Բաժիններ

Լրացուցիչ

Ընտրել լեզուն

Արոնյանն ու Մկրտչյանը հաշտություն կնքեցին մրցակիցների հետ

Լիլիթ Մկրտչյան

Սերբիայի Նովի Սադ քաղաքում շարունակվում է շախմատի Եվրոպայի ակումբային գավաթի խաղարկությունը:  5-րդ տուրում Լևոն Արոնյանը «Պադովայի» կազմում մասնակցեց ռումինական «ԱԵՄ Լիխտենի» հետ մրցախաղին: 2-րդ խաղատախտակի վրա հայ գրոսմայստերը հաշտություն կնքեց Միրչեյա-Էմիլիան Պարլիգրասի հետ: Ոչ-ոքի արդյունք գրանցվեց նաև թիմերի առաջատարներ Մաքսիմ-Վաշիե Լագրավի և Կոնստանտին Լուպուլեսկուի մրցավեճում:

Իսկ ահա «Պադովայի» կազմում 3-րդ և 4-րդ խաղատախտակների վրա հանդես եկած Բորիս Գելֆանդն ու Պետեր Լեկոն հաղթանակներ տարան՝ ապահովելով թիմի հաջողությունը: Էթիեն Բաքրոն հաշտություն կնքեց Միհայ-Լուչիան Գրունբերգի հետ: Իսկ ամենավերջինն իրենց մրցավեճն ավարտեցին Դանիիլ Դվիրնին ու Ռադու-Քրիստիան Տոման: Այն ավարտվեց 149-րդ քայլին իտալացի Դվիրնիի հաղթանակով: «Պադովան»  4,5:1,5 հաշվով առավելության հասնելով մրցակցի նկատմամբ, վաստակեց 8 միավոր և զբաղեցրեց 7-րդ հորիզոնականը: 8 միավոր ունեն ևս 7 թիմեր:

5-րդ տուրից հետո աղյուսակը միանձնյա գլխավորեց «Ալկալոիդը», որը 3,5:2,5 հաշվով հաղթեց «Մեդնի Վսադնիկին»: 9 միավորով 2-րդ տեղում է «Սիբիրը», որը նույնպիսի հաշվով առավելության հասավ «Աշդոդի» նկատմամբ: 6-րդ տուրում  «Պադովան» կմրցի «Օդլար Յուրդուի» հետ, որը ևս 8 միավոր ունի:

Կանանց մրցաշարում «Յուգրան» 2-րդ անընդմեջ պարտությունը կրեց՝  1,5:2,5 հաշվով զիջելով Բաթումի ՆՈՆԱ թիմին: 3-րդ խաղատախտակի վրա Լիլիթ Մկրտչյանն առաջինն ավարտեց իր մրցախաղը վրացի Բելա Խոթենաշվիլու հետ: Լիլիթն արդեն 3-րդ անընդմեջ պարտիան ավարտեց ոչ-ոքի: Իրենց պարտիաները խաղաղությամբ ավարտեցին նաև Աննա Ուշենինան ու Նատալյա Պոգոնինան:

Մրցակցության ելքը վճռվեց  4-րդ խաղատախտակի վրա: Սալոմե Մելիան հաղթելով Մարինա Նեչաևային, հաղթանակ պարգևեց իր թիմին: ՆՈՆԱ-ն վաստակեց 7 միավոր՝ շրջանցելով 6 միավոր ունեցող «Յուգրային», որը 3-րդ տեղում է: 6 միավոր են վաստակել ևս 5 թիմեր: 6-րդ տուրում «Յուգրան» կմրցի մոսկովյան SHSM թիմի հետ:


Եվրոպայի առաջնություն. Էլինա Դանիելյանը 4 առաջատարներից մեկն է

Եվրոպայի առաջնություն. Էլինա Դանիելյանը կես միավոր է զիջում առաջատարին

Էլինա Դանիելյանն ու Մարիա Գևորգյանն առաջին հաղթանակները տոնեցին

ՖԻԴԵ. Հայ շախմատիստների դիրքերը նոր վարկանիշային աղյուսակում

Դանիելյանն ու Մկրտչյանը լքեցին աշխարհի առաջնությունը

Դանիելյանն ու Մկրտչյանը հաշտություն կնքեցին մրցակցուհիների հետ

Դանիելյանն ու Մկրտչյանը սկսում են մրցավեճն աշխարհի չեմպիոնուհու տիտղոսի համար

Հայտնի են հայ շախմատիստուհիների մրցակցուհիներն աշխարհի առաջնությունում

Հայաստանի 6 շախմատիստներ 100 ուժեղագույնների թվում են

Ամանորյա հարցախույզ. Լիլիթ Մկրտչյան

Էլինա Դանիելյանն ու Լիլիթ Մկրտչյանն աշխարհի առաջնության մասնակիցների ցանկում են

Լիլիթ Մկրտչյանը՝ Ռումինիայի չեմպիոնուհի

Լևոն Արոնյանը ՖԻԴԵ-ի վարկանիշային ցուցակում զիջել է դիրքերը

Լիլիթ Մկրտչյանը «Յուգրայի» կազմում արժանացավ բրոնզե մեդալի

Արոնյանն ու Մկրտչյանը կրկին հաշտություն կնքեցին մրցակիցների հետ

Շախմատ. «Պադովան» հաղթեց, «Յուգրան» առաջին պարտությունը կրեց