Լրացուցիչ

Ընտրել լեզուն

Արթուր Ոսկանյան. «Պարտության մեղքը վերցնում եմ ինձ վրա»

«Բանանցի» գլխավոր մարզիչ Արթուր Ոսկանյանը Բարձրագույն խմբի առաջնության 18-րդ տուրի՝ «Ալաշկերտի» հետ հանդիպումից հետո (1-2) կայացած մամուլի ասուլիսում նշել է հետևյալը.

-Վճռորոշ գործոնն այն էր, որ չկարողացանք օգտվել մրցակցի սխալներից, իսկ նրանք հմտորեն օգտվեցին մեր սխալներից: Ինչ վերաբերում է ընդհանուր խաղին, ապա սկսեցինք անվստահ, իսկ վերջնամասում մի փոքր ավելացրինք, բայց արդեն ուշ էր, չկարողացանք խաղը փրկել: Տղաները մինչև վերջ պայքարեցին: Պարտության մեղքը վերցնում եմ ինձ վրա, պետք է սխալները փնտրեմ իմ մեջ:

Ձեր թիմի ֆուտբոլիստների փորձի պակա՞սը խանգարեց այսօր հաջող հանդես գալ: 

-Ոչ, մենք գիտեինք դրա մասին: Պարզապես չօգտվեցինք մրցակցի սխալներից, իսկ նրանք արեցին դա: Շատ սխալներ թույլ տվեցինք, իսկ դա ճնշում էր ֆուտբոլիստներին: Վերջնամասն ավելի հաջող էր և հաջողվեց կրճատել հաշիվը:

«Բանանցը» մեծ դժվարությամբ էր դուրս գալիս պաշտպանությունից: Դա մրցակցի պրեսինգո՞վ էր պայմանավորված, թե՞ այլ գործոնով: 

-Համաձայն եմ, մի փոքր դանդաղ էինք գործում պաշտպանությունից դուրս գալիս: Բայց մրցակիցն այնպես չէ, որ հզոր պրեսինգ էր կիրառում, 2-3 ֆուտբոլիստներ էին փորձում խանգարել մեզ: Մենք պետք է ավելի արագ խաղարկեինք գնդակը: Այդուհանդերձ, վերջնամասում դա ստացվեց, քանի որ տղաներն ավելի վստահ սկսեցին հանդես գալ:

Թիմի նորեկ Նենադ Ինյացի խաղն ինչպե՞ս կգնահատեք: 

-Նորմալ, քանի որ ֆունկցիոնալ լավ վիճակում չէ: Բայց նա ուժեղ ֆուտբոլիստ է, պրոֆեսինալ և խաղից խաղ կցուցադրի իր որակները: Այսօրվա դրությամբ գոհ եմ նրա ելույթից:

Արամ Լոռեցյանին փոխարինեցիք ընդմիջմանը: Նա վնասվա՞ծք էր ստացել:

-Այո, խաղասկզբին հարված էր ստացել ոտքին: Մասնակցեց առաջին խաղակեսին, բայց ընդմիջումից հետո այլևս չկարողացավ խաղադաշտ դուրս գալ:

Այսօր թիմի դարպասը պաշտպանում էր Արամ Հայրապետյանը: Նա՞ է լինելու հիմնական դարպասապահը, թե՞ մրցակցություն է ընթանալու նրա և Ստեփան Ղազարյանի միջև: 

-Այսօր խաղաց Հայրապետյանը, բայց այնպես չէ, որ միշտ նա է խաղալու: Ղազարյանը նրան ոչնչով չի զիջում: Հավասարազոր դարպասապահներ են: Պարզապես Արամն ավելի պատրաստ էր, ավելի վստահ էր գործում: Գիտեք, որ Ղազարյանը վնասվածք ուներ, երկար ժամանակ բացակայում էր և միայն վերջերս է սկսել նորմալ մարզվել ու խաղալ: Պատճառը դա էր:


Արամ Ոսկանյան. «Ինձ համար շատ ծանր է, քանի որ թիմի 9 ֆուտբոլիստներ վնասվածքներ ունեն»

Վարդան Բիչախչյան. «Արդեն աբսուրդի է վերածվում՝ գոլային պահերի գոնե 30%-ը չենք իրացնում»

«Շիրակ» – «Բանանց»՝ 1-0. «Ավանդույթի» պես՝ գյումրեցիները «Բանանցից» հաղթանակ կորզեցին խաղավերջում (տեսանյութ)

«Շիրակ» – «Բանանց». Առաջին խաղակեսից հետո (տեսանյութ)

«Շիրակ» – «Բանանց». Մեկնարկային կազմեր, ուղիղ հեռարձակում (տեսանյութ)

«Ալաշկերտ» – Փյունիկ»՝ 3-3. Գոլառատ ոչ-ոքի, որը կտրուկ սրեց չեմպիոնական պայքարը

«Ալաշկերտ» – «Փյունիկ». Ուղիղ հեռարձակում (տեսանյութ)

Դանիել Ստոյկովիչը՝ «Ալաշկերտում» իր նպատակների, հայերի և սերբերի նմանությունների ու «Դոկտոր» մականվան մասին

Փոխվել է «Ալաշկերտ» – «Փյունիկ» հանդիպման անցկացման օրը

Արկադի Անդրեասյան. «Արարատն» արդեն պատրաստ է պայքարելու բոլոր մրցակիցների հետ»

Արամ Ոսկանյան. «Պարզ իրավիճակներում «նվերներ» ենք տալիս, ինչից էլ օգտվում է մրցակիցը»

Աշոտ Բարսեղյան. «Սա չեմպիոնական խաղ էր, բայց բախտն այսօր «Ալաշկերտի» կողմն էր»

«Ալաշկերտը» հսկայական քայլ կատարեց դեպի չեմպիոնություն

«Արարատը» 2-րդ անընդմեջ տնային հաղթանակն է տոնում

Արամ Ոսկանյան. «Թիմում պետք է լինեն միջին տարիքի հայ ֆուտբոլիստներ, ովքեր թիմին կտանեն իրենց հետևից, կլինեն առաջատարներ»

Արտակ Օսեյան. «Ափսոսանքի զգացում կա, որ չկարողացանք հաղթել»