Լրացուցիչ

Ընտրել լեզուն

«Արցախ» – «Ալաշկերտ». Տեղեկություններ, որոնք մարզադաշտ այցելելու առիթ կդառնան

sdsds 1 - «Արցախ» - «Ալաշկերտ». Տեղեկություններ,  որոնք մարզադաշտ այցելելու առիթ կդառնան

«ԱՐՑԱԽ» – «ԱԼԱՇԿԵՐՏ»

0 խաղ, +0=0-0, 0-0

21 սեպտեմբերի, ժ.16:00, Երևան, ՊԵԿ մարզահամալիրի մարզադաշտ

Գավաթի քառորդ եզրափակչի վերջին խաղում նորաստեղծ «Արցախը» սեփական հարկի տակ կհյուրընկալի երկրի չեմպիոնին: Անշուշտ, գավաթային այս դիմակայության ֆավորիտը փորձառու «Ալաշկերտն» է: Դա ոչ մեկի մոտ կասկած չի հարուցում: Այլ հարց է, թե որքանով կհաջողվի ալաշկերտցիներին դա ապացուցելու խաղադաշտում իրենց արդյունավետ գործողություններով:

Հարկ է նշել, որ «Ալաշկերտին» մինչև սեպտեմբերի վերջը հարկ կլինի 3 օրը մեկ խաղադաշտ դուրս գալ: Գավաթային հանդիպումից ընդամենը 3 օր անց չեմպիոնը ՀՀ գավաթակիր «Շիրակի» հետ կվիճարկի Հակոբ Տոնոյանի անվան Սուպերգավաթը, այնուհետև սեպտեմբերի 27-ին և 30-ին կանցկացնի առաջնության հերթական տուրերի հանդիպումներն «Արարատի» և «Բանանցի» հետ:

Այնպես որ բացառված չէ, որ «Արցախի» հետ գավաթային մրցախաղին «Ալաշկերտը» ներկայանա զգալիորեն փոփոխված կազմով: Ճիշտ է, չեմպիոնը պահեստայինների բավական երկար նստարան ունի ու կարող է գրեթե հավասարազոր երկու կազմ դուրս բերել խաղադաշտ:

Բայց «Ալաշկերտը» նաև կազմի կորուստներ ունի: «Շիրակի» հետ խաղում վնասվածք էր ստացել առաջնության լավագույն ռմբարկու Արտակ Եդիգարյանը, իսկ պաշտպան Անդրանիկ Ոսկանյանը հեռացվել էր խաղադաշտից, ուստի այս հանդիպմանը չի մասնակցի:

Իսկ ամենակարևորն այն է, որ այս և առաջիկա երկու հանդիպումներում իր թիմի գործողությունները տեխնիկական գոտուց ղեկավարելու հնարավորությունից զրկված կլինի «Ալաշկերտի» գլխավոր մարզիչ Աբրահամ Խաշմանյանը:

21741147 821733601338780 9016059426514542752 o - «Արցախ» - «Ալաշկերտ». Տեղեկություններ,  որոնք մարզադաշտ այցելելու առիթ կդառնան

«Արցախը» գավաթային հանդիպումից ընդամենը 3 օր առաջ ծանր ու սկզբունքային մրցախաղ էր անցկացրել Վանաձորի «Լոռիի» հետ, ուստի ֆուտբոլիստների ուժերի վերականգնման համար քիչ ժամանակ է ունեցել: Այդ խաղում նորաստեղծ «Արցախը»  0-1 հաշվով պարտվեց բարձրագույն խմբի երկու ուղեգրերի համար պայքարում իր գլխավոր հակառակորդին՝ կրելով առաջնությունում առաջին պարտությունը և առաջատարի դիրքը զիջելով մրցակցին: Բացի այդ էլ, խաղադաշտից հեռացվեց փորձառու Նարեկ Գյոզալյանը, ով որակազրկվել է 6 խաղով ու, բնականաբար, բաց կթողնի գավաթի մրցախաղը:

Տիգրան Եսայանի գլխավորությամբ «Արցախը» վստահ է հանդես գալիս առաջին խմբում՝ հաջողությամբ պայքարելով բարձրագույն խմբի ուղեգրի համար: Թիմում ընդգրկված են ոչ միայն բարձրագույն խմբում հանդես գալու փորձ ունեցող ֆուտբոլիստներ, այլև լեգեոնականներ: Այնպես որ «Արցախը» կարող է լուրջ դիմադրություն ցույց տալ չեմպիոնին:

Եթե առաջնությունում և Սուպերգավաթի մրցաշարում «Ալաշկերտը» մեծ նվաճման է հասել, ապա գավաթի մրցաշարում թիմին դեռ չի հաջողվել արժանանալ պատվավոր մրցանակին: Ինչ խոսք, այդ բացն ալաշկերտցիները կփորձեն լրացնել գավաթի ընթացիկ խաղարկությունում: Իսկ դրա համար նախ պետք է հաղթահարեն «Արցախի» դիմադրությունը:

