Լրացուցիչ

Ընտրել լեզուն

Աշոտ Բարսեղյան. «Այսօր գրեթե կատարյալ հանդիպում անցկացրինք»

«Գանձասար-Կապանի» գլխավոր մարզիչ Աշոտ Բարսեղյանը «Փյունիկի» նկատմամբ հաղթանակից հետո (2-0) հետո հետևյալ կարծիքն է հայտնել.

-Շնորհավորում եմ ֆուտբոլիստներին լավ խաղի համար: Թիմը բարձր տրամադրությամբ էր մոտեցել հանդիպմանը, տղաները կենտրոնացած էին գործում: Հանդերձարանում նրանց շնորհակալություն հայտնեցի՝ գրեթե կատարյալ հանդիպում անցկացնելու համար: Արժանին եմ մատուցում նաև «Փյունիկին», որը կոռեկտ խաղ հանդես եկավ:

Ձեր թիմը երկրորդ խաղակեսում խորքից էր գործում և գրեթե չէր մտածում հարձակման մասին: Ընդմիջմանը նման առաջադրա՞նք էիք տվել:

-Տղաներին ասել էի, որ ինչպես առաջին խաղակեսում հանդես եկան, նույնկերպ էլ շարունակեն հետագայում: Կարծում եմ՝ գրանցված արդյունքը խոսուն է: Ես խաղի ընթացքում նկատեցի, որ տղաներն ավելի խորքից են սկսել խաղալ, բայց չցանկացա միջամտել, քանի որ շատ կարգապահ էին գործում: Նախապես շեշտը դրել էինք հակագրոհների վրա:

Արթուր Յուսպաշյանի ելույթն ինչպե՞ս կգնահատեք: Նա լավագույն մարզավիճակո՞ւմ է: 

-Նա շատ կարևոր ֆուտբոլիստ է մեր թիմի համար: Առաջնության առաջին հատվածում միշտ խնդիրներ էինք ունեցել հենակետային գոտում, բայց ուրախ եմ, որ, ի դեմս Արթուրի, գտել ենք նման մեծ ծավալի աշխատանք կատարող ֆուտբոլիստի: Նա արեց այն, ինչ պահանջել էի: Կենտրոնում լավ էինք համագործակցում: Կարող էինք ավելի շատ դիմել կարճ և միջին տարածության փոխանցումների օգնությանը, բայց մրցակիցն ինչ-որ տեղ թույլ չտվեց: Դա մեզ հաջողվում էր ուսումնամարզական հավաքների ժամանակ: Երջանիկ ենք, որ Յուսպաշյանը մեր թիմում է:

Կապանի «Քաղաքային» մարզադաշտը որակազրկված է և առաջնության երկրորդ հատվածում այնտեղ հանդես չեք գալու: Դա ի՞նչ ազդեցություն կունենա թիմի ելույթների վրա: 

-Ոչ ոքի համար գաղտնիք չէ, որ մեզ համար Կապանում հանդես գալը մեծ առավելություն է, դա ցույց է տալիս նաև վիճակագրությունը: Իհարկե, շատ կցանկանայինք կրկին այնտեղ խաղալ: Բայց դա ՀՖՖ-ի որոշումն էր, ուստի մենք պետք է համակերպվենք և շտկենք նրանց հայտնաբերած թերությունները, որպեսզի ապագայում կրկին ելույթ ունենանք Կապանում:

Այդուհանդերձ, Ձեր թիմը մարզվում էր այստեղ, խաղում՝ Կապանում: Այժմ ստիպված չեք լինի նման տարածություն անցնել: Դա դրական գործոն չէ՞:

-Եթե նկատել եք, մենք մշտապես այնտեղ ենք գնացել խաղերից մի քանի օր առաջ: Այնտեղ մինչ հանդիպումը եղել ենք հյուրանոցում, որտեղ վերականգնվելու համար իդեալական պայմաններ էին: Ճիշտ է, ճանապարհը հոգնեցուցիչ էր, բայց մենք արդեն սովոր էինք դրան: Այդքան թերությունների կողքին դա շատ փոքր առավելություն է:


Տիգրան Ղարաբաղցյան. «Արարատն» այսօր ոչնչով չէր զիջում «Գանձասար-Կապանին»

Աշոտ Բարսեղյան. «Շատ ենք տեսել, որ թիմերն ամենավերջին պահին բաց են թողել չեմպիոնությունը»

«Արարատ» – «Գանձասար-Կապան»՝ 1-2. Կապանյան թիմն «Ալաշկերտին» արդեն զիջում է 3 միավորով

«Ալաշկերտ» – Փյունիկ»՝ 3-3. Գոլառատ ոչ-ոքի, որը կտրուկ սրեց չեմպիոնական պայքարը

«Արարատ» – «Գանձասար-Կապան». Առաջին խաղակեսից հետո

«Ալաշկերտ» – «Փյունիկ». Ուղիղ հեռարձակում (տեսանյութ)

«Արարատ» – «Գանձասար-Կապան». Հայտնի են թիմերի մեկնարկային կազմերը

Փոխվել է «Ալաշկերտ» – «Փյունիկ» հանդիպման անցկացման օրը

Արտակ Օսեյան. «Շիրակը» փորձառու թիմ է, և բնական է, որ պետք է օգտվեր մեր սխալներից»

Վարդան Բիչախչյան. «Հաղթեցինք, բայց կրկին մտահոգում է գոլային պահերի իրացումը»

Աշոտ Բարսեղյան. «Սա չեմպիոնական խաղ էր, բայց բախտն այսօր «Ալաշկերտի» կողմն էր»

«Ալաշկերտը» հսկայական քայլ կատարեց դեպի չեմպիոնություն

ՀՖՖ-ն փոխել է «Փյունիկ»-«Շիրակ» գավաթային եզրափակչի անցկացման օրը

Արամ Ոսկանյան. «Թիմում պետք է լինեն միջին տարիքի հայ ֆուտբոլիստներ, ովքեր թիմին կտանեն իրենց հետևից, կլինեն առաջատարներ»

Արտակ Օսեյան. «Ափսոսանքի զգացում կա, որ չկարողացանք հաղթել»

«Փյունիկ» – «Բանանց»՝ 0-0. Բազում գոլային պահեր, գոլազուրկ երևանյան դերբի (տեսանյութ)