Լրացուցիչ

Ընտրել լեզուն

Աշոտ Բարսեղյան. «Առաջնությունը շարունակվում է, որտեղ մենք լուրջ նպատակներ ունենք»

«Գանձասար-Կապանի» գլխավոր մարզիչ Աշոտ Բարսեղյանը Հայաստանի գավաթի խաղարկության կիսաեզրափակիչ՝ «Շիրակի» հետ պատասխան հանդիպումից հետո (1-1) կայացած մամուլի ասուլիսում ասել է հետևյալը.

-Շնորհավորում եմ «Շիրակին» եզրափակիչ դուրս գալու առթիվ: Նրանք արժանիորեն հասան դրան: Ես հանդերձարանում գովեստի խոսքեր ասացի տղաներին: Մեր թիմը գրագետ ֆուտբոլ խաղաց: Տիպիկ գավաթային հանդիպում էր: Մենք այժմ կենտրոնանում ենք Բարձրագույն խմբի առաջնության վրա, իսկ «Շիրակին» հաջողություն եմ ցանկանում:

Վալմերսոն Գարսիան և Գեղամ Հարությունյանը մնացել էին պահեստայինների նստարանին: Ինչո՞վ էր դա պայմանավորված:

-Ոչ միայն նրանք էին մնացել, այլև Կլաուդիր Մարինին, Դամիր Մեմովիչը և Արա Խաչատրյանը: Ինչ վերաբերում է նրանց բացակայությանը, ապա այս տղաները հանդես են եկել առաջնության բոլոր հանդիպումներում, լարված խաղեր են անցկացրել, և ցանկանում էինք, որ նրանք մի փոքր հանգստանային: Թեև նրանք, ովքեր այսօր փոխարինել էին նրանց, հիանալի ֆուտբոլ խաղացին: Երեք օրը մեկ խաղեր անցկացնելը շատ է հյուծում ֆուտբոլիստներին: Նախատեսել էինք նրանց խաղադաշտ մտցնել երկրորդ խաղակեսում ու սրել խաղը, և այդպես էլ արեցինք: Ցավոք, չստացվեց գոլեր խփել: Առջևում առաջնության խաղն է կրկին «Շիրակի» դեմ և անհրաժեշտ էր լրացուցիչ հանգիստ տալ նշված խաղացողներին: Առաջնությունը շարունակվում է, որտեղ մենք լուրջ նպատակներ ունենք:

Այդ դեպքում կարո՞ղ ենք ասել, որ գավաթի խաղարկությունը Ձեր թիմի համար երկրորդական նշանակություն ուներ և առաջնայինն առաջնությունում հաղթելն է: 

-Ոչ: Գավաթակիր դառնալը շատ կարևոր ու ցանկալի էր: Չեմ ուզում թերագնահատել «Փյունիկին», բայց այս զույգի հաղթողն ավելի շատ հնարավորություններ էր ունենալու հաղթելու մրցաշարում: Ես երազում էի գավաթը նվաճելու մասին, բայց այստեղ մի նրբություն կա. եթե նույն ֆուտբոլիստները երեք օրը մեկ խաղային թե՛ այս, թե՛ այն մրցաշարում, ապա մենք կարող էինք կորցնել և՛ չեմպիոն, և՛ գավաթակիր դառնալու շանսերը:

 


Արամ Ոսկանյան. «Ինձ համար շատ ծանր է, քանի որ թիմի 9 ֆուտբոլիստներ վնասվածքներ ունեն»

Վարդան Բիչախչյան. «Արդեն աբսուրդի է վերածվում՝ գոլային պահերի գոնե 30%-ը չենք իրացնում»

«Շիրակ» – «Բանանց»՝ 1-0. «Ավանդույթի» պես՝ գյումրեցիները «Բանանցից» հաղթանակ կորզեցին խաղավերջում (տեսանյութ)

«Շիրակ» – «Բանանց». Առաջին խաղակեսից հետո (տեսանյութ)

«Շիրակ» – «Բանանց». Մեկնարկային կազմեր, ուղիղ հեռարձակում (տեսանյութ)

Տիգրան Ղարաբաղցյան. «Արարատն» այսօր ոչնչով չէր զիջում «Գանձասար-Կապանին»

Աշոտ Բարսեղյան. «Շատ ենք տեսել, որ թիմերն ամենավերջին պահին բաց են թողել չեմպիոնությունը»

«Արարատ» – «Գանձասար-Կապան»՝ 1-2. Կապանյան թիմն «Ալաշկերտին» արդեն զիջում է 3 միավորով

«Արարատ» – «Գանձասար-Կապան». Առաջին խաղակեսից հետո

«Արարատ» – «Գանձասար-Կապան». Հայտնի են թիմերի մեկնարկային կազմերը

Փոխվել է «Ալաշկերտ» – «Փյունիկ» հանդիպման անցկացման օրը

ՀՖՖ-ն «Շիրակին» ժամանակ է տվել՝ Գյումրիի ակադեմիայի բնական և արհեստական խոտածածկով խաղադաշտերի վիճակը բարելավելու համար

Արտակ Օսեյան. «Շիրակը» փորձառու թիմ է, և բնական է, որ պետք է օգտվեր մեր սխալներից»

Վարդան Բիչախչյան. «Հաղթեցինք, բայց կրկին մտահոգում է գոլային պահերի իրացումը»

Աշոտ Բարսեղյան. «Սա չեմպիոնական խաղ էր, բայց բախտն այսօր «Ալաշկերտի» կողմն էր»

«Ալաշկերտը» հսկայական քայլ կատարեց դեպի չեմպիոնություն