21200899 166788903886504 2648619233998046378 o - «Արցախ» - «Ալաշկերտ». Տեղեկություններ,  որոնք մարզադաշտ այցելելու առիթ կդառնան

«Ալաշկերտը»  6-րդ անգամ է մեկնարկի դուրս գալիս Հայաստանի գավաթի խաղարկությունում: Գավաթի մրցաշարերում «Ալաշկերտն» առայժմ ամենամեծ հաջողությանը հասել է 2014/15 և 2015/16թթ. խաղարկություններում՝ հասնելով մինչև կիսաեզրափակիչ: Գավաթի նախորդ խաղարկությունում ալաշկերտցիներին չհաջողվեց հաղթահարել քառորդ եզրափակչի արգելքը՝ երկու հանդիպումներում էլ պարտվելով «Փյունիկին» (1-2, 0-1):

«Արցախի» հետ հանդիպումը գավաթի մրցաշարերում «Ալաշկերտի» 17-րդ խաղը կլինի: Ալաշկերտցիները 7 հաղթանակ են տոնել, 3 խաղ ավարտել են ոչ-ոքի, կրել են 6 պարտություն, խփել են 17 գոլ, սեփական դարպասը բաց են թողել 15 գնդակ: Թիմի գավաթային ռմբարկուներն են Միհրան Մանասյանը, Հեբեր Արաուխոն և Արսեն Բալաբեկյանը, որոնք 3-ական գոլի հեղինակ են դարձել:

Երկարատև ընդմիջումից հետո կրկին վերածնված «Արցախն» առաջին հանդիպումն է անցկացնելու: Նշենք, որ 1993-2002, 2004թթ. Արցախը ներկայացրած թիմը (1993-1995թթ.՝ «Երազանք», 1996-2002թթ.՝ «Ղարաբաղ», 2004թ.՝ «Լեռնային Արցախ») գավաթի մրցաշարերում ընդհանուր առմամբ 22 խաղ է անցկացրել, որից 4-ում հաղթել է, 6-ն ավարտել է ոչ-ոքի, 12-ում պարտվել է, խփել է 20 գնդակ, սեփական դարպասը 47 գոլ է բաց թողել:

Աշոտ Հայրապետյան


Հայ 3 ֆուտբոլիստի թիմեր հայտնվել են իրենց երկրների «էլիտայում» (տեսանյութ)

Բարձրագույն խմբի 2017/18թթ. առաջնությունն ավարտված է, բայց որոշ հարցեր դեռ անպատասխան են. «Ալաշկերտը»՝ չեմպիոն (տեսանյութ)

«Ալաշկերտ» – «Գանձասար-Կապան». VivaroNews-ի ուղիղ հեռարձակումը

«Բանանց» – «Արարատ». VivaroNews-ի ուղիղ հեռարձակումը

«Արարատ-73». Փառքի երկու գագաթին. Խոշոր հաշվով առաջին հաղթանակը

Մարկոս Պիզելիի «ասիստը» հայազգի մարզչի թիմի դեմ խաղում, որն առաջնության առաջատարն է (տեսանյութ)

«Ալաշկերտի» ֆուտբոլիստները հանդիպել են Հենրիխ Մխիթարյանի հետ (լուսանկար)

«Ալաշկերտ» – «Գանձասար-Կապան». Ամենաուշագրավ տեղեկությունները՝ հանդիպմանն ընդառաջ

«Բանանց» – «Արարատ». Ամենաուշագրավ տեղեկությունները՝ հանդիպմանն ընդառաջ

«Շիրակը» հրաժարվում է մասնակցել «Փյունիկի» դեմ խաղին և պահանջում է ՀՖՖ նախագահի հրաժարականը

«Շիրակը» ՀՖՖ-ից պահանջում է վերադարձնել հանված միավորները

Հայտնի է, թե երբ կկայանա Հայաստանի Բարձրագույն խմբի առաջնության մրցանակակիրների պարգևատրումը

ՀՖՖ-ն «Շիրակի» գործով չի կատարի Երևան քաղաքի ընդհանուր իրավասության դատարանի որոշումը

«Շիրակ» ՖԱ-ի գործով ՀՖՖ-ն փաստեր տրամադրեց, իսկ «Շիրակը» պատասխան հայտարարությամբ հանդես եկավ

«Եզրափակչի մարդ» Կասպարովը տպավորիչ ռեկորդ սահմանեց՝ գերազանցելով Սարգիս Հովսեփյանին

Եթե ցանկանում եք դառնալ Հայաստանի գավաթակիր, ապա կազմում ունեցեք այս ֆուտբոլիստին