Լրացուցիչ

Ընտրել լեզուն

Աշոտ Բարսեղյան. «Արարատի» գոլից հետո տղաները կաշկանդված էին գործում»

«Գանձասար-Կապանի» գլխավոր մարզիչ Աշոտ Բարսեղյանն «Արարատի» նկատմամբ 2-1 հաշվով հաղթանակից հետո հետևյալ կարծիքն է հայտնել խաղի վերաբերյալ.

-Կարևոր միավորներ վաստակեցինք: Երկու տարբեր խաղակեսեր էին: Առաջինում մեր ցանկացած ֆուտբոլը խաղացինք: 2-0 հաշվի ժամանակ տղաները կարծես հանգստացան: Այսօր խաղը սկսել էինք երեք նոմինալ պաշտպանով, մտածել էինք՝ 4-րդ պաշտպանին փոխարինումով մտցնենք, բայց դա մի փոքր ուշացրինք: «Արարատի» գոլից հետո թիմը նյարդային էր գործում:

Այժմ ամեն մի միավորի արժեքը շատ բարձր է, այդ իսկ պատճառով սկսեցինք մեծ ուշադրություն դարձնել պաշտպանությանը: Շատ հետ քաշվեցինք, նույնիսկ 5-րդ պաշտպանին մտցրինք: Դժվարին երկրորդ խաղակես էր, բայց կարևորը երեք միավորն է:

Չնայած հաղթանակին՝ կարծես այդքան էլ գոհ չեք Ձեր թիմի ելույթից…

-Առաջին խաղակեսում գերազանց խաղացինք՝ գնդակը վերահսկում էինք, ունեինք պահեր: 2-0-ի ժամանակ, երբ գոլ ընդունեցինք, տղաները կարծես կաշկանդվեցին, որոշ դրվագներում անտեղի գնդակը կորցնում էին: Փոխարինումն էլ մի փոքր ուշացրինք: Այդուհանդերձ, շնորհակալ եմ տղաներին: Ոչ բոլոր խաղերում է հաղթանակը հեշտ տրվում:

Արագ գոլն առաջադրա՞նք էր, թե պարզապես ստացվեց այդքան շուտ գոլ խփելը: 

-Մենք կարգադրել էինք տղաներին առաջին 15 րոպեներին բարձր ճնշմամբ խաղալ և հասնել հաջողության: Եթե հիշում եք, «Արարատի» հետ նախորդ խաղում էլ արագ գոլ խփեցինք ու կրկին բարդ հանդիպում ստացվեց: Սակայն այն դեպքում խոսքն ամբողջ խաղի մասին է, իսկ այժմ՝ միայն երկրորդ խաղակեսի:

Ալեքսանդր Պետրոսյանի որակազրկման ժամկետն ավարտվել է, և նա հաջորդ խաղին պատրաստ կլինի: Հայկ Իշխանյանը նրա բացակայությամբ վստահ հանդես եկավ: Այդ դեպքում, ինչի՞ հիման վրա եք որոշելու, թե ով է լինելու մեկնարկային կազմում: 

-Մեր պահեստայինների նստարանը երկար չէ: Բոլորին էլ պետք է հնարավորություն տանք, որ տղաները մրցաշրջանի վերջնամասում ֆիզիկապես պատրաստ լինեն: Մենք մեկ խաղացողի բացակայության դեպքում միշտ փոխարինողի խնդիր ենք ունենում: Իհարկե, հասկանում եմ՝ այս կազմում մենք հաղթում ենք, բայց ով պատրաստ կլինի, նա էլ կխաղա. սա ֆուտբոլի օրենքն է:


«Արարատը» պատասխանել է Նորայր Գրիգորյանի հայտարարությանը, թե ակումբը նրա աշխատավարձը չի վճարել

Տիգրան Ղարաբաղցյան. «Արարատն» այսօր ոչնչով չէր զիջում «Գանձասար-Կապանին»

Աշոտ Բարսեղյան. «Շատ ենք տեսել, որ թիմերն ամենավերջին պահին բաց են թողել չեմպիոնությունը»

«Արարատ» – «Գանձասար-Կապան»՝ 1-2. Կապանյան թիմն «Ալաշկերտին» արդեն զիջում է 3 միավորով

«Արարատ» – «Գանձասար-Կապան». Առաջին խաղակեսից հետո

«Արարատ» – «Գանձասար-Կապան». Հայտնի են թիմերի մեկնարկային կազմերը

Փոխվել է «Ալաշկերտ» – «Փյունիկ» հանդիպման անցկացման օրը

«Матч ТВ»-ի պատրաստած վավերագրական ֆիլմն «Արարատի» մասին (տեսանյութ)

Արկադի Անդրեասյան. «Արարատն» արդեն պատրաստ է պայքարելու բոլոր մրցակիցների հետ»

Արամ Ոսկանյան. «Պարզ իրավիճակներում «նվերներ» ենք տալիս, ինչից էլ օգտվում է մրցակիցը»

Աշոտ Բարսեղյան. «Սա չեմպիոնական խաղ էր, բայց բախտն այսօր «Ալաշկերտի» կողմն էր»

«Ալաշկերտը» հսկայական քայլ կատարեց դեպի չեմպիոնություն

«Արարատը» 2-րդ անընդմեջ տնային հաղթանակն է տոնում

Վարդան Բիչախչյան. «Սա «Շիրակի» լավագույն խաղն էր 2017 թվականին»

Աշոտ Բարսեղյան. «Այսօր մեր բախտը բերեց. ֆուտբոլում դա շատ բան է նշանակում»

Ալբերտ Սաֆարյան. «Պետք է «Ալաշկերտի» մակարդակի թիմերի դեմ ավելի խելացի ֆուտբոլ ցուցադրել»