Լրացուցիչ

Ընտրել լեզուն

Արթուր Յուսպաշյան. «Ամեն ինչ անում եմ, որպեսզի կրկին հրավիրվեմ Հայաստանի հավաքական»

Արթուր Յուսպաշյանը ձմռանն է համալրել «Գանձասար-Կապանի» կազմն այն բանից հետո, երբ հեռացավ Կիպրոսի «Անագենիսի» ակումբից այնտեղ կես մրցաշրջան անցկացնելուց հետո: Հայաստանի ազգային հավաքականի թեկնածուն շատ լավ մարզավիճակ է հավաքել և կապանյան թիմի առանցքային ֆուտբոլիստներից մեկն է:

27-ամյա Յուսպաշյանը մինչ Կիպրոս տեղափոխվելը մշտապես հանդես է եկել «Փյունիկի» կազմում՝ նրա կազմում 4 անգամ դառնալով Հայաստանի չեմպիոն, 5 անգամ՝ գավաթակիր, ևս 3 անգամ նվաճել Հայաստանի Սուպերգավաթը:

«Արարատի» նկատմամբ այսօր տոնած հաղթանակից հետո (2-1) Արթուր Յուսպաշյանը պատասխանել է VivaroNews.am-ի հարցերին:

Ի՞նչ տպավորություններ ունեք հանդիպումից: 

-Ամենակարևորն այն է, որ կարողացանք հաղթանակ տոնել: Ինչ վերաբերում է խաղի ընթացքին, ապա մի փոքր խնդիրներ ունեցանք, չէինք կարողանում մեր ցանկացած ֆուտբոլը խաղալ, քանի որ խաղադաշտը շատ չոր էր: Բայց կարևորն արդյունքն է, ուստի ամեն ինչ նորմալ է:

«Գանձասար-Կապանը» վերջնամասում՝ 2-1 հաշվով հաղթելու ժամանակ մի փոքր անվստահ տեսք ուներ: Դա ինչի՞ հետ էր կապված:

-Այնպես չէ, որ մրցակիցը ճնշել էր իր գրոհներով: Պարզապես երբ հաղթում ես 2-0 հաշվով և խաղի վերջնամասն է, ցանկություն ես ունենում պահպանելու այդ հաշիվը՝ խաղալով խորքից: Պատճառը դա էր, այլ ոչ թե այն, որ նրանք առավելություն ունեին մեր նկատմամբ:

Չեմպիոնության համար պայքարում Ձեր թիմի գլխավորած մրցակիցը՝ «Ալաշկերտը», միավորներ է կորցրել և այժմ թիմերի միջև միավորների տարբերությունը հասել է 3-ի: Չեմպիոնական պայքարը նոր թա՞փ է ստանում:

-Չեմ կարող ասել, թե որն է եղել «Ալաշկերտի» սայթաքման պատճառը: Մենք մեր առջև միայն հաղթանակի խնդիր ենք դնում, իսկ թե մրցակցի խաղերն ինչպես կավարտվեն, դա արդեն երկրորդական է:

Աշոտ Բարսեղյանը միշտ նշում է, որ Դուք մեծապես ուժեղացրել եք թիմի խաղը: Այսպիսի մարզավիճակի պարագայում իրատեսակա՞ն եք համարում ուշադրության արժանանալու ազգային հավաքականի մարզիչների կողմից:

-Ես ամեն խաղում ներդնում եմ ամբողջ ուժերս: Ինչ վերաբերում է հավաքականին, ապա մարզիչները կնայեն և կորոշեն: Ինքս ամեն ինչ անում եմ, որպեսզի կրկին հրավիրվեմ հավաքական: Դա բոլոր ֆուտբոլիստների նպատակն է:

Ապագայի պլանները կապված են «Գանձասար-Կապանի» հե՞տ, թե՞ գուցե կրկին տարբերակ լինի տեղափոխվելու արտերկիր:

-Կոնկրետ այս պահին կարող եմ ասել, որ գուցե տեղափոխվեմ, գուցե՝ ոչ: Դա ժամանակի խնդիր է:

Դրա վրա կազդի՞ թիմի՝ եվրագավաթներին մասնակցելու գործոնը: 

-Անպայման մասնակցելու եմ այդ հանդիպումներին: Իսկ հետագայում ամեն ինչ պարզ կդառնա: Եթե լավ առաջարկ լինի, տեղափոխությունը կկայանա: Այստեղ այնպես է, որ արտասահմանից լավ առաջարկների դեպքում հեռանալու համար խնդիրներ չեն առաջանում:

Կես տարի անցկացրիք Կիպրոսի առաջնությունում և վերադարձաք: Դրական կամ բացասական տեղաշարժ նկատո՞ւմ եք Բարձրագույն խմբի առաջնության և թիմերի խաղամակարդակում:

-Կարծում եմ՝ թիմերի մակարդակը բարձրացել է: Ճիշտ է, մնացել է 6 թիմ, բայց միմյանց միջև պայքարը միշտ կա: 4 թիմեր դուրս են գալիս եվրագավաթներ, և այդ ուղեգրերի համար միշտ թեժ մրցակցություն է ընթանում: Դրանից էլ առաջնությունն ավելի հետաքրքիր է դառնում: Շատ թիմերի դեպքում ուժեղներն ու թույլերն ավելի ակնհայտ են երևում, իսկ այսպես ամեն ինչ շատ «խառն» է: Չգիտես՝ ով կլինի առաջինը, երկրորդը… Չորրորդ տեղի թիմը կարող է բարձրանալ առաջին հորիզոնական, կամ՝ հակառակը:

QrtNkod


Հայաստանի ազգային հավաքականը 25 տարեկան է

ՈՒԵՖԱ-ն ներկայացրել է Ազգերի լիգայի օրացույցը

«Արարատը» պատասխանել է Նորայր Գրիգորյանի հայտարարությանը, թե ակումբը նրա աշխատավարձը չի վճարել

Արմեն Համբարձումյան. «Իմ առջև նպատակ եմ դրել ամրապնդվելու Հայաստանի հավաքականում»

Դավիթ Յուրչենկոն ու ևս 15 ֆուտբոլիստ հրավիրվել են Հայաստանի ազգային հավաքական

FAF-ը հրավիրում է միանալու ուղևորությանը և աջակցելու Հայաստանի հավաքականին Չեռնոգորիայում

Տիգրան Ղարաբաղցյան. «Արարատն» այսօր ոչնչով չէր զիջում «Գանձասար-Կապանին»

Աշոտ Բարսեղյան. «Շատ ենք տեսել, որ թիմերն ամենավերջին պահին բաց են թողել չեմպիոնությունը»

«Արարատ» – «Գանձասար-Կապան»՝ 1-2. Կապանյան թիմն «Ալաշկերտին» արդեն զիջում է 3 միավորով

«Արարատ» – «Գանձասար-Կապան». Առաջին խաղակեսից հետո

«Արարատ» – «Գանձասար-Կապան». Հայտնի են թիմերի մեկնարկային կազմերը

Փոխվել է «Ալաշկերտ» – «Փյունիկ» հանդիպման անցկացման օրը

«Матч ТВ»-ի պատրաստած վավերագրական ֆիլմն «Արարատի» մասին (տեսանյութ)

ՀՖՖ-ն նվազեցրել է տոմսերի գները Հայաստանի հավաքականի առաջիկա ընկերական խաղի համար

Արկադի Անդրեասյան. «Արարատն» արդեն պատրաստ է պայքարելու բոլոր մրցակիցների հետ»

Արամ Ոսկանյան. «Պարզ իրավիճակներում «նվերներ» ենք տալիս, ինչից էլ օգտվում է մրցակիցը»