Լրացուցիչ

Ընտրել լեզուն

Արոնյանը կփոխարինի Կրամնիկին Grand Chess Tour-ում

Ռուսաստանցի գրոսմայստեր Վլադիմիր Կրամնիկը պատճառաբանելով ծանրաբեռնվածությունը, հրաժարվել է Grand Chess Tour-ի մրցաշարերի մասնակցությունից: Նրան կփոխարինի Լևոն Արոնյանը, ով ընդգրկված էր պահեստայինների թվում:

Այսպիսով, հայտնի են Grand Chess Tour-ի մրցաշարերի բոլոր 9 մասնակիցները: Բացի Արոնյանից, մրցաշարերին կմասնակցեն նաև աշխարհի գործող չեմպիոն Մագնուս Կառլսենը, Grand Chess Tour-ի անցյալ տարվա հաղթող Ուեսլի Սոն, Սերգեյ Կարյակինը, Մաքսիմ Վաշիե-Լագրավը, Հիկարու Նակամուրան, Յան Նեպոմնյաշչին, Վիշվանաթան Անանդը և Ֆաբիանո Կարուանան:

Grand Chess Tour-ն իր մեջ ընդգրկում է դասական շախմատի 2 և արագ ու կայծակնային շախմատի 3 մրցաշար: Շախմատիստներից յուրաքանչյուրը կմասնակցի դասական և արագ ու կայծակնային շախմատի 2-ական մրցաշարի: Այդ մրցաշարերի արդյունքներով էլ կորոշվի Grand Chess Tour-ի հաղթողը:

Լևոն Արոնյանը Grand Chess Tour-ում ելույթները կսկսի բելգիական Լևեն քաղաքում  հունիսի 28-ից հուլիսի 2-ը կայանալիք արագ և կայծակնային շախմատի մրցաշարում: Այնուհետև Լևոնը կմասնակցի ամերիկյան Սենտ Լուիսում հուլիսի 31-ից օգոստոսի 12-ը կայանալիք դասական շախմատի Սինկֆիլդի գավաթի խաղարկությանը, ինչպես նաև հաջորդ օրը նույն մրցավայրում մեկնարկող արագ և կայծակնային շախմատի մրցաշարին: Grand Chess Tour-ում Արոնյանը ելույթները կավարտի Լոնդոնում նոյեմբերի 29-ից դեկտեմբերի 12-ը կայանալիք դասական շախմատի մրցաշարի մասնակցությամբ:


GRENKE Chess Classic. Լևոն Արոնյանն այս տարի իր առաջին մրցանակը շահեց

GRENKE Chess Classic. Արոնյանը ժամկետից շուտ նվաճեց գլխավոր մրցանակը

Արոնյանը հաղթեց ադրբեջանցի շախմատիստին և ամրապնդեց առաջատարի դիրքը

Լևոն Արոնյանը միանձնյա գլխավորեց մրցաշարային աղյուսակը

GRENKE Chess Classic. Արոնյանն առաջին հաղթանակը տոնեց

GRENKE Chess Classic. Արոնյանը հաշտություն կնքեց աշխարհի չեմպիոնի հետ

GRENKE Chess Classic. Արոնյանը մեկնարկեց ոչ-ոքիով

ՖԻԴԵ. Հայ շախմատիստների դիրքերը նոր վարկանիշային աղյուսակում

Grand Chess Tour-ում Արոնյանի մեկնարկը կկայանա Լյովենում

Լևոն Արոնյանը վատթարացրել է ցուցանիշները ՖԻԴԵ-ի վարկանիշային աղյուսակում

Լևոն Արոնյանը մրցաշարն ավարտեց պարտությամբ

Լևոն Արոնյանը կրկին բավարարվեց կես միավորով

Ոչ-ոքիների համաճարակ Գրան Պրիի մրցաշարում

Արոնյանին առայժմ չի հաջողվում հաղթանակ տոնել

Արոնյանն իր օգտին 5-րդ անընդմեջ ոչ-ոքին գրանցեց

Արոնյանը կրկին հաշտություն կնքեց