Լրացուցիչ

Ընտրել լեզուն

Աշոտ Բարսեղյան. «Այս ոչ-ոքիից ավելի շատ կորցրինք մենք, քան շահեց «Բանանցը»

«Գանձասար-Կապանի» գլխավոր մարզիչ Աշոտ Բարսեղյանը «Բանանցի» հետ ոչ-ոքիից հետո (0-0) կայացած մամուլի ասուլիսում խոսել է հանդիպման մասին.

-Լավ խաղ ստացվեց: Գիտակցում էինք, թե ինչքան կարևոր են խաղարկվող միավորները: Ամեն մի միավորի համար մեծ ջանք ու եռանդ ենք թափում: Խաղասկզբում ունեցանք լավ պահեր, որոնք չօգտագործեցինք: Դրանից հետո իմ անհանգստությունը շատացավ: Մրցակիցն էլ լավ էր պաշտպանվում, փորձում էր հակագրոհել: «Բանանցը» շատ ուժեղ մոտիվացված էր, լավ պայքարեցին, ինչի համար գովասանքի են արժանի:

Մեր թիմն այսօր շատ աշխատեց, հանդերձարանում լավ բաներ եմ ասել տղաներին: Ափսոս, որ կարևոր միավորներ կորցրինք: Բայց սա ֆուտբոլ է, և այսպես էլ է լինում: Կպատրաստվենք մնացած խաղերին:

Առաջին խաղակեսում մի հատված կար, երբ բազմաթիվ պահեր ստեղծեցիք մրցակցի դարպասի մոտ, բայց գոլ չխփեցիք: Դրանից հետո ավելի ճիշտ չէ՞ր լինի որոշակի վերադասավորումներ կատարել հարձակման գծում: 

-Ի՞նչ անեինք, դա էլ ասեք՝ սովորենք (ծիծաղում է): Մենք փոխեցինք ֆուտբոլիստների դիրքերը, Սարգիս Շահինյանի փոխարինումից հետո սկսեցինք խաղալ երկու հարձակվողով ու մեկ հենակետայինով, իսկ Վալմերսոնին էլ բերեցինք ենթահարձակվողի դիրք: Մի պահ մտքովս անցնում էր երեք պաշտպանով խաղալ, բայց չպետք է տրվենք էմոցիաներին:

Մրցակիցը վտանգավոր էր հակագրոհների ժամանակ: Երկու թիմերն էլ լավ էին աշխատում: Ես գոհ եմ իմ թիմի խաղից: Հաղթանակի մեծ ցանկությունը շտապողականության չբերեց, կազմակերպված էին խաղում մինչև վերջ: Այս ոչ-ոքիից ավելի շատ կորցրինք մենք, քան շահեց «Բանանցը»:

Չե՞ք կարծում, որ Ձեր թիմում փոխանցումների խոտանը շատ էր, և պարզ իրադրություններում սխալ որոշումներ էին կայացնում: 

-Բազմաթիվ ճիշտ փոխանցումներ էլ կատարեցին… Մեզ պակասում էր վերջին ճիշտ փոխանցումը, որը չեղավ Մուսոնդայի կողմից: Նա այսօր բազմաթիվ դեպքերում սխալվեց այդ դիրքերում: Այսօր չստացվեց, բայց մեր վերջին հաղթանակները նաև նրա շնորհիվ էր: Մուսոնդան այսօր այնքան աշխատեց, որ փոխարինվելուց հետո չէր կարողանում քայլել: Եթե բացեինք հաշիվը, լրիվ ուրիշ խաղ կգնար:


Արամ Ոսկանյան. «Ինձ համար շատ ծանր է, քանի որ թիմի 9 ֆուտբոլիստներ վնասվածքներ ունեն»

Վարդան Բիչախչյան. «Արդեն աբսուրդի է վերածվում՝ գոլային պահերի գոնե 30%-ը չենք իրացնում»

«Շիրակ» – «Բանանց»՝ 1-0. «Ավանդույթի» պես՝ գյումրեցիները «Բանանցից» հաղթանակ կորզեցին խաղավերջում (տեսանյութ)

«Շիրակ» – «Բանանց». Առաջին խաղակեսից հետո (տեսանյութ)

«Շիրակ» – «Բանանց». Մեկնարկային կազմեր, ուղիղ հեռարձակում (տեսանյութ)

Տիգրան Ղարաբաղցյան. «Արարատն» այսօր ոչնչով չէր զիջում «Գանձասար-Կապանին»

Աշոտ Բարսեղյան. «Շատ ենք տեսել, որ թիմերն ամենավերջին պահին բաց են թողել չեմպիոնությունը»

«Արարատ» – «Գանձասար-Կապան»՝ 1-2. Կապանյան թիմն «Ալաշկերտին» արդեն զիջում է 3 միավորով

«Արարատ» – «Գանձասար-Կապան». Առաջին խաղակեսից հետո

«Արարատ» – «Գանձասար-Կապան». Հայտնի են թիմերի մեկնարկային կազմերը

Փոխվել է «Ալաշկերտ» – «Փյունիկ» հանդիպման անցկացման օրը

Արկադի Անդրեասյան. «Արարատն» արդեն պատրաստ է պայքարելու բոլոր մրցակիցների հետ»

Արամ Ոսկանյան. «Պարզ իրավիճակներում «նվերներ» ենք տալիս, ինչից էլ օգտվում է մրցակիցը»

Աշոտ Բարսեղյան. «Սա չեմպիոնական խաղ էր, բայց բախտն այսօր «Ալաշկերտի» կողմն էր»

«Ալաշկերտը» հսկայական քայլ կատարեց դեպի չեմպիոնություն

«Արարատը» 2-րդ անընդմեջ տնային հաղթանակն է տոնում