անգամ եղել է «Ժիլինայի» 1-ին թիմի հիմնական կազմում (տեսանյութ)

Երբ վնասվածք ես ստացել, բայց խաղը քեզ համար բացառիկ է և ունես հպարտանալու առիթ

Աշոտ Բարսեղյան. «Հետաքրքիր է, որ «Շիրակը» միշտ կարողանում է վերջին րոպեներին գոլ խփել» (տեսանյութ)

Վարդան Բիչախչյան. «Ափսոս, ժամանակը չբավարարեց, որ մտածեինք հաղթանակի մասին» (տեսանյութ